قصة شامة

انا شامة عندي 18عام كنقرا في الباك هاد لعام انا مزويناش وشعري حرش عويناتي مديقين شوية بحال شنوة ولوني مشاد حتى جيهة الى كنت حدا لبيضين كنبان سمرة ويلى حطوني حدا سمرة نبان بيضة لحصول مكنش يعجبني راسي حيت حتى دري مكان يتبعني وحتى لقصص ليكنت نعود لصحبتي كانو من خيالي وتمنيت نعيشهوم وفي لقيصم كانو يهدرو معيا حتى نهار الامتحان كنت فرحنا حيت عندي شي حاجة مميزة ومكنتش نقدر ندير مكياج بحال بنات حيت دارنا ناس محفيضين ومكين غالصلى والدين ،صحبتي واحد نهار قالت ليا نخرجو وهيا عرفني فلوس معنديش حيت دارنا مفحلهومش الحمد معندناش ومخصناص مهم قلت ل مريم صحبتي راكي عرفة اختي معنديش ؛ صافي كني هانية كلشي عاى حسابي خرجنا وكدبت على دارنا بلي غنحفظ معا مريم في دارهم انا عرفها هد لمجرمة ديال مريم كتديني باش تبان حدايا بقوصة قدام صحبها هههه مهم مشينا وهو جاب صحبو باش منبقاش حضيهم ههه السلام مراد هدي صحبتي شامة، مراد كان محملش راسو معيا حسيت بيه اوى اش ندير هدشي لي عطى الله زعمة وجبتو خدام ولا كتقرا ؟ كتهدري معيا !!! يمكن اش باليك وهو يشد تلفون ولد لحرام محشاهش ليا
عيط ل هشام صحب مريم حيت كانو بعاد علينا فينكم اصحبي راك عرفني باقي تبعني شحال من حاجة اوى سربي اخويا الله يحفظك حط التلفون وبدا يتفرج في الماتش تعصبت من هد التصرف وانا مالي معلياش الله بقيت ساكتة حتى بانت ليا مريم غير شفتها وانا نجمع لوقفة يالله تعطلت على الدار مشينا مسلمت على حتى قمقوم فيهم مشيت لدار بقيت نبكي ونشوف في لمرسا وجهي بدا ينوض فيه لحبوب وزركة مشيت عند ماما وقلت ليها كيف كنجيك زوينة ولا خايبة بقات كضحك عليا علاش هد السؤال وصافي جوبي عفاك نتي زوينة وكتحمقي وقلبك بيض بقيت نضحك حتى بنت ليا ضرشت لعقل مشيت لبيت نعس حدا خوتي داك السداري طيبتو مسكين صباح مشيت ليسي كيف لعادة وقفت ليا واحد الطموبيل كحلة معرفتش سميتها حيت مكنفهمش فيهم مهم كلاكسونا عليا وميسحبليش عليا مدرتش وانا ندخل معا واحد الدرب باش نفهم حيت متيقتش راسي حتى كنسمع حشومة عليك اختي مسخسخانس وغير تواضعي ضرت نشوف لقيتو .
ضرت نشوف شكون هدا لي شافني غير من لور وهو غير شافني وهو يشد التلفون وكنسمع فيه وافينك دابة انا في نفس لبلصة احبيبة عرفتو مشا غالط ههههه مهم كملت طريقي وصلت ليسي دخلت نقرا على قلبي داز نهار مزيان معا 6 ديال لعشية خرجين وهيا تقولي كوتر يالله ونسيني نمشي لسيبير راه البيسي خصر ليا وانا مع خصني غير فين نديع مشية معاها دخلنا وبقيت حضيها وهي تقولي شامة سيري كلسي في شي بوصت انا نخلص عليك كيف لعادة دخات لفيس طليت لقيت واحد الكروب ديال تقافات اجنبية وسيفط انفيتاسيون وقبلوني وبديت حتى انا خشية نيفي سالات الساعة دغيا وهي تجي عندي كوتر ونوضي اصحبتي سديت وخرجنا م شيت لدار ......

صافي هكي وعلى لصقة مشيت نجري لقيتو وبقينا تاني نضحكو وعجبني لحال بزاف حيت اول مرة شي حد يهضر معيا بلا ميشوفني وقلي بغيت نشوفك درت السبة بلي معنديش التلفون قالي انا نصيفط ليك فلوس وشري التلفون قلت ليه لا منقدرش نقبلو قالي ارتحيت ليك بزافففففف اول مرة نهضر مع شي بنت عفوية بحالك شويا قالي ديري سكايب وديري كام وانا نقوليه راه معنديش كونت صوبو ديك الساعة وصيفط ليا وانا تعصبت غدي يطير من يدي وانا نقوليه سمحلي خصني نمشي راه سالت الساعة امتى نشوفك ا شامة معرفتش مهم الى دخلت نصيفط ليك ميساج اوكي احبيبة او هدا دغيا بغاني ههههه مهم مشيت واخا كنت بغيت نهر معاه ولكن زيرني بالكام مني غدا وانا كنفكر فيه حتى وصلت لدار غسلت معان تفرجت ونعست وانا كنفكر في كمال الطول والزين وسنسنات بيضين اح اقلبي ..
انا كنت متيقنة بلي غير يشوفني معمرو يبقى يهدر معيا مبقيتش مشيت لسيبير وتوحشتو بزاف خفتو يقولي تاني ديري لكام واحد نهار مشيت عند مريم لدار وطلبتها تعطيني البسي ديالها وغير حليت لقيت شي 20 ميساج فرحت بزاف شامة راني مشوش عليك بزاف الى شفي هد ميسجات خلي ليا سميتك كملة وانا نقول اش فيها نعيش حتى لحب واخا غير من طرف واحد خليتها ليه وخرجت وقلت لمريم خلي لكونط ديالي عندك راه غيصفيط ليا كمال فلوس باش نشري تلفون حسيت بيها تصدمت كيفاش فلوس انا لي عندي كلشي وحتى شي قندوح مقدر يشري ليا حتى صباط شفتي هدا بغي غير يقدي حاجتو لا اختي هو عمر شافني وهي طلق واحد الضحكة ديال الاستيهزاء اول مرة نتقلق حيت ديما كيعيروني وانا قشبتي واسعة الحمد الله مشيت فحالي صباح ولقيتها قلتها لكلشي لي شفني في القسم يوقلي كمال كمال ها منار جات غير هي شويا مبرونزيا حشومة عليك ا مريم؛ ملكي ياك ديما كنضحو؛ وولا اصحبتي هدشي مخصوش يتقال صافي صافي هكي اشنوا هدا السي كمال صيفط ليك 1500 باش تشري تلفون وراه قلت ليه شكرا مصدقتش اول مرة نشوف بحال هاد لمبلغ
غير خرجت معا 12 وانا نمشي شريت نمرة ودزت خديت تلفون ونيشان لدار دخلت لطوليت حيت هيا لبلاصة لي ميقدر يدخل عندي حد هههه دخلتها وحليت لفيس هو لول كنت كنفهم في تلفونات حيت صحباتي عندهم مهم لقيتو دخل صيفط ليه معرفتش كيفاش نشكرك وهو يقولي خديتي التلفون اه هو هدا اوى صوري ليا نشوف حبيبتي وانا نسمع بابا دخل بسلامة حتى نمشي مدرسة راه بابا جا اوكي احبيبة مشية تغديت وخرجت ليسي ومدخلتش اول مرة نديرها بقينا نهدرو في لفيبر شي 5 سوايع وصلت 6 مشيت لدار وقولت يهم انا مريضة غنعس تغطيت بالمنطة وجبت تلفون وليت كنبغي واخا لمدة قصيرة داز3 شهور قالي شامة علاش مبغيتيش نشوفك؟؟؟؟ مشي هكك احبيبة راني كنسناك حتى تجي وتشوفني؛لا انا بغي نشوفك دابة ومغدي نقبل حتى عدر واخا حتى نمشي عند صحبتي تصورني واخا هاني نتسنى بسلامة مشيت عند كوثر حيت كتعرف دير مكياج طلبتها دخلتني لبيتها وصوبت ليا ومع اول مرة شفت رسي ششوية زوينة عطتني لبسة وبدات تصورني باش نشوف شي وحدة تكون زوينة نصيفطها لكماللقيت واحدة عجبتني وعزلنا شي 4 بلباس مختلف تحسبان ههههه صيفط ليه شفها ولكن مجوبش دازت شي 2ه وختكوم تحرق مالك ؟؟؟؟ فينك؟؟؟؟؟ حبيبة ؟؟؟؟ اويلي هدشي غير ديرة مكياج هههه شوية بان ليا كيكتب شامة ديزولي راني كنت خدام اوى زيدي ملكي صقرامة اش نزيد ؟ تصاور؛لا صافي ياك قلتي بغي تشوفني هنتا شفتيني اوكي على خطرك انا عندي لخدمة من نبعد نهدرو حسيت بيه تقلق في لعشية مدخلش وكنعيط ليه والو اويلي مشا الراجل دازت 15 يوم وانا مريضة بلفقصة كيعيط وماما حديا بغيت نوض كتشدني الدوخة واش لحب يدير هكا اححححح اقلبيخليت ماما حتى مشات لكوزينة ودخلت تاني لطوليط حشكوم وهو يقولي نتي ضريفة بزاف وانا كنبغيك بداك لقلب وديك الروح وانا نقاطعو كمل ولكن ؟ مغديش لقى بحالك صافي اكمال بلى متكمل عرفة راسي مكينش ليبغيني لشخصي كلشي على مظاهر؛ سمحيني بزاف وغدي تلاقي ولد الناس حيت تستهلي كل خير قطعت وانا بصدمة سخفت بقيت شحال عاد فقت حليت ومشيت تكمشت ففي بلاصتي داز عليا 1شهر كحل حسيت بلبنات كيتشفاو فيا وبقيتش نضحك ندمت على نهار هضرت معاه بداو لمتيحانات صافي كملت حياتي وعرفت ميقبل عليا حد دوزنا لمتيحان ونجحت في لباك درنا كانو فرحنين وحتى انا مريم صقطاط وكوثر دازت استيدركية وصل شهر 7 كيف لعادة مكنصفروش ولكن بنت جيرنا كتديني معاهم حيت كيخيمو في لبحر دزت مبيهاش نهار لخر لي غنجي صونت عليا واحد نمرة معرفتهاش الو الو شكون معيا صافي نسيتي صوتي سمحلي معقلتش انا كمال تصدمت بقيت ساكتة وفي خاطري ناري اش بغا تاني بحرا منسيتو الو الو اه كيدير لاباس الحمدالله انا راه في لمغرب بغيت نشوفك كيفاش؟؟؟؟ حتى نتلقاو ونقوليك واخا امتى نشوفك حتى لجمعة حيت انا مكيناش في الدار واخا منعودليكمش البنات مقدتني فرحة كيف وصلت لدار لقيت ماما ديرة الشعبي ودخلة سخونا مكين غنشاط ههوا شاط حتى سخفت ههه ماما بقات تضحك وعنقتها وصلت لعشية مشيت عند كوثر منقيدتي ههه امضرة اش درتي وهيا تنقز عليا نجحت وبدينا نقزو كيف لحمقين وانا مع زيدة فيا لادوز ههه محسيت حتى طحت على لنت ديال نموسية كنطير ههههه كوثر رضت لبال اهيتة اش عندك حشمت بديت نضحك كمال جا لمغرب وبغى يشوفني بصح يك تفرقتو ايوا اخي لحب يدح يدح ههههه وعتقيني شي لبيسة وشي مكياج بغيت منعرفش راسي ههه بقات كضحك انتي ا شامة ظريفة وقلبك بيض وزوين ومغديش يلقى حسن منك الى مكانش يديها في لمظاهر خرجو دموعي وعنقتها مشيت لدار فرحنا بهضرت كوثر عيطلي في الطريق شميمتي راني مشتاق نشوفك ضحكت حتى انا؛ انا قربت لدار بسلامة غي صبح الصباح مشيت لحمام جيت تغديت وقلت لماما انا عند كوثر صوبتلي شعري ودارت يا فوندثان ولكحل ريسيل وكلوص جيت ميباش الو فينك هاني موراك شفني مديت يدي وجا مد ليا حنيكاتو وقالي في ودني متوحشتينيش حدرت راسي وركبت معاه مشينا لكافي في عين السبع قدام لبحر بقيت ساكتة قالي ملكي اشامة انا عرفت راسي غلط معاك وديتها في لمظاهر ولكن عجبتني روحك واخلقك وانتي ركي زوينة في عينيا مهمكش وانا كنت متردد باش نهدر معاك ولكن لبي بغاك واخترك انتي حسيت بحال شي حلم وهو كيهدر بديت كنبكي تخلع ملكي اشامة والو ير اول مرة ششي حد يهتم بيا ويشوف عنقني وقالي عمري منفرط فيك وصلني شويا ورجعت طيرة من لفرحة مشيت عند كوثر بدلت ومسحت وجهي وعودت ليها ورجعت لدار دخلت مبقيتش بغيت نكول غير كنضحك بحال لهبيلة بقينا على هاد لحال 20 يوم ولفتو بزاف قالي شميمتي عندي ليك خبار زوين وواحد خايب اشنو نسبق ليك قلت ليه غير قول ومتصدمنيش بقا كيضحك نقوليك لخيب وقلبي غيسكت وقول بقات ليا 10 ايام ونمشي اواه ناري كيف غندير بلا بيك وسوليني على لخبار زوينة يالله قول نسمعغنجي انا وختي نخطبوك حيت هو يتيم مسكين ونقوليه واش كتهر بصح ولا كتفلى عمري نتفلى عليك اعمري جاتني الساكة لمسكتوة الو الو حبيبة فينك متيقتش صرفقت راسي حتى توعت واه كاع هدا زهر عندي عطيو نمرة بابا عيط ليه وجا مع ختو ورجلها وبنتها بابا وماما فرحو وكلينا دكشي ليقصم الله وقرو لفتحة وش سمعتوني لفتحة يعني وليت مرتو ناري مريم تعرف تنتحر وعطيتو التلفون وعطاه لباب قايه عطيه لشامة غير مشو جات كوثر حيت هي مسكين عطتني قفطان صوبت ليا فرحت ليا بزاف وقالت شفتي ربي كبير مشى كمال بقينا نهضر في التلفون مني قرب راس لعام عيط لباب قاليه وجدو لورق باش نتكتبو وديه معاه باشيصوب لليا لوراق جا تكتبنا ودرنا غير لفميلة وجيرنا حيت دكشي على قد لحال وبغيتش نزيد عليه اول مرة نمشي لكوفورة ومعرفتش راسي وحتى كمال عجبتو ههههه داز عام ونص خرجولي لوراق وجا ومشينة دوزنا شهر لعسل وراني بقى شاكة كنحلم هههه ولكن هدشي مفيهش تخرشيش ههههه سمعت في من ككوثر بلي رجعوني انا ومآما سحرات مديتهاش فيهم وجات مريم وقالتي حكولهم كيول الله يعطينا سعد لخيبات حتى انا عاد فهمتها هههه انشرح ليكم حنا لخيبات مكتشش فينا لين حيت حتى واحد محضينا كلشي كيتيسر ههههههه مهم وصلنا بخير وليت نصيفط لدارنا ونجيب معيا وكمال ممخليني محتاجة والو الله يحفظهم ليا ايه راني ولادت ادم وشي حاجة في لطريق ههه لحصول مسخيتش بيكم وهدي هي قصتي وخا خايبة عندي الزهر هههههه وانتومة ازونيين الله يسهل عليكم٠٠٠

قصة زوينة الله يعطيك الصحة

ههههههههههههه صحابلي انا شكرا حبيبة

قصة زوينة وكاينين الي مكيهتموش بالمضتهير وكولشي على الزهر هههه

وعند الصباح سكتت  شهرزاد عن الكلام المباح     شكرا لك     فكرتيني  في الف ليلة  وليلة