قصة زهرة

ﺳﻤﻴﺘﻲ ﺯﻫﺮﺓ ﻫﺎﺫ ﺍﻟﺴﻤﻴﺔ ﻟﺨﺘﺎﺭﺗﻠﻲ ﺍﻟﻮﺍﻟﻴﺪﺓ ﻭ ﺫﺑﺤﻮ ﻟﻴﺎ ﻋﻠﻴﻬﺎ ﺩﺟﺎﺟﺔ ﻓﺴﺒﻮﻉ ﺍﻟﻮﺍﻟﻴﺪ ﻛﺎﻥ ﺑﻐﺎ ﻳﺴﻤﻴﻨﻲ ﻓﺎﻃﻨﺔ ﻭ ﺑﺎﻟﻨﺴﺒﺔ ﻟﻴﺎ ﻫﺎﺫ ﺍﻟﺴﻤﻴﺎﺕ ﻋﻨﺪﻱ ﺑﺠﻮﺝ ﺑﺤﺎﻝ ﺑﺤﺎﻝ ﺗﺎ ﻭﺣﺪﺓ ﻣﻨﻬﻮﻡ ﻣﻤﺤﻤﺮﺍﺵ ﺍﻟﻮﺟﻪ ﻛﻮﻥ ﻏﻲ ﺳﻤﺎﻭﻧﻲ ﺍﻟﺰﺭﻗﺔ ﺣﺴﻦ ﺣﻴﺎﺗﻲ ﻛﺤﻠﺔ ﺗﺎ ﺣﺎﺟﺔ ﻣﺎﺗﺘﺒﺎﻧﻠﻲ ﻣﺰﻳﺎﻧﺔ ﺑﺼﺢ ﺍﻧﺎ ﺯﻫﺮﺓ ﻭﻟﻜﻦ ﺯﻫﺮﺓ ﺫﺍﺑﻠﺔ ﻣﺪﺓ ﻣﺘﺴﻘﺎﺗﺶ ﺗﺎﻳﺒﺴﺎﺕ ..
ﺗﺰﺍﺩﻳﺖ ﻭﻛﺒﺮﺕ ﻓﺪﻭﺍﺭ ﻧﻬﺎﺭ ﻭﺍﺣﺪ ﺧﺮﺟﺖ ﻓﻴﻪ ﻫﻮ ﻓﺎﺵ ﻣﺸﻴﺖ ﻣﻊ ﺍﻟﻮﺍﻟﻴﺪ ﻫﺒﻄﻨﺎ ﻟﻤﺪﻳﻨﺔ ﻧﺼﺎﻳﺐ ﻻﻛﺎﺭﻁ ﺑﺎﺵ ﺗﺎ ﺃﻧﺎ ﻳﻌﺘﺎﺭﻓﻮ ﺑﻴﺎ ﻓﻬﺎﺩﺝ ﺍﻟﺰﺭﺑﻴﺔ ﻟﻐﻨﺎ ﻋﻠﻴﻬﺎ ﻣﻮﻝ ﺍﻻﻧﻒ ﺍﻟﻌﺠﻴﺐ ﻧﻌﻤﺎﻥ ﻟﺤﻠﻮ ﻭﺯﻳﻨﻮﻫﺎ ﻟﻨﺎ ﻓﺎﻻﺧﺒﺎﺭ ﻭﺻﻮﺭﻭﻫﺎ ﻛﻴﻒ ﺑﻐﺎﻭ .. ﻓﺪﺍﻙ ﺍﻟﻨﻬﺎﺭ ﺷﻔﺖ ﻧﺎﺱ ﻛﻴﻌﺎﻳﺸﺔ ﻓﻠﻤﺪﻳﻨﺔ ﺃﻣﺎ ﺣﻨﺎ ﻓﺪﻭﺍﺭ ﻏﻲ ﺗﻨﺘﻨﻔﺴﻮ ﻭﺻﺎﻓﻲ ﺃﻣﺎ ﻣﻮﺣﺎﻝ ﻭﺍﺵ ﻋﺎﻳﺸﻴﻦ ﻭﺧﺎ ﺫﺧﻠﻮﻧﻲ ﻟﻠﻤﺪﺭﺳﺔ ﻣﻌﻄﻠﻴﻦ ﺑﻨﺖ 8 ﺳﻨﻴﻦ ﻭ ﺳﺒﻄﺎﻋﺶ ﻳﻮﻡ ﻣﻘﻠﺘﺶ ﻟﻬﻮﻡ ﻭﺍﻟﻮ ﻟﻤﻮﻫﻴﻢ ﺫﺧﻠﻮﻧﻲ ﻭﺧﺎ ﺍﻟﺠﻮ ﺩﻳﺎﻝ ﺍﻟﺪﻭﺍﺭ ﻣﺘﻴﺨﻠﻴﺶ ﻟﻮﺍﺣﺪ ﻳﻜﻤﻞ ﻗﺮﺍﻳﺘﻮ ﻭﺧﺎ ﻳﺒﻐﻲ ﺍﻟﺒﺮﺩ ﻭ ﺍﻟﻤﺪﺭﺳﺔ ﺑﻌﻴﺪﺓ ﻭ ﻟﻤﻮﻋﻠﻴﻢ ﻟﺘﻴﺤﻀﺮ ﻣﺮﺓ ﻓﺼﻴﻤﺎﻧﺎ ﺣﻴﺘﺎﺵ ﺗﺎ ﺣﺪ ﻣﻐﻴﺤﺎﺳﺒﻮ ﻭﻻ ﻳﺸﻮﻓﻮ ﻓﻬﺎﺫ ﺍﻟﺨﻼ ، ﺍﻟﻤﺪﻳﺮ ﺃﻧﺎ ﻣﻌﻤﺮﻧﻲ ﺷﻔﺘﻮ ﻛﺂﻥ ﺗﻴﺴﺤﺎﺑﻠﻲ ﻛﺜﺮﺓ ﻟﺨﺪﻣﺎ ﻓﺎﻻﺩﺍﺭﺓ ﻫﻲ ﻟﻤﺘﺘﺨﻠﻴﻬﺶ ﻳﺨﺮﻭﺝ ﻣﻦ ﺑﻌﺪ ﻛﺘﺎﺷﻔﺖ ﺑﻠﻲ ﺍﻟﻌﺴﺎﺱ ﻫﻮ ﻟﺘﻴﻔﺘﺤﻬﺎ
ﺍﻟﻌﺴﺎﺱ ﻫﻮ ﻟﻜﺎﻥ ﺗﻴﻔﺘﺢ ﺍﻻﺩﺍﺭﺓ ﻭﺗﻴﺨﻠﻴﻬﺎ ﻫﻜﺎﻙ ﺑﺎﺵ ﺣﻨﺎ ﻳﺴﺤﺎﺑﻠﻨﺎ ﻛﺎﻳﻦ ﻟﻤﻮﺩﻳﺮ ﺛﻤﺎ ﻭ ﻧﺒﺪﺍﻭ ﻧﺪﺧﻠﻮ ﺑﻜﺮﻱ ﻭﻣﻨﺪﻳﺮﻭﺵ ﺻﺪﺍﻉ ، ﺩﺍﺯﻭ ﻟﻴﺎﻡ ﻛﺒﺮﺕ ﻭ ﺯﻳﺎﻧﻴﺖ ﻛﺎﻧﻮ ﺗﻴﻨﺎﺩﻳﻮ ﻋﻠﻴﺎ ﺑﻨﺖ ﺟﻴﻼﻟﻲ ﻟﻤﺠﺘﻬﺪﺓ ﻭﻓﻴﻨﻤﺎ ﺗﺘﺠﻲ ﺷﻲ ﺑﺮﻳﺔ ﻟﻨﺎﺱ ﺩﻭﺍﺭ ﺑﻠﻔﺮﻭﻧﺴﻲ ﺗﻴﺠﻴﺒﻮﻫﺎﻟﻲ ﻧﻘﺮﺍﻫﺎ ﻛﻨﺖ ﺗﻨﻘﺸﻊ ﻓﻠﻔﺮﻭﻧﺴﻲ ﻋﺎﻭﻧﻲ ﺑﺰﺍﻑ ﻋﻤﻲ ﻟﻲ ﻓﻠﻤﺪﻳﻨﺔ ﻓﺎﺵ ﺗﻴﺠﻴﺒﻠﻲ ﻟﻜﺘﻮﺑﺎ ﻭﺩﻳﻜﺴﻴﻮﻧﻴﺮﺍﺕ ﻟﻘﺪﺍﻡ ﺩﺑﻨﺘﻮ ﻧﺘﻌﻠﻢ ﻓﻴﻬﻮﻡ ﻛﺎﻥ ﺗﻴﺴﺤﺎﺑﻠﻲ ﻋﺰﻳﺰﺓ ﻋﻠﻴﻪ ﺗﺎ ﻟﻮﺍﺣﺪ ﻧﻬﺎﺭ ﺩﺍﺭ ﻣﻌﺎﻳﺎ ﺳﺘﻮﻥ ﻛﺮﻫﺘﻮ ﻓﻴﻪ ﻭﺣﺮﻗﺖ ﻛﺎﻉ ﺍﻟﺘﻼﻭﺍﺕ ﻟﺠﺎﺑﻠﻲ .
ﻧﻬﺎﺭ ﻟﺨﻤﻴﺲ ﻣﻦ ﻟﻌﻄﻠﺔ ﺩﺭﺑﻴﻊ ﻭﺣﺪﻱ ﻓﺪﺍﺭ ﺍﻟﻮﺍﻟﻴﺪ ﻭ ﻟﻮﺍﻟﻴﺪﺓ ﻣﻌﺮﻭﺿﻴﻦ ﻟﻮﺍﺣﺪ ﻟﻌﺮﺱ ﻛﻨﺖ ﻣﺪﺍﺑﺰﺍ ﻣﻊ ﺷﻘﺎ ﺩﺍﺭ ﺗﺎ ﺑﺪﻳﺖ ﺗﻨﺴﻤﻊ ﺩﻗﺎﻥ ﺩﻟﺒﺎﺏ ﻭﺗﻔﻜﺮﺕ ﻣﻲ ﻟﻮﺻﺎﺗﻨﻲ ﻣﻨﻴﻮﻝ ﻣﺮﺓ ﺑﺎﺵ ﻣﻨﻔﺘﺢ ﻟﺤﺪ ﺳﻮﻟﺖ ﺷﻜﻮﻥ ﺗﻴﺪﻕ ﻟﻘﻴﺘﻮ ﻋﻤﻲ ﻓﺘﺤﺘﻠﻮ ﻭﻗﻮﻟﺘﻠﻮ ﺑﻠﻲ ﻭﺍﻟﻴﺪﻳﺎ ﻣﻜﺎﻳﻨﻴﻨﺶ ﻗﺎﻟﻲ ﺟﻤﻠﺔ ﻋﻤﺮﻧﻲ ﻧﺴﺎﻫﺎ ' ﺍﻧﺎ ﺟﻴﺖ ﻋﻼ ﻭﺫﻙ ﻧﺘﻴﺎ ' ﺩﻓﻊ ﻟﺒﺎﺏ ﻭﺗﺮﺿﺦ ﺑﺠﻬﺪ ﺗﺨﻠﻌﺖ ﺣﺎﻭﻝ ﻳﻤﺴﻠﻲ ﺷﻌﺮﻱ ﻭﺑﺪﻳﺖ ﺗﻨﻐﻮﻁ ﺳﺪ ﻓﻤﻲ ﻭ ﺗﻜﺮﻓﺺ ﻋﻠﻴﺎ ﻭﺧﺎ ﻛﻨﺖ ﺗﻨﺒﻜﻲ ﻭﻧﺰﺍﻭﻙ ﻣﻜﻨﺘﺶ ﻣﺘﺨﻴﻠﺔ ﻋﻤﻲ ﻟﻤﻮﻟﻔﺎﻩ ﻳﺠﺒﻠﻲ ﻟﻜﺘﻮﺑﺎ ﻭﻣﺮﺓ ﻣﺮﺓ ﻛﺎﻧﺖ ﺗﺘﻮﺻﻴﻪ ﻟﻮﺍﻟﻴﺪﺓ ﻳﻮﺻﻠﻨﻲ ﻟﺒﺎﺏ ﻟﻤﺪﺭﺳﺔ ﻓﻄﺮﻳﻘﻮ ﻫﺎﺫﻱ ﻫﻲ ﻭﺻﺎﻭ ﻟﻤﻮﺵ ﻳﺤﻈﻲ ﻟﺤﻢ ﻭ ﺗﻴﻘﻮﻟﻮ ﺍﻟﻠﺤﻢ ﻟﺨﻨﺎﺯ ﻳﺰﻭﻩ ﻣﻮﺍﻟﻴﻪ ﻭﻟﻜﻦ ﺩﺍﻙ ﻧﻬﺎﺭ ﻭﻗﻊ ﻟﻌﻜﺲ ﻫﺎﺩ ﻟﺤﻢ ﻣﻮﻟﻴﻪ ﻟﺨﻨﺰﻭﻩ ﺷﻜﻮﻥ ﻏﻴﻬﺰﻭ ! ﻋﻤﻲ ﻫﺎﺫ ﺍﻟﻜﻠﻤﺔ ﻟﻤﻌﺮﻓﺘﺶ ﻛﻔﺎﺵ ﻣﻦ ﺑﻌﺪ ﻫﺎﺩﺷﻲ ﻟﺪﺍﺭ ﻣﻌﺎﻳﺎ ﺑﺎﻗﺎ ﺗﻨﻘﻮﻟﻬﺎﻟﻮ ﺳﺎﻻ ﺧﻼﻧﻲ ﻓﺬﻳﻚ ﺍﻟﺤﺎﻟﺔ ﻭ ﺧﺮﺝ ﻛﺎﻥ ﻋﺎﺭﻓﻨﻲ ﻣﻨﻘﺪﺭﺵ ﻧﺸﻜﻲ ﺑﻴﻪ ﻟﺒﺰﺍﻫﺎﻑ ﺩﻟﺤﻮﺍﻳﺞ ﺍﻭﻻ ﻣﻐﻴﺘﻴﻘﻮﻧﻴﺶ ﻭﺍﻧﺎ ﻟﻲ ﻓﺘﺤﺖ ﻟﻴﻪ ﻟﺒﺎﺏ ﺃﺷﻮﻫﺔ ﻓﺪﻭﺍﺭ ﻧﻬﺎﺭ ﻛﺎﻣﻞ ﺑﻘﻴﺖ ﺳﺪﺍ ﻋﻠﻴﺎ ﻓﺒﻴﺘﻲ ﻭﻟﻴﺪﻳﺎ ﺭﺟﻌﻮ ﻣﻔﻬﻤﻮ ﻭﺍﻟﻮ ﺩﻭﻙ ﻟﻴﺎﻡ ﺑﻘﻴﺖ ﻏﻴﺮ ﻓﺪﺍﺭ ﺷﺮﻓﻲ ﺿﺎﻉ ﺷﻨﻮ ﺑﻘﺎ ﻟﻲ ! ﻓﻜﺮﺕ ﺍﻟﻒ ﻣﺮﺓ ﻧﻨﺘﺎﺣﺮ ﺍﻓﻜﻞ ﻣﺮﺓ ﺻﻮﺕ ﺍﻟﻮﺍﻟﻴﺪﺓ ﺗﻴﻀﺮﺏ ﻟﻲ ﻓﻮﺩﻧﻴﺎ ﺃﻧﺘﻔﻜﺮ ﺑﻠﻲ ﺍﻧﺎ ﻭﺣﺪﻱ ﻟﻲ ﻋﻨﺪﻧﻬﻮﻡ ﺃﻣﻌﻮﻟﻴﻦ ﻋﻠﻴﺎ ﻧﻬﺰﻫﻮﻡ ﻓﺎﺵ ﻧﻜﺒﺮ ﺩﺭﺕ ﺣﺠﺮﺓ ﻋﻼ ﻗﻠﺒﻲ ﻭﺻﺒﺮﺕ ﻛﻨﺤﺲ ﺑﺮﺍﺳﻲ ﻣﺨﻨﻮﻗﺔ ﺑﺰﺍﻑ ﻭﺑﺎﻏﺎ ﻧﻤﺸﻲ ﻟﺸﻲ ﻏﺎﺑﺔ ﺑﻌﻴﺪﺓ ﻭ ﻧﻐﻮﺕ ﺑﺠﻬﺪ ﻭ ﻣﺎﻳﺴﻤﻌﻨﻲ ﺗﺎ ﺣﺪ ﺃﻧﺎ ﻣﻨﺴﻤﻌﺶ ﺭﺍﺳﻲ ﻛﻮﻟﺸﻲ ﻃﻠﻌﻠﻲ ﻓﺮﺍﺳﻲ ﺩﻧﻴﺎ ﻭ ﺍﻟﺤﻴﺎﻩ ﻛﺎﻧﺖ ﻫﺎﺩﻳﻚ ﺃﻗﻮﺩ ﻣﺮﺣﻠﺔ ﻓﺤﻴﺎﺗﻲ ﻗﺮﺍﻳﺘﻲ ﺑﺪﻳﺖ ﺗﻨﻘﺺ ﻓﻴﻬﺎ ﻭ ﻏﻲ ﺑﺰﺯ ﺑﺎﺵ ﺷﺪﻳﺖ ﺩﻳﻚ ﻟﻜﺮﻳﻄﻴﻨﺔ ﻛﻨﺖ ﺑﺎﻏﻴﺔ ﻋﻲ ﻧﺮﺿﻲ ﻭﺍﻟﺪﻳﺎ ﺃﻣﺎ ﺃﻧﺎ ﺗﺎﺣﺎﺟﺔ ﻣﻐﺘﺮﺿﻴﻨﻲ ﺻﻮﺭﺓ ﺩﺍﻙ ﺍﻟﺪﻳﺐ ﺑﻘﺎﺕ ﻻﺻﻘﺎﻟﻲ ﻓﺒﺎﻟﻲ ﻛﻨﺸﻮﻓﻮ ﻓﻠﺤﻴﻂ ﻓﻠﺒﺎﺏ ﻓﺄﻱ ﺣﺎﺟﺔ ﺑﻌﺾ ﻟﻤﺮﺍﺕ ﺗﻨﺴﻤﻊ ﺩﻗﺎﻥ ﺩﻟﺒﺎﺏ ﺗﻨﺘﺨﻠﻊ ﺗﻌﻘﺖ ﻭﻣﻮﻝ ﻟﻔﻌﻠﺔ ﻣﻌﻤﺮﻭ ﺑﺎﻗﻲ ﻭﺻﻠﻨﺎ ﺿﺮﺏ ﻭ ﻫﺮﺏ ﻛﻤﺎ ﺗﻴﻘﻮﻟﻮ ..
ﺷﻬﺮ ﺗﺴﻌﻮﺩ ﺑﺪﺍ ﺗﻴﻘﺮﺏ ﻭ ﺧﺼﻨﻲ ﻧﺠﻤﻊ ﺣﻮﺍﻳﺠﺎﺗﻲ ﻭﻭﺭﺍﻗﻲ ﺑﺎﺵ ﻧﻤﺸﻲ ﻧﺘﻘﻴﺪ ﻓﻼﻓﺎﻙ ﺍﻧﺎ ﻭﺻﺎﺣﺒﺘﻲ ﺣﺴﻨﺎﺀ ، ﺍﻷﻳﺎﻡ ﺗﺘﺠﺮﻱ ﺟﻤﻌﺖ ﻛﻮﻟﺸﻲ ﻭﺟﺖ ﺭﺍﺳﻲ .. ﻭ ﻟﻮﺍﻟﻴﺪ ﺩﺣﺴﻨﺎ ﻫﻮ ﻟﻐﻴﻮﺻﻠﻨﺎ ﻟﻠﻤﺤﻄﺔ ﻭﻣﻦ ﺛﻤﺎ ﻧﺸﺪﻭ ﻟﻜﺎﺭ ﻷﻛﺎﺩﻳﺮ ﺳﻠﻢ ﻋﻠﻴﻨﺎ ﻭﺯﺍﺩ ﻓﺤﺎﻟﻮ ﺟﻠﺴﺖ ﻓﻮﻕ ﻣﻦ ﻛﺮﻃﻮﻥ ﺗﻨﻔﻜﺮ ﻓﺸﺤﺎﻝ ﻣﻦ ﺣﺎﺟﺔ ﺍﻷﻓﻜﺎﺭ ﺑﺪﺍﺕ ﺗﺘﺰﺍﺣﻤﻠﻲ ﻓﺪﻣﺎﻏﻲ ﻭﺍﻧﺎ ﻣﺎﻓﻴﺎ ﻟﻴﻔﻜﺮ ﻓﻴﻘﻨﻲ ﺻﻮﺕ ﺻﺎﺣﺒﺘﻲ ﻗﺎﻟﺘﻠﻲ ﺑﻠﻲ ﻟﻜﺎﺭ ﺫﺧﻞ ﺟﺮﻳﺖ ﺑﺎﻟﻴﺰﺗﻲ ﻭﺧﻠﻴﺖ ﻣﻮﺭﺍﻳﺎ ﺩﻭﻙ ﺍﻷﻓﻜﺎﺭ ﻭﺧﻠﻴﺖ ﻭﺍﻟﻴﺪﻳﺎ ﻭﻧﺎﺱ ﺩﻭﺍﺭ ﺑﺎﺵ ﻧﺒﺪﺍ ﻗﺼﺔ ﺟﺪﻳﺪﺓ ﻣﻊ ﻟﻤﺪﻳﻨﺔ .
ﻳﺘﺒﻊ

ﺗﺒﻌﺎﻫﺎ ﺑﺤﺎﻝ ﺷﻲ ﺩﺭﻱ ﺻﻐﻴﺮ ﺗﺎﺑﻊ ﻣﺎﻣﺎﻩ ﻫﻲ ﺩﻳﺠﺎ ﻛﺎﻧﺖ ﻓﺎﻛﺎﺩﻳﺮ ﻭ ﻟﺒﺮﺗﻮﺵ ﻛﺎﻥ ﻓﺬﺍﺧﻠﺔ ﺩﺯﻧﺎ ﻣﻦ ﺣﺪﺍ ﺟﺮﺩﺓ ﻛﺎﻧﺖ ﻋﺎﻣﺮﺓ ﺑﺸﺮﻱ ﺑﻨﺎﺕ ﻭﺩﺭﺍﺭﻱ ﻛﻤﻠﻨﺎ ﺍﻟﻄﺮﻳﻖ ﺗﺎﻭﺻﻠﻨﺎ ﻟﺒﻴﺖ ﺧﺖ ﺣﺴﻨﺎ ﻫﻲ ﻟﻀﺒﺮﺍﺕ ﻟﻴﻨﺎ ﻭﻫﻀﺮﺍﺕ ﻣﻊ ﻣﻮﻝ ﺍﻟﺪﺍﺭ ﻛﺎﻧﺖ ﻛﺎﺭﻳﺔ ﻫﻨﺎ . ﺩﺍﺯﻭ ﻟﻴﺎﻡ ﺃﻧﺎ ﻛﻨﺖ ﻣﺴﺠﻠﺔ ﻓﻼﻓﺎﻙ ﺩﻟﻴﻜﻮﻧﻮﻣﻲ ﻭ ﻋﺸﻴﺮﺗﻲ ﺩﺍﻳﺮﺍ ﻟﻮﻧﻜﻠﻲ ﻭﻛﻨﺎ ﺩﻳﻤﺎ ﻓﺎﺵ ﺗﻨﺘﺠﻤﻌﻮ ﻟﻌﺸﺎ ﺗﺘﻌﺎﻭﺩﻟﻲ ﻭﻧﻌﺎﻭﺩﻟﻬﺎ ﻋﻼ ﻧﻬﺎﺭ ﻛﺪﺍﺯ ﻣﻊ ﻟﻜﻮﺭ ﻭﺻﺪﺍﻉ ﻟﻮﻣﻔﻲ ﻭﺑﻠﻴﻞ ﺗﻨﺴﻬﺮﻭ ﻣﻊ ﺑﺮﻧﺎﻣﺞ ﺩﺳﻤﻴﺮ ﺍﻟﻠﻴﻞ ﻛﻨﺖ ﺗﻨﺪﻳﺮ ﻟﻮﺗﺒﺎﻏﻠﻮﻍ ﻭﻧﺘﺼﻨﺘﻮ ﻟﻮ ﺑﺠﻮﺝ ﺗﺎﻳﺪﻱ ﻣﻮﻝ ﺍﻻﻣﺎﻧﺔ ﺍﻣﺎﻧﺘﻮ ﻛﺎﻥ ﻋﺰﻳﺰ ﻋﻠﻴﺎ ﻧﺴﻤﻊ ﻟﻤﺸﺎﻛﻴﻞ ﺩﻧﺎﺱ ﻫﺎﺩﺷﻲ ﺗﻴﺨﻠﻴﻨﻲ ﻧﺴﻰ ﻋﻠﻴﺎ ﻟﻬﻢ ﻭﺑﻠﻲ ﻛﺎﻳﻦ ﻟﻲ ﻛﻔﺲ ﻣﻨﻲ ﻭﺣﺎﻣﺪ ﺍﻟﻠﻪ،ﻭﺍﺣﺪ ﺍﻟﻨﻬﺎﺭ ﻛﻨﺖ ﺟﺎﻟﺴﺔ ﺗﻨﺒﺮﺑﺎﺭﻱ ﺧﺎﺷﻴﺔ ﻭﺟﻬﻲ ﻓﻜﺘﻮﺑﺎ ﺗﺎﻭﻗﻔﺎﺕ ﻋﻠﻴﺎ ﺣﺴﻨﺎ ﻓﺮﺣﺎﻧﺔ ﺍﻭﻝ ﻣﺮﺓ ﻧﺸﻮﻓﻬﺎ ﻫﺎﻛﺎ ﺳﻮﻟﺘﻬﺎ ﺃﺵ ﻭﺍﻗﻊ ﺟﻮﺑﺎﺗﻨﻲ ﻭﻫﻲ ﺗﺘﻨﻘﺰ ﻓﺒﻼﺻﺘﻬﺎ ' ﻗﺎﻟﻲ ﺑﻠﻲ ﺑﻐﺎ ﻳﺘﺼﺎﺣﺐ ﻣﻌﺎﻳﺎ ' ﻭﺑﺎﺵ ﺟﺎﻭﺑﺘﻴﻪ ﺍﻟﺤﻤﻘﺔ ! ﻗﻠﺘﻠﻮ ﺃﻩ ﻣﺎﻟﻲ ﺗﺴﻄﻴﺖ ﻫﻮ ﺳﻴﻤﻮ ﻟﻌﺎﻭﺗﻠﻴﻚ ﻋﻠﻴﻪ ، ﺩﺭﺕ ﺭﺍﺳﻲ ﻣﻤﺴﻮﻗﺎﺵ ﻭﻟﻜﻦ ﺑﺼﺮﺍﺣﺔ ﻏﺮﺕ ﻣﻨﻬﺎ ﺗﺎ ﺃﻧﺎ ﺑﻐﻴﺖ ﺷﻲ ﺣﺪ ﻳﻜﻮﻥ ﻓﺠﻨﺒﻲ ﻭﻳﺘﻤﺸﺎ ﻣﻌﺎﻳﺎ ﻭﻳﻘﻮﻟﻲ ﺯﻫﺮﺓ ﻛﻨﺒﻐﻴﻚ ﻭﻓﺎﺵ ﻳﺘﻔﺎﺭﻕ ﻣﻌﺎﻳﺎ ﻧﻤﺸﻲ ﺟﻨﺐ ﻟﺒﺤﺮ ﻧﺸﻜﻲ ﻟﻮ ﻫﻤﻲ ﻭﻧﺘﺼﻨﺖ ﻟﺤﺴﻨﻲ ﻭﻻ ﻋﺎﻗﻴﻞ ﺗﻨﺤﺲ ﺑﺮﺍﺳﻲ ﻓﻮﻕ ﺳﺤﺎﺑﺔ ﻭ ﻃﺎﻳﺮﺓ ﻭﻛﻮﻥ ﻋﺮﻓﺖ ﻫﺎﺩ ﺳﺤﺎﺑﺔ ﻓﻴﻦ ﻏﺎﺩﺍ ﺑﻴﺎ ﻛﻮﻥ ﻧﻘﺰﺕ ﺷﺤﺎﻝ ﻫﺎﺫﻱ ﻭﺃﺻﻼ ﻟﺒﻜﺎ ﺩﻟﺒﻐﻮ ﻏﻲ ﺯﻣﻠﺔ ﻭﻗﻠﺔ ﻟﻌﻘﻞ ﻟﺤﺐ ﺩﺑﺼﺢ ﻫﻮ ﺗﻠﻘﺎ ﺑﺎﺵ ﺗﻌﻤﺮ ﻟﺨﺒﺰﺓ ﻭﺗﻠﻘﺎ ﺑﺮﺗﻮﺵ ﻓﻴﻦ ﺗﻜﺎ ﺑﻼ ﻣﻴﻔﺮﻉ ﻟﻚ ﺣﺪ ﻛﺮﻙ ﺗﻮﺣﺸﺖ ﺇﻳﺎﻡ ﻟﻴﺴﻲ ﻓﺎﺵ ﻳﻬﻀﺮ ﻣﻌﺎﻳﺎ ﺷﻲ ﺩﺭﻱ ﺗﻨﺘﺨﻠﻊ ﻭﻧﻘﺪﺭ ﻧﻐﻮﻁ ﻋﻠﻴﻪ ﻛﺎﻉ ...
ﻭﺍﺣﺪ ﻧﻬﺎﺭ ﺟﺎﻟﺴﺔ ﻓﺄﻭﻣﻔﻲ ﻣﺘﺒﻌﺔ ﻣﻊ ﻟﻜﻮﺭ ﺷﻮﻳﺎ ﺣﺴﻴﺖ ﺑﻴﺪ ﻧﻐﺰﺍﺗﻨﻲ ﻣﻦ ﻟﻮﺭ ﺩﺭﺕ ﻛﺎﻥ ﺑﻮﻗﻮﺹ ﺣﺮﻭﻓﻮ ﻛﺤﻠﻴﻦ ﻭﺩﺍﻳﺮ ﺗﺸﻮﻳﻜﺎ ﻭﻻﺑﺲ ﻗﻤﻴﺠﺔ ﻣﺨﻄﺔ ﻣﻌﺮﻓﺘﺶ ﻋﻼﺵ ﻫﻮ ﺑﻀﺒﻂ ﻋﺠﺒﻨﻲ ﺑﻴﻦ 200 ﻭﺍﺣﺪ ﻓﻠﻤﺪﺭﺝ ﻋﻴﻨﻲ ﺗﺘﻌﺸﻖ ﻟﻤﻠﻴﺢ ﻭﺧﺎ ﻳﻜﻮﻥ ﻣﻀﺮﻙ ﺑﺤﻴﻂ ﺑﺼﻮﺗﻮ ﻟﺤﻨﻴﻦ ﻃﻠﺒﻨﻲ ﻋﻼ ﻟﻜﻮﺭ ﻟﻲ ﻓﺎﺕ ﻣﺤﻀﺮﺵ ﻭﺑﻐﺎ ﻳﻔﻮﻃﻴﻪ ﻣﻦ ﻋﻨﺪﻱ ﺳﻬﻴﺖ ﺑﻘﻴﺖ ﺗﻨﻔﻜﺮ ﻋﻼﺵ ﻳﻜﻮﻥ ﺗﻐﻴﺐ ﻳﺎﻛﻤﺎ ﻳﻜﻮﻥ ﻣﺼﺎﺣﺐ ﻭﻳﺼﺪﻕ ﺯﻫﺮﻱ ﻋﻮﺝ ﺑﺤﺎﻝ ﺩﻳﻤﺎ ﺳﻬﻴﺖ ﻭﺍﺣﺪ 10 ﺛﻮﺍﻧﻲ ﻗﺒﻞ ﻣﻨﺠﺎﻭﺑﻮ ﺍﻩ ﻧﺴﺎﻟﻴﻮ ﺍﻟﺤﺼﺔ ﻭﻧﻌﻄﻴﻚ ﺗﻔﻮﻃﻴﻪ .. ﺳﺎﻻﺕ ﻟﺤﺼﺔ ﻭﺧﺮﺟﻨﺎ ﻫﻀﺮﻧﺎ ﺷﻮﻳﺎ ﻗﺒﻞ ﻣﺎﻳﻔﻮﻃﻲ ﻟﻜﻮﺭ ﻭﻳﻤﺸﻲ ﺑﻘﻴﺖ ﺣﺎﺿﻴﺎﻩ ﺑﻌﻴﻨﻲ ﺗﺎﻳﻐﺒﺮ ﺑﻴﻦ ﺑﻨﺎﺩﻡ ﻣﻜﺮﻫﺘﻮﺵ ﻳﺮﺟﻊ ﻭﻳﻘﻮﻟﻲ ﺑﺎﻗﻲ ﺧﺼﻨﻲ ﻭﺍﺣﺪ ﺩﺭﺱ .. ﺣﺴﻨﺎ ﻓﺮﺣﺎﻧﺔ ﻣﻊ ﻟﺒﻮﻱ ﻓﺮﺍﻧﺪ ﺩﻳﺎﻟﻬﺎ ﻭﺑﺪﺍﺕ ﺗﺪﻭﺯ ﻧﻬﺎﺭ ﻛﺎﻣﻞ ﻋﻼ ﺑﺮﺍ ﻭﺗﺘﺰﻳﺪ ﻋﻠﻴﻪ ﺗﺎ ﻟﻴﻞ ﺗﺘﺪﺧﻮﻝ ﺗﺘﻠﻘﺎﻧﻲ ﻧﺎﻋﺴﺔ ﺍﻧﺎ ﻧﻔﻴﻖ ﻫﻲ ﻋﺎﺩ ﺗﺎ ﺗﺠﺒﺪ ﻋﻠﻴﻬﺎ ﺑﺪﺍﺕ ﺗﺘﻐﻴﺐ ﻭﻗﻠﻴﻞ ﻓﺎﺵ ﺗﻮﺻﻞ ﻻﻓﺎﻙ ﺣﺎﺿﻴﺔ ﻏﻲ ﺗﻴﻠﻲ ﺇﻣﺘﻰ ﻳﻘﻮﻟﻬﺎ ﻧﺨﺮﺟﻮ ﻭﺗﺘﻌﺎﻭﺩﻟﻲ ﺩﺍﻛﺸﻲ ﻟﺘﻴﺪﻳﺮﻭ ﻭﺍﺣﺪ ﻧﻬﺎﺭ ﻛﺎﻧﺖ ﺑﺎﻏﺎ ﺗﻤﺸﻲ ﻣﻌﺎﻩ ﻟﺒﻴﺖ ﻭﻓﻄﺮﻳﻖ ﺗﻼﻗﺎﺕ ﻣﻊ ﺷﻲ ﺻﺤﺎﺑﺎﺗﻬﺎ ﺧﻼﻭﻫﺎ ﺗﺒﺪﻝ ﺭﺃﻳﻬﺎ ﺑﺪﻳﺖ ﺗﻨﺼﺢ ﻓﻴﻬﺎ ﻭﺑﻠﻲ ﻏﻲ ﺗﻴﺘﻔﻼ ﻋﻠﻴﻬﺎ ﻭ ﻭﺍﻟﺪﻳﻬﺎ ﺻﻴﻔﻄﻮﻫﺎ ﺑﺎﺵ ﺗﻘﺮﺍ ﻣﺎﺷﻲ ﺑﺎﺵ ﺗﺼﺎﺣﺐ ﻗﻠﺖ ﻟﻴﻬﺎ . ﻭﺍﺣﺪ ﻟﺠﻤﻠﺔ ﻛﻨﺖ ﻗﺮﻳﺘﻬﺎ ﻓﻮﺍﺣﺪ ﻟﺒﺎﺝ ﺩﻟﻔﺎﻳﺲ ﻭﺑﻘﺎﺕ ﻻﺻﻘﺔ ﻟﻲ ﻓﻌﻘﻠﻲ ' ﺍﻟﺤﺐ ﻛﻠﻤﺔ ﺇﺧﺘﺮﻋﻬﺎ ﺍﻟﻔﻘﺮﺍﺀ ﻟﻠﻤﻤﺎﺭﺳﺔ ﺍﻟﺠﻨﺲ ﻣﺠﺎﻧﺎ ' ﺑﺪﺍﺕ ﺗﻀﺤﻚ ﻋﻠﻴﺎ ﻭﺑﻠﻲ ﺍﻧﺎ ﻏﻲ ﺗﻨﻐﻴﺮ ﻣﻨﻬﺎ ﻭﺻﺎﻓﻲ ﻋﻼﻗﺘﻲ ﻣﻊ ﺑﻨﺖ ﺩﻭﺍﺭﻱ ﻣﺒﻘﺎﺗﺶ ﻛﻤﺎ ﻟﻮﻝ ﻋﻴﻨﻴﻬﺎ ﻭﻻﻭ ﻛﺤﻠﻴﻦ ﻣﻦ ﻗﻠﺔ ﻧﻌﺎﺱ ﻭﺍﺣﺪ ﻧﻬﺎﺭ ﺷﻤﻴﺖ ﻓﻴﻬﺎ ﺭﻳﺤﺔ ﻟﻜﺎﺭﻭ ﻭﻗﺎﻟﺘﻠﻲ ﺑﻠﻲ ﻛﺎﻧﻮ ﺟﺎﻟﺴﻴﻦ ﻓﻘﻬﻮﺓ ﻓﻴﻬﺎ ﻛﻠﻴﻜﺎ ﺗﺘﻜﻴﻒ ﺻﺮﺍﺣﺔ ﻣﺘﻴﻘﺘﻬﺎﺵ ﻭﻋﺎﺭﻓﺔ ﻓﺎﺵ ﻧﺒﻐﻲ ﻧﺼﺤﻬﺎ ﻏﺘﻘﻠﺐ ﻋﻠﻴﺎ ﻭﺟﻬﺎ .. ﺃﻣﺎ ﺧﻮﻧﺎ ﻛﺎﻧﺖ ﺳﻤﻴﺘﻮ ﻳﻮﻧﺲ ﺑﻘﻴﻨﺎ ﺗﻨﺘﻼﻗﺎﻭ ﻣﺮﺓ ﻣﺮﺓ ﻏﻲ ﻋﻼ ﻭﺩ ﻟﺒﺮﻳﺒﺮﺍﺻﻴﻮﻥ ﻭﺍﺣﺪ ﻧﻬﺎﺭ ﺷﻔﺘﻮ ﻏﺒﺮ ﻃﻠﺒﺖ ﻧﻤﺮﺓ ﺩﻳﺎﻟﻮ ﻣﻦ ﻋﺸﻴﺮﻭ ﺧﺪﻳﺖ ﺑﻮﺭﻃﺎﺑﻞ ﻭ ﺑﺪﻳﺖ ﺗﻨﺘﺨﻴﻞ ﻛﻔﺎﺵ ﻏﻨﻬﻀﺮ ﻭﺷﻨﻮ ﻏﻨﻘﻮﻟﻴﻪ ﺭﻛﺒﺖ ﻧﻤﺮﺓ ﻧﺘﺎﻋﻮ .. ﺃﺵ ﺳﺎﻳﺮﺍ ﺗﺎﺩﻳﺮﻱ ﺃﺯﻫﺮﺓ ! ﻭﻟﻴﺖ ﺑﺤﺎﻝ ﺷﻲ ﺑﻨﺖ ﻟﻜﻮﻟﻴﺞ ﺍﻭﻝ ﻣﺮﺓ ﻏﺘﺼﺎﺣﺐ ! ﺍﺵ ﺧﺼﻚ ﺍﻟﻌﺮﻳﺎﻥ ﻟﺤﻮﺏ ﺃﻣﻮﻻﻱ ! ﻣﻦ ﺑﻌﺪ ﻗﺎﻟﻲ ﻧﺘﺼﺎﺣﺒﻮ ﻣﺠﺎﻭﺑﺘﻮﺵ ﺧﻠﻴﺘﻮ ﻣﻌﻠﻖ ﺻﺤﺎﺑﺎﺗﻲ ﻗﺎﻟﻮﻟﻲ ﻛﻠﻤﺎ ﺗﻌﻄﻠﺘﻲ ﻋﻠﻴﻪ ﻏﺘﻌﺮﻓﻴﻪ ﺗﻴﺒﻐﻴﻚ ﻭﻻ ﻻ ! ﺑﺪﻳﺖ ﺗﻨﻀﺤﻚ ﻣﺎﺷﻲ ﻋﻠﻴﻪ ﻋﻼ ﺭﺍﺳﻲ ﻛﻴﻒ ﻛﻨﺖ ﻭﻛﻲ ﻭﻟﻴﺖ ﻣﻦ ﺑﻌﺪ ﺟﺎﻭﺑﺘﻮ ﻛﺎﻥ ﻟﺠﻮﺍﺏ ﺩﻳﺎﻟﻲ ﺃﻩ ﻛﻨﺖ ﻋﺎﻃﻴﺎﻩ ﻏﻲ ﻧﺺ ﻋﻘﻞ ﻭﺗﻨﺘﻼﻗﺎﻭ ﺳﻮﻳﻌﺔ ﻓﻨﻬﺎﺭ ﺗﻴﻄﻠﺒﻨﻲ ﻧﺨﺮﺝ ﺑﻠﻴﻞ ﻣﺘﻨﺒﻐﻴﺶ ﺗﻴﺒﻐﻲ ﻳﻔﻠﻮﺭﻃﻲ ﻣﻌﺎﻳﺎ ﻣﺘﻨﺨﻠﻴﻬﺶ ﻭﺍﺣﺪ ﻧﻬﺎﺭ ﺑﻐﺎ ﻳﺪﻳﺮ ﻓﻴﻬﺎ ﻛﻮﻭﻝ ﻭ ﻳﺒﻮﺳﻨﻲ ﻗﺪﺍﻡ ﻛﻮﻟﺸﻲ ﺑﻌﺪﻣﺖ ﺧﺮﺟﻨﺎ ﻣﻦ ﻻﻓﺎﻙ ﻭ ﺍﻧﺎ ﻧﻘﻤﻊ ﻣﻮ ﻭﺍﺣﺪ ﻧﻬﺎﺭ ﻗﺎﻟﻲ ﻧﺘﻴﺎ ﻣﻤﻄﻠﻮﻗﺎﺵ ﻭﻣﻌﻘﺪﺓ ﺑﺼﺢ ﺑﻨﺖ ﻧﺎﺱ ﻋﻨﺪ ﺑﺤﺎﻝ ﻫﺎﺩ ﺍﻻﺷﻜﺎﻝ ﻣﻌﻘﺪﺓ ﻭﻓﺸﻜﻞ ﻣﻐﻨﻘﻮﻟﺶ ﺩﺭﺍﺭﻱ ﻛﺎﻣﻠﻴﻦ ﺑﺤﺎﻝ ﺑﺤﺎﻝ ﺑﺎﺵ ﻧﻘﻮﻝ ﻫﺎﻛﺎ ﺧﺼﻚ ﺗﻜﻮﻥ ﺟﺮﺑﺘﻴﻬﻮﻡ ﻛﺎﻣﻠﻴﻦ ﻭﻫﺎﺩﺷﻲ ﻣﻴﻤﻜﻨﺶ ﺗﺎ ﻟﺠﻤﻌﺘﻴﻬﻮﻡ ﻛﺎﻣﻠﻴﻦ ﻓﺒﻴﺖ ﻭﺑﺪﻳﺘﻲ ﺗﺘﺠﺮﺏ ﻓﻴﻬﻮﻡ ﻭﺍﺣﺪ ﻭﺍﺣﺪ ﺃﺗﻠﻘﺎ ﻋﻨﺪ ﻛﻞ ﻭﺍﺣﺪ ﺃﻟﻒ ﻭﺟﻪ ﻭﻭﺟﻪ ﺛﻤﺎ ﺑﻘﻴﺘﻲ ﺗﺎﻳﻔﻮﺗﻚ ﺛﺮﺍﻥ ﺳﻠﻚ .. ﺩﺍﺯﺕ ﺛﻠﺚﺩﺍﺯﺕ ﺛﻠﺚ ﺳﻨﻴﻦ ﻃﺎﻳﺮﺓ ﺧﺮﺟﺖ ﻣﻨﻬﺎ ﺑﻼﻟﻴﺼﻮﻧﺺ ﺩﻳﺎﻟﻲ ﻭ ﺧﻮﻧﺎ ﻛﺎﺻﻴﺖ ﻣﻌﺎﻩ ﻓﻠﻌﺎﻡ ﺛﺎﻧﻲ ﻓﺎﺵ ﻟﻘﻴﺘﻮ ﻣﻊ ﻭﺣﺪﺓ ﺍﻣﺎ ﺣﺴﻨﺎ ﺧﻠﻴﺘﻬﺎ ﺑﺎﻗﺎ ﻣﺪﺍﺑﺰﺓ ﻣﻊ ﻣﻮﺩﻳﻼﺕ ﺩ ﺳﻮﻣﻴﺴﺘﺮ ﻟﻮﻻ ﻭﻣﻦ ﺑﻌﺞ ﻗﺎﻟﺘﻠﻲ ﺑﻠﻲ ﻣﻜﻤﻼﺗﺶ ﻭﺩﺍﺭﺕ ﺍﻟﻄﺮﺯ ﻓﻮﺍﺣﺪ ﻟﺠﻤﻌﻴﺔ ﻓﺎﻟﺪﻭﺍﺭ . ﺧﺪﻳﺖ ﺳﻴﻔﻲ ﺩﻳﺎﻟﻲ ﻭﺑﺪﻳﺖ ﺗﻨﻘﻠﺐ ﻋﻼ ﺧﺪﻣﺔ ﻭﻛﻮﻟﻬﺎ ﻭﺍﺵ ﺗﻴﻘﻮﻟﻲ ﻭﻟﻴﺖ ﺑﺤﺎﻝ ﺷﻲ ﻭﺍﺣﺪ ﺗﻴﺒﻴﻊ ﺍﻟﺴﺮﺩﻳﻦ ﺟﻨﺐ ﻟﺒﺤﺮ ﻗﺪﺍﻣﻮ ﻭﺍﺣﺪ ﻋﺎﺩ ﺧﺮﺝ ﺷﺒﻜﺔ ﻋﺎﻣﺮﺓ ﺑﺎﻻﻧﻮﺍﻉ ﺩﺳﺮﺩﻳﻦ ﻭﺍﻟﺤﻮﺕ ﺍﻟﺸﺮﻛﺎﺕ ﺗﺨﻠﻲ ﺻﺤﺎﺏ ﺍﻟﻌﺎﻗﺔ ﻭﺳﻴﻔﻲ ﻟﻌﺎﻣﺮ ﺩﺑﻠﻮﻣﺎﺕ ﻭﻳﺨﺪﻣﻮﻧﻲ ﺃﻧﺎ ! ﺑﺪﻳﺖ ﺗﻨﻼﺷﻲ ﻭﻧﻔﻘﺪ ﺍﻻﻣﺎﻝ ﻣﻜﺮﻫﺘﺶ ﻧﻌﺎﻭﺩ ﻧﻀﻤﺺ ﻭ ﻧﺘﻴﻚ ﻟﻜﺎﺭﻃﺎ ﺩﺣﻴﺎﺗﻲ ﻟﻌﻞ ﻭﻋﺴﻰ ﻳﻄﻠﻌﻠﻲ ﺷﻲ ﺟﻮﻛﻴﺮ ﻳﺒﺪﻝ ﻛﻮﻟﺸﻲ ﻭﻧﻌﻴﺶ ﺣﻴﺎﺗﻲ ﻛﻴﻒ ﺗﻤﻨﻴﺖ ﻓﺼﻐﺮﻱ ﻓﺎﺵ ﻛﺎﻥ ﺗﻴﺴﻮﻟﻮﻧﻲ ﺃﺵ ﺑﺎﻏﺎ ﺗﻮﻟﻲ ﻓﺎﺵ ﺗﻜﺒﺮﻱ ﺗﻨﻘﻮﻟﻴﻬﻢ ﺑﻮﻟﻴﺴﻴﺔ ﻣﻌﺮﻓﺖ ﻋﻼﺵ ﺑﺎﻟﻀﺒﻂ ﻛﻨﺨﺘﺎﺭ ﻫﺎﺩ ﻟﻤﻬﻨﺔ ﻣﻦ ﺑﻌﺪ ﻋﺮﻓﺖ ﺑﻠﻲ ﺩﻧﻴﺎ ﺧﻴﺎﺑﺖ ﻭﻣﺒﻘﺎﺵ ﻓﻤﻦ ﺛﻴﻖ ﻭﺃﻭﻝ ﻭﺍﺣﺪ ﻛﻨﺖ ﻏﻨﺪﺭﻟﻮ ﻟﻤﻨﻮﻁ ﻫﻮ ﻋﻤﻲ ...
ﻭﺍﺣﺪ ﻧﻬﺎﺭ ﻛﺎﻥ ﻋﻨﺪﻱ ﻛﻮﻧﻜﻮﺭ ﻓﻮﺍﺣﺪ ﺻﻮﻧﻄﺮ ﺩﺃﺑﻴﻞ ﻓﺘﺎﻟﺒﺮﺟﺖ ﺷﺪﻳﺖ ﻃﻮﺑﻴﺲ ﺭﻳﺤﺖ ﺟﻨﺐ ﺟﺎﺝ ﺷﻮﻳﺎ ﻃﻠﻌﺎﺕ ﻣﺮﺍ ﺷﻴﺒﺎﻧﻴﺔ ﺟﻠﺴﺎﺕ ﺣﺪﺍﻳﺎ ﻣﻌﺮﻓﺘﺶ ﻛﻔﺎﺵ ﺗﺎ ﺑﺪﺍﺕ ﺗﺘﻬﻀﺮ ﻣﻌﺎﻳﺎ ﻭ ﺑﺪﻳﻨﺎ ﻓﺘﻘﺮﻗﻴﺐ ﻧﺎﺏ ﻭﺗﺸﻜﻲ ﻋﻠﻴﺎ ﻟﻤﻌﺎﻧﺎﺓ ﺩﻳﺎﻟﻬﺎ ﻭﻛﻔﺎﺵ ﻭﻻﺩﻫﺎ ﺳﻤﺤﻮ ﻓﻴﻬﺎ ﻭﺧﻼﻭﻫﺎ ﻣﻜﺮﻓﺼﺔ ﺛﺄﺗﺮﺙ ﺑﺰﺍﻑ ﺑﻜﻼﻣﻬﺎ ﻭ ﺑﺰﺭﺑﺔ ﻧﺰﻟﻮ ﻟﻲ ﺩﻣﻮﻉ ﺯﺍﺕ ﻗﻄﻌﺎﺕ ﻗﻠﺒﻲ ﻓﺎﺵ ﺑﺪﺍﺕ ﺗﺘﺒﻜﻲ ﻭ ﻛﺘﺤﺒﺴﻬﺎ ﺷﻬﻘﺔ ﻭﻫﻲ ﺗﻘﻮﻝ ' ﻭﻟﻴﻨﻲ ﻋﺎﺩﺭﺍﻫﻢ ﻣﺴﺎﻛﻦ ﺭﺍﻫﻢ ﻛﻮﻥ ﻟﻘﺎﻭ ﻳﺤﻄﻮﻧﻲ ﻓﻮﻕ ﺭﺍﺳﻬﻢ ﻭﻟﻜﻦ ﺭﺍ ﻏﺎﻟﺒﻬﻢ ﺯﻣﺎﻥ ﻭﺗﺮﺑﻴﺔ ﺩﺭﺍﺭﻱ '.. ﻫﻨﺎ ﺟﺎﻭﺑﺘﻬﺎ ' ﺧﺎﻟﺘﻲ ﺭﺍ ﻭﻻﺩﻙ ﻫﺎﺩﻭﻙ '.. ﻣﻘﺪﺭﺗﺶ ﻧﻜﻤﻞ ﻧﻔﺠﺮﺕ ﺑﺪﻣﻮﻉ ﻋﻨﻘﺘﻬﺎ ﻭﻛﻤﻠﺖ ﺑﻜﺎﻳﺎ ﻓﺤﻀﻨﻬﺎ ﺑﺴﺖ ﻟﻬﺎ ﺭﺍﺳﻬﺎ ﻭ ﻣﺴﺤﺖ ﻟﻬﺎ ﺩﻣﻮﻋﻬﺎ ﻭﻣﺴﺤﺖ ﻣﻌﺎﻫﻮﻡ ﺩﻣﻮﻋﻲ ﺷﻔﺖ ﻟﻬﺎ ﻓﻌﻴﻨﻴﻬﺎ ﻭﻗﻠﺖ ﻟﻬﺎ ' ﺩﺍﺑﺎ ﻳﻌﻮﺿﻚ ﺍﻟﻠﻪ ﻭﺍﻟﻠﻲ ﺟﺎﻱ ﺣﺴﻦ ﺇﻥ ﺷﺎﺀ ﺍﻟﻠﺔ،ﺷﺎﻓﺖ ﻓﻴﺎ ﻭﻗﺎﻟﺖ ' ﺃﺣﻴﺎﻧﻲ ﺍﺑﻨﻴﺘﻲ ﺃﺵ ﺑﺎﻗﻲ ﻣﻴﺘﻌﻮﺽ ﺃﻳﺎﻣﻲ ﻣﻌﺪﻭﺩﺓ ﻭﻧﻤﺸﻲ ﻟﻘﺒﺮ ﻧﺮﺗﺎﺡ '! ﻗﻠﺖ ﻟﻬﺎ ' ﺑﻄﻮﻟﺔ ﻟﻌﻤﺮ ﺇﻥ ﺷﺎﺀ ﺍﻟﻠﻪ ﺍﻟﻮﺍﻟﻴﺪﺓ ﻣﺘﻘﻮﻟﻴﺶ ﻫﺎﻛﺎ ﺑﺎﻗﻲ ﺗﻌﻴﺸﻲ ﻭﺗﺴﻮﻓﻲ ﻟﺨﻴﺮ '.. ﺟﻮﺑﺎﺗﻨﻲ ' ﻛﻠﻜﻢ ﺗﺘﻘﻮﻟﻮ ﻫﺎﻛﺎ ﺑﺎﺵ ﺗﺼﺒﺮﻭﻧﻲ ﺃﻧﺎ ﻛﺎﻉ ﺍﻻﻣﺮﺍﺽ ﻓﺬﺍﺗﻲ ﻫﺎ ﺍﻟﺴﻜﺮ ﻫﺎ ﻃﻮﻧﺴﻴﻮ .. ' ﻳﺎﻻﻩ ﺑﻐﻴﺖ ﻧﻘﺎﻃﻌﻬﺎ ﻭﻫﻲ ﺗﺸﺪ ﻟﻴﺎ ﻓﻴﺪﻳﺎ ﻭﺷﺎﻓﺘﻠﻲ ﻓﻌﻴﻨﻴﺎ ﻭﻗﺎﻟﺘﻠﻲ ... ﺳﻤﻌﻴﻦﻱ ﺍﺑﻨﺘﻲ ﺇﻻ ﻛﺎﻥ ﺷﻲ ﺣﺪ ﻣﺤﺘﺎﺝ ﺇﻟﻲ ﻳﻌﻮﺿﻮ ﻫﻮ ﻧﺘﻮﻣﺎ ﺷﺒﺎﺏ ﺃﻣﺎ ﺣﻨﺎ ﻛﻠﻴﻨﺎ ﺷﺤﻂ ﻭﺧﺪﻳﻨﺎ ﻧﺼﻴﺒﻨﺎ ﺍﻟﻠﻪ ﻳﺸﻮﻑ ﻣﻦ ﺣﺎﻟﻜﻢ ﻭﻗﺘﻜﻢ ﺻﻌﻴﺒﺔ ﻛﺜﺮﻭ ﻓﻴﻬﺎ ﺍﻟﻨﺼﺎﺑﺔ ﻭﻧﺎﺱ ﻧﻴﺔ ﺑﺤﺎﻟﻚ ﺑﻨﺎﺕ ﺍﻻﺻﻞ ﻗﻼﻟﻮ ﻣﺎﺑﻘﺎﺕ ﻟﻬﻮﻡ ﺑﻼﺻﺔ ﻭﻗﺘﻜﻢ ﺃﺑﻨﺘﻲ ﻣﺒﻐﺎﺗﺶ ﺍﻟﻨﻴﺔ ﺑﻐﺎﺕ ﻟﻮﺍﺣﺪ ﻳﻜﻮﻥ ﻓﺎﻳﻖ ﻭﺣﺎﺿﻲ ﺭﺍﺳﻮ ﻣﺎﺩﻳﺮ ﺛﻘﺔ ﻻﻓﻜﺒﻴﺮ ﻻﻓﺼﻐﻴﺮ ﻣﺎﺗﻌﺮﻑ ﺷﺮ ﻣﻨﻴﻦ ﻳﺠﻴﻚ .. ﺷﻮﻳﺎ ﻧﺰﻻﺕ ﺷﻴﺒﺎﻧﻴﺔ ﻭﻛﻼﻣﻬﺎ ﺑﺎﻗﻲ ﺗﻴﻀﺮﺑﻠﻲ ﻓﻮﺫﻧﻲ ﻋﻼﺵ ﻭﺟﻬﺎﺕ ﻟﻴﺎ ﺃﻧﺎ ﺑﻀﺒﻂ ﻫﺎﺩ ﻟﻜﻼﻡ ﻭﻋﺘﺒﺮﺍﺗﻨﻲ ﻣﻦ ﻧﺎﺱ ﻧﻴﺔ ﺑﺎﻟﻌﺮﺑﻴﺔ ﺗﺎﻋﺮﺍﺑﺖ ﺣﺴﻴﺖ ﺑﻬﺎ ﺑﺎﻏﺎ ﺗﻘﻮﻝ ﺯﻫﺮﺓ ﻧﺘﻲ ﺩﻣﺪﻭﻣﺔ ! ﺃﻋﻮﺫ ﺑﺎﻟﻠﻪ ﺍﻟﺴﻴﺪﺓ ﻣﺴﻜﻴﻨﺔ ﺩﺍﻭﻳﺔ ﻣﻦ ﻧﻴﺘﻬﺎ ﻭﺃﻧﺎ ﺟﺎﻟﺴﺔ ﺗﻨﺪﻳﺮ ﻓﻴﻬﺎ ﻓﺮﻭﻳﺪ .. ﻭﺻﻞ ﻃﻮﺑﻴﺲ ﻟﺒﻼﺹ ﺩﻳﺎﻟﻮ ﻫﺒﻄﺖ ﺑﺎﺵ ﻧﺸﺪ ﻃﺎﻛﺴﻲ ﺃﻭﻝ ﺣﺎﺟﺔ ﺿﺮﺑﺖ ﻳﺪﻱ ﻓﺠﻴﺐ ﺩ ﺟﺎﻛﻴﻂ ﺑﺎﺵ ﻧﺘﻔﻘﺪ ﻟﺒﺰﻃﺎﻡ ﻭﺃﻧﺎ ﻧﻠﻘﺎ ﻏﻲ ﻛﻠﻴﻨﻴﻜﺲ ﻣﻨﺸﻮﺭ ﺗﻤﺎ ﻭﺣﺪﻭ ﺍﻟﺸﻴﺒﺎﻧﻴﺔ ﺩﺍﺭﺕ ﺃﺧﺮ ﻣﺎﻛﺎﻳﻦ ﻓﺴﻮﻕ ﺷﻔﺎﺭﺓ ﺳﻴﺎﺳﺔ ﻭﺳﻼﺳﺔ ﺑﻠﻐﺔ ﺃﺧﺮﻯ ﺯﻣﻄﺎﺗﻨﻲ ﺧﺸﺎﺗﻬﺎ ﻟﻲ ﻣﻦ ﺗﺤﺖ ﺩﻑ 2 ﺩﻣﻌﺎﺕ ﺗﻌﻨﻴﻘﺔ ﺃﻭﺑﺲ ﻟﺒﺰﻃﺎﻡ ﻛﺎﻥ ﻫﻨﺎ ﻭﻣﻦ ﻫﺎﺩﺷﻲ ﻛﺎﻣﻞ ﺧﻼﺗﻬﺎﻟﻲ ﻓﻮﺫﻧﻲ ' ﻭﻗﺘﻜﻢ ﺻﻌﻴﺒﺔ ﺃﺑﻨﺘﻲ ﻣﺎﺑﻘﺎﺗﺶ ﻧﻴﺔ ﺑﻐﺎﺕ ﻟﻮﺍﺣﺪ ﻳﻜﻮﻥ ﻓﺎﻳﻖ ﻭﺣﺎﺿﻲ ﺭﺍﺳﻮ ﻣﻨﺪﻳﺮ ﺛﻘﺔ ﻻ ﻓﻜﺒﻴﺮ ﻻ ﻓﺼﻐﻴﺮ ﻣﺘﻌﺮﻑ ﺷﺮ ﻣﻨﻴﻦ ﻳﺠﻴﯔ ﻋﻼ ﻭﻋﺪﻱ ﻭﺳﻌﺪﻱ ﺟﺮﻳﺖ ﺭﺟﻠﻴﺎ ﻛﻤﺪﺗﻬﺎ ﻓﻘﻠﺒﻲ ﻭﺷﺪﻳﺘﻬﺎ ﻛﺮﺍﻋﻴﺔ ﻟﺼﻮﻧﻄﺮ ... ﺗﻨﺠﺮﻱ ﻭﻧﻠﻬﺚ ﻭﻣﺮﺓ ﻣﺮﺓ ﻧﻮﻗﻒ ﺑﺎﺵ ﻧﺮﻳﺢ ﻭﻓﻼﺧﺮ ﻭﺻﻠﺖ ﻣﻌﻄﻠﺔ ﺏ 10 ﺩﻗﺎﻳﻖ ﺣﻤﺪ ﻟﻠﻪ ﺑﺎﻗﻲ ﻣﺒﺪﺍﻭﺵ

ﺗﺴﻨﻴﺖ ﺷﻮﻳﺎ ﺫﺧﻠﻮﻧﻲ ﺩﻭﺯﺕ ﻟﻮﻧﺘﻐﻮﺗﻴﺎﻥ ﻭﺣﺎﺳﺔ ﺑﺮﺍﺳﻲ ﻣﻌﻄﻴﺘﺶ ﻓﻴﻪ ﻣﻦ ﺑﻌﺪ ﺍﻟﻌﻴﺎ ﺩﻃﺮﻳﻖ ﻣﻦ ﺑﻌﺪ ﺭﺟﻌﺖ ﻓﺤﺎﻟﻲ ﻟﺪﻭﺍﺭ ﺗﺎﺣﺪ ﻣﻘﺒﻞ ﻋﻠﻴﺎ ﺑﺪﻳﻚ ﻟﻜﺮﻳﻄﻴﻨﺔ ﻟﻌﻨﺪﻱ ﻣﻦ ﺑﻌﺪ ﺳﺒﻌﻴﺎﻡ ﻣﻮﺭﺍ ﺩﺍﻙ ﻧﻬﺎﺭ ﻟﺘﺸﻤﺖ ﻓﻴﻪ ﺟﺎﺗﻨﻲ ﺑﺮﻳﺔ ﺗﺴﻊ ﻭﺗﺴﻌﻴﻦ ﻛﺸﻴﻔﺔ ﺑﺎﺵ ﻭﺻﻼﺗﻨﻲ ﻟﺪﺍﺭ ﺑﺮﻳﺔ ﻣﻦ ﺻﻮﻧﻄﺮ ﻗﺒﻠﻮﻧﻲ ﻓﺮﺣﺖ ﻭﺑﺪﻳﺖ ﻛﻨﻤﺸﻲ ﺑﻌﻴﺪ ﻭﻧﺒﻼﻧﻲ ﺗﺎ ﺃﻧﺎ ﻏﻨﺸﺮﻱ ﻓﻴﻼ ﻭﺗﻜﻮﻥ ﻋﻨﺪﻱ ﺣﺪﻳﺪﺓ ﻭﺷﻴﻔﻮﺭ ﻭ ﺍﻟﻮﺍﻟﻴﺪ ﺩﻳﺎﻟﻲ ﻣﻐﻴﺒﻘﺎﺵ ﺳﻤﻴﺘﻮ ﺟﻴﻼﻟﻲ ﻣﻮﻝ ﻟﺒﻬﻴﻤﺎﺕ ﺃﻳﻮﻟﻲ ﺳﻤﻴﺘﻮ ﺟﻴﻼﻟﻲ ﻣﻮﻝ ﻟﻔﻴﺮﻣﺎﺕ ﻭﻟﻜﺮﺵ ﻟﺴﺎﺑﻘﺎﻩ ﺑﻤﺘﺮﻭ ﺣﺘﺎﺵ ﻛﺎﻉ ﺻﺤﺎﺏ ﻟﻔﻠﻮﺱ ﻋﻨﺪﻫﻢ ﻟﻜﺮﺵ . ﻧﻬﺎﺭ ﺍﻻﻭﻝ ﻋﻨﺪﻱ ﻓﻠﺨﺪﻣﺔ ﻫﻮ ﻏﺪﺍ ﺟﻤﻌﺖ ﺣﻮﻳﺠﺎﺗﻲ ﺑﺰﺭﺑﺎ ﺗﺴﺎﻟﻤﺖ ﻣﻊ ﻭﺍﻟﺪﻳﺎ ﻭﺭﺟﻌﺖ ﻻﻛﺎﺩﻳﺮ ﻫﺎﺩﻳﻚ ﻟﻴﻠﺔ ﻣﻨﻌﺴﺘﺶ ﻛﻨﺖ ﺧﺎﻳﻔﺔ ﻧﻌﺲ ﻭﻧﺼﺒﺢ ﻣﻌﻄﻠﺔ ﻋﻼ ﺍﻟﺨﺪﻣﺔ ﻣﻦ ﻧﻬﺎﺭ ﻟﻮﻝ ﻭﻳﺠﺮﻳﻮ ﻋﻠﻴﺎ ﻗﻠﺖ ﺍﻟﻠﻬﻢ ﻧﺒﻘﺎ ﺳﻬﺮﺍﻧﺔ ﺗﻠﺼﺒﺎﺡ ﻧﺘﺴﻨﻰ ﺷﻤﺲ ﺗﻄﻠﻊ ﺇﺣﺴﺎﺱ ﻣﻘﻮﺩ ﺑﺤﺎﻻ ﺗﺘﺴﻨﺎ ﺭﻳﺰﻳﻠﻄﺎ ﺩ ﺍﻻﻣﺘﺤﺎﻧﺎﺕ ﻳﺘﻌﻠﻘﻮ ﻃﻠﻊ ﺍﻟﻨﻬﺎﺭ ﻭ ﻃﻠﻌﺖ ﺗﺎ ﺍﻧﺎ ﻟﻄﻮﺑﻴﺲ ﻭﺣﺎﻭﻟﺖ ﻧﺒﻘﺎ ﺑﻌﻴﺪﺓ ﻋﻠﻰ ﺍﻟﻨﺎﺱ ﻣﺎﻗﺪﺍﺵ ﻋﻼ ﺷﻲ ﺷﻤﺘﺔ ﺃﺧﺮﻯ ﺑﺤﺎﻝ ﺩﻳﺎﻝ ﺩﻳﻚ ﺍﻟﺸﻴﺒﺎﻧﻴﺔ ﻟﻌﻀﻮ ﻟﺤﻨﺶ ﻳﺨﺎﻑ ﻣﻦ ﻟﺤﺒﻠﺔ ... ﻟﺤﻤﺪ ﻟﻠﻪ ﻧﻬﺎﺭ ﺍﻷﻭﻝ ﻓﺎﻟﺨﺪﻣﺔ ﺩﺍﺯ ﺑﻴﺨﻴﺮ ﻫﻲ ﻣﺎ ﺧﺪﻣﺔ ﻣﺎﻭﺍﻟﻮ ﺗﻨﺒﻘﻰ ﻏﻲ ﺟﺎﻟﺴﺔ ﻭﺗﻨﻬﻀﺮ ﻣﻊ ﻧﺎﺱ ﻟﻤﻦ ﻋﻼ ﺑﺮﺍ ﺑﻼﺩﺍﺕ ﺃﺧﺮﻳﻦ ﻗﺎﻟﻮﻟﻲ ﻋﻨﺪﻙ ﺻﻴﻤﺎﻧﺎ ﺩ ﺻﻄﺎﺝ ﻭ ﻟﺨﻼﺹ 3000 ﺩﺭﻫﻢ ﻟﺸﻬﺮ ﺗﺼﺪﻣﺖ ﻛﻨﺖ ﻛﻨﺤﻠﻢ ﺑﺰﺍﻑ ﻭﺑﻬﺎﺩ ﺍﻟﺨﻠﺼﺔ ﻣﺎﻧﻘﺪﺭ ﻧﺸﺮﻱ ﺗﺎ ﻟﻌﻠﻒ ﻟﺒﻬﺎﻳﻢ ﺩﻟﻮﺍﻟﻴﺪ .. ﻣﺎﻋﻠﻴﻨﺎ ﺷﻲ ﺷﻬﺮ ﺗﻘﺮﻳﺒﺎ ﻭﺍﻧﺎ ﻫﻜﺎﻙ ﻣﺎﻛﻴﻦ ﻻ ﺟﺪﻳﺪ ﻻ ﻭﺍﻟﻮ ﻭﻓﺎﺵ ﺗﺨﻠﺼﺖ ﺍﻟﺸﻬﺮ ﻟﻮﻻﻧﻲ ﻣﺎﺭﻓﺖ ﻣﺎﻧﺪﻳﺮ ﺑﺪﻭﻙ ﻟﻔﻠﻮﺱ ﺃﻭﻝ ﻣﺮﺓ ﻛﻨﺸﺪ ﺑﺰﺍﻑ ﺩﻟﻔﻠﻮﺱ ﻣﻦ ﺑﻌﺪ ﺩﻳﻚ ﺍﻟﻤﻨﺤﺔ ﺩﺟﻮﺝ ﺩﺭﻳﺎﻝ ﻑ 3 ﺷﻬﻮﺭ، ﺣﻄﻴﺘﻬﻮﻡ ﻓﻮﻕ ﻧﺎﻣﻮﺳﻴﺔ ﻭﺑﻘﻴﺖ ﺗﻨﺘﻔﺮﺝ ﻓﻬﻮﻡ ﺣﺴﻴﺖ ﺑﺎﻟﻔﺮﺣﺔ ﻭﺳﺦ ﺩﻧﻴﺎ ﻗﺎﻻﻙ ﺍﻟﻠﻪ ﻳﻄﻠﻴﻨﺎ ﺑﻴﻪ ﻟﻮﺳﺦ ﺩﺑﺼﺢ ﻫﻮ ﻣﺘﻠﻘﺎ ﻣﺎﺗﻜﻞ ﻫﺰﻳﺖ ﻣﻨﻬﻮﻡ ﺷﻲ ﺑﺮﻛﺔ ﻭﺻﻴﻔﻂ ﻟﺒﺎﻗﻲ ﻟﻮﺍﻟﺪﻳﺎ ..ﻛﻨﺖ ﻛﻨﺤﺎﻭﻝ ﻧﺒﻘﻰ ﺑﻌﻴﺪﺓ ﻣﻦ ﻟﻲ ﺧﺪﺍﻣﻴﻦ ﻣﻌﺎﻳﺎ ﺧﺼﻮﺻﺎ ﺭﺟﺎﻝ ﺑﻴﻨﺎﺗﻨﺎ ﻏﻲ ﺳﻼﻡ ﻭ ﻟﺒﺮﻛﺔ ﻟﺨﺪﻳﺖ ﻣﻦ ﻟﺨﻠﺼﺔ ﺩﺭﺗﻬﺎ ﺑﻴﺎﺱ ﻛﻮﻟﺸﻲ ﻳﺤﺘﺎﺭﻣﻚ ﻏﻲ ﻣﻦ ﻟﺤﻄﺔ ﺩﻳﺎﻟﻚ ﺗﻔﻜﺮﺕ ﻟﻬﻀﺮﺓ ﺩﺣﺴﻨﺎ ﻛﻨﺎ ﺗﻨﺘﺤﻨﺴﺮﻭ ﺑﺠﻮﻉ ﻣﺎﻻﻗﻴﻦ ﻣﻨﻜﻠﻮ ﻻﺑﻮﺭﺱ ﺑﺎﻗﺎ ﻣﻌﻄﻠﺔ ﺳﻜﺮ ﻫﻮ ﻻﺧﺮ ﻓﻠﺒﺮﺗﻮﺵ ﻏﺰﺯﻧﺎﻩ ﻣﺒﻘﺎﻟﻴﻨﺎ ﻏﻲ ﻧﺴﻌﺎﻭ ﻓﺒﺎﺏ ﺟﺎﻣﻊ ﻛﺎﻧﺖ ﺗﺘﻘﻮﻟﻲ ﺟﻤﻠﺔ ﻋﻤﺮﻱ ﻧﻨﺴﺎﻫﺎ ' ﻛﻮﻝ ﺗﺒﻦ ﻭﺫﻫﻦ ﻓﻤﻚ ﺑﺴﻤﻦ ﻭﻟﺒﺎﺱ ﻣﺰﻳﺎﻥ ﺗﻴﻘﻮﻟﻮ ﻭﻟﺪ ﻣﻦ ' ﻧﺰﻟﻮ ﺟﻮﺝ ﺩﻣﻌﺎﺕ ﻣﻦ ﻋﻴﻨﻴﺎ ﻣﺎﺷﻲ ﻋﻼ ﻟﻤﺜﻞ ﺗﻔﻜﺮﺕ ﺻﺎﺣﺒﺘﻲ ﻭﺗﺨﻴﻠﺘﻬﺎ ﺷﻨﻮ ﺗﻜﻮﻥ ﺗﺪﻳﺮ ﺩﺍﺑﺎ ... ﻟﻮﻳﻜﺎﻧﺪ ﺩﺯﺕ ﻟﺤﻤﺎﻡ ﺗﺤﻤﺤﻤﺖ ﻭﻣﻮﺭﺍﻩ ﻣﺸﻴﺖ ﻋﻨﺪ ﻟﻜﻮﺍﻓﻮﺭﺓ ﺻﺎﻳﺒﺖ ﺷﻌﺮﻱ ﻧﺘﻔﺖ ﺣﺠﺒﺎﻧﻲ ﻭ ﺻﺒﻐﺖ ﺿﻔﺎﺭﻱ ﻭﺩﺭﺕ ﻣﺎﺳﻚ ﻟﻮﺟﻬﻲ ﻣﻦ ﺑﻌﺪ ﺳﺎﻋﺔ ﻭﺷﻲ ﺩﻗﺎﻳﻖ ﺧﺮﺟﺖ ﻣﺒﺪﻟﺔ ﺃﻧﺎ ﺗﺰﻋﻂ ﻓﺮﺍﺳﻲ ﻓﺮﻕ ﻛﺒﻴﺮ ﺑﻴﻦ ﺯﻫﺮﺓ ﺑﻨﺖ ﺩﻭﺍﺭ ﻭ ﺯﻫﺮﺓ ﻟﻌﺎﺩ ﺧﺎﺭﺟﺎ ﻣﻦ ﻋﻨﺪ ﻟﻜﻮﺍﻓﻮﺭﺓ . ﻧﻬﺎﺭ ﻟﻮﻝ ﻓﺼﻴﻤﺎﻧﺎ ﺿﺮﺑﺖ ﺑﻴﺎﺳﺎ ﺗﻘﻀﻴﺘﻬﺎ ﻣﻦ ﺳﻮﻕ ﺍﻻﺣﺪ ﺏ ﺳﺘﺎﻻﻑ ﺭﻳﺎﻝ ﻭﺭﺷﻴﺖ ﺭﻳﺤﺔ ﻭﻓﺮﺟﻠﻴﺎ ﺻﺒﺎﻁ ﻋﺎﻟﻲ ﻭﺻﻠﺖ ﻟﺼﻮﻧﻄﺮ ﻭﻣﻊ ﺫﺧﻠﺔ ﺑﺎﻧﻠﻲ ﻣﻦ ﺑﻌﻴﺪ ﺯﻭﻳﻦ،ﻋﺎﻣﺮ،،ﺑﻴﺾ ﻧﻘﻲ ﺗﻴﺸﻌﻞ ﺷﻌﺮﻭ ﻃﻮﻳﻞ ﺑﺎﻗﺎ ﻋﺎﻗﻼ ﻋﻠﻴﻪ ﺑﺤﺎﻻ ﺷﻔﺘﻮ ﻏﻲ ﻟﺒﺎﺭﺡ ﺗﻜﻮﻥ ﻋﻨﺪﻭ ﺩﻳﻚ ﺳﺘﺎﻭﻋﺸﺮﻳﻦ ﻋﺎﻡ ﻣﻌﺮﻓﺖ ﺷﻨﻮ ﻭﻗﻌﻠﻲ ﻭﻟﻴﺖ ﺑﺤﺎﻝ ﺷﻲ ﺑﻨﺖ ﺻﻐﻴﺮﺓ ﻃﺎﻳﺮﺓ ،ﺩﺯﺕ ﺭﻳﺤﺖ ﻓﻠﺒﻮﺻﻂ ﺩﻳﺎﻟﻲ ﺷﻌﻠﺖ ﺑﻴﺴﻲ ﻭﺍﻧﺎ ﺳﺎﻫﻴﺔ ﺩﺍﺯﺕ ﻣﻦ ﺣﺪﺍﻳﺎ ﻣﻮﻻﺕ ﻟﻤﻴﻨﺎﺝ ﺳﻮﻟﺘﻬﺎ ﻋﻠﻴﻪ ﻗﺎﻟﺘﻠﻲ ﺑﻠﻲ ﻭﻟﺪ ﻟﺒﺎﻃﺮﻭﻥ ﺗﻴﻘﺮﺍ ﻋﻼ ﺑﺮﺍ ﻭ ﺳﻤﻴﺘﻮ ﺧﺎﻟﺪ .. ﺗﻴﻤﺸﻲ ﻳﻐﺒﺮ ﻣﺪﺓ ﻭﻳﻌﺎﻭﺩ ﻳﺒﺘﻦ ﻓﺼﻮﻧﻄﺮ ﺗﻴﺨﻠﻴﻨﻲ ﺗﺎ ﺗﻨﺒﺪﺍ ﻧﺴﻰ ﻣﻼﻣﺢ ﺩﻭﺟﻬﻮ ﻭﻳﺮﺟﻊ ﻭﺍﺣﺪ ﻧﻬﺎﺭ ﻓﺼﺒﺎﺡ ﻭﺍﻗﻔﺔ ﻋﻼ ﻧﺒﻮﺭﻱ ﻓﺒﻼﻛﺔ ﺩﻃﻮﺑﻴﺲ ﻭﻣﻦ ﺑﻌﻴﺪ ﺑﺎﻧﻠﻲ ﻏﺎﺩﻱ ﺏ ﻛﺎﻁ ﻛﺎﻁ ﺩﻳﺎﻟﻮ ﺑﺤﺎﻝ ﻫﺎﺩ ﻟﺤﺪﻳﺪﺓ ﻟﺘﻤﻨﻴﺖ ﻧﺸﺮﻱ ﻭﻟﻜﻦ ﻫﺎﺫﻱ ﺗﺘﻜﻮﻥ ﻏﻲ ﻋﻨﺪ ﺷﺨﺸﻴﺎﺕ ﺻﺤﺎﺏ ﻟﻤﻨﺎﺻﺐ ﺃﻣﺎ ﺣﻨﺎ ﻏﻲ ﺩﺭﺍﻭﺵ ﺗﻨﺘﻤﺸﺎﻭ ﺟﻨﺐ ﻟﺤﻴﻂ ﻭﻻ ﻣﻦ ﻭﺳﻄﻮ ﻛﺎﻉ ﻭﻗﻒ ﻃﻮﻣﻮﺑﻴﻞ ﻭﺿﺮﺏ ﻟﻜﻼﻛﺼﻮﻥ ﺩﺭﺕ ﺭﺍﺳﻲ ﻣﺸﻔﺘﻮﺵ ﻭ ﺍﻧﺎ ﻟﻘﺸﻌﺘﻮ ﻣﻦ ﺩﻭﺭﺓ ﺩ ﺭﻭﻣﺒﺎ ... ﻫﺒﻂ ﺯﺍﺝ ﻭﻋﻴﻂ ﻋﻠﻴﺎ ﺑﺴﻤﻴﺘﻲ ﻧﺎﺭﻱ ﺗﻴﻌﺮﻑ ﺳﻤﻴﺘﻲ ! ﻛﻔﺎﺵ ﻋﺮﻓﻬﺎ ﺯﻋﻤﺎ ﻳﻜﻮﻥ ﺗﻴﺴﻮﻝ ﻋﻠﻴﺎ ﻓﻠﺨﺪﻣﺔ

ﺃﻫﺪﺍﻱ ﺍﺯﻫﺮﺓ ﻧﻮﺭﻣﺎﻝ ﻳﻜﻮﻥ ﻋﺎﺭﻓﻬﺎ ﺭﺍ ﺩﻭﺍﺻﺎ ﺩ ﻟﺨﺎﺩﺍﻣﺎ ﻛﺎﻣﻠﻴﻦ ﻋﻨﺪﻭ ﻓﻠﺒﻴﺮﻭ ﻭ ﻫﻮ ﻟﻜﺎﻥ ﻣﺮﺓ ﻣﺮﺓ ﺗﻴﺮﻭﻣﺒﻼﺻﻴﻪ ﺑﺼﻮﺗﻮ ﻟﺤﻨﻴﻦ ﻗﺎﻟﻲ ﺃﻧﺎ ﺧﺎﻟﺪ ﻭﻟﺪ ﺳﻲ .. ﻗﻠﺖ ﻓﺨﺎﻃﺮﻱ ﺃﻭﺩﻱ ﻋﺮﻓﺘﻚ ﻋﺮﻓﺘﻚ ﻋﺎﺭﻓﺎ ﺳﻤﻴﺘﻚ ﻭﺷﺤﺎﻝ ﻓﻌﻤﺮﻙ ﻭﺃﺵ ﺗﺎﺩﻳﺮ ﻓﺤﻴﺎﺗﻚ ﺩﺭﺕ ﺭﺍﺳﻲ ﺑﺤﺎﻻ ﻋﺎﺩ ﻋﺮﻓﺘﻮ ﺃﻩ ﺳﻲ ﺧﺎﻟﺪ ، ﻃﻠﺒﻨﻲ ﻧﻄﻠﻊ ﻳﻮﺻﻠﻨﻲ ﻃﺮﻳﻘﻨﺎ ﻭﺣﺪﺓ ﺭﻛﺒﺖ ﺣﺪﺍﻩ ﻟﻘﺪﺍﻡ ﻛﺎﻥ ﺗﻴﺘﻤﺰﻙ ﻟﺒﻼﻝ ﻗﺒﻞ ﻣﺎﻳﺒﺪﻝ ﺳﻲ ﺩﻱ ﻭﻳﺪﻳﺮ ﻭﺍﺣﺪ ﻟﻮﻏﻨﻴﺔ ﺩﻟﻮﻧﻜﻠﻲ ﺧﻮﻧﺎ ﻗﻠﺒﻬﺎ ﺭﻭﻣﺎﻧﺴﻴﺔ ﻛﻨﺖ ﺳﺎﻫﻴﺔ ﺗﻠﻔﺎﻧﺔ ﺍﻟﺘﻠﻔﺔ ﺩﺑﺼﺢ ﻓﻮﺟﻬﻲ ﻋﺎﺑﺴﺔ ﻭﻗﻠﺒﻲ ﺗﻴﻀﺤﻚ ﺷﻔﺖ ﻓﻴﺪﻳﻪ ﻭﻫﻮ ﺷﺎﺩ ﻟﺒﻮﻻ ﺗﻔﻮﻭ ﺩﺍﻳﺮ ﺧﺎﺗﻢ ﻓﺼﺒﻌﻮ ﺑﺎﻳﻨﺔ ﺧﺎﻃﺐ ﻛﻨﺖ ﻋﺎﺭﻓﺔ ﺯﻫﺮﻱ ﻋﻮﺝ ﺯﻫﺮﻱ ﺑﺤﺎﻝ ﺷﻲ ﻭﺍﺣﺪ ﺭﺍﻛﺐ ﻓﻜﺎﺭ ﻋﺎﻣﺮ ﻛﻮﻟﻮ ﺑﻨﺎﺕ ﻭﺩﺍﺭ ﻛﺼﻴﺪﺓ ﻭﻟﻘﺎ ﺭﺍﺳﻮ ﻣﻌﻨﻖ ﺷﻴﻔﻮﺭ .. ﺩﺍﺯﻭ ﻟﻴﺎﻡ ﻣﺮﺓ ﻣﺮﺓ ﻳﻼﻗﺎﻧﻲ ﻓﺒﻼﻛﺔ ﺩﻃﻮﺑﻴﺺ ﻭﻳﻮﺻﻠﻨﻲ ﻭﺍﺣﺪ ﻧﻬﺎﺭ ﻗﺎﻟﻲ ﻓﺎﺵ ﺗﺴﺎﻟﻲ ﻟﺨﺪﻣﺔ ﺑﺎﻟﻌﺸﻴﺔ ﺗﺴﻨﺎﻳﻨﻲ ﻧﻬﺎﺭ ﻛﺎﻣﻞ ﻓﺎﻟﺨﺪﻣﺔ ﻭﺍﻧﺎ ﺗﻠﻔﺎﻧﺔ ﺑﻘﻴﺖ ﻏﻲ ﺗﻨﺨﺮﺑﻖ ﻓﻠﻴﺰﺍﺑﻴﻞ ﻣﺮﺓ ﻧﺠﺎﻭﺏ ﻣﺮﺓ ﻧﻘﻄﻊ ﺑﻼ ﻣﻨﻘﻮﻝ ﻛﻠﻤﺔ ﻭ ﺑﻠﻌﺸﻴﺔ ﺗﺴﻨﻴﺘﻮ ﻋﻼ ﺑﺮﺍ ﺭﻛﺒﺖ ﻣﻌﺎﻩ ﻭﻋﺮﺿﻨﻲ ﻟﻠﻌﺸﺎ ﻛﺎﻥ ﺧﺼﻨﺎ ﻧﺨﺮﺟﻮ ﻧﺮﻳﺤﻮ ﺑﻌﻴﺪ ﻋﻼ ﻟﻌﻴﻨﻴﻦ ﻭﻧﺪﻭﻳﻮ ﻓﺨﺎﻃﺮﻧﺎ ﺷﺪ ﻃﺮﻳﻖ ﻻﻛﻮﻁ ﺣﻂ ﻟﺤﺪﻳﺪﺓ ﻓﺒﺎﺭﻛﻴﻨﻎ ﻭﻭﺩﺧﻠﻨﺎ ﻟﻘﻬﻮﺓ ﻛﺒﻴﺮﺓ ﻓﻴﻬﺎ ﻏﻲ ﻧﺎﺱ ﻟﻬﺎﻱ ﻭﻟﻤﺰﻳﻜﺎ ﻣﺪﻳﺮﺍﺵ ﺻﺪﺍﻉ ﺑﺤﺎﻻ ﻣﻤﻄﻠﻮﻗﺎﺵ ﻭ ﺿﻮﺍﻭ ﺧﻔﺎﻑ ﺷﻤﺲ ﻏﺮﻕ ﻧﺺ ﺩﻳﺎﻟﻬﺎ ﻓﻠﺒﺤﺮ ﻭﻣﻊ ﺗﻠﻔﺔ ﺃﻧﺎ ﻳﺴﺤﺎﺑﻠﻲ ﻋﺎﺩ ﻛﻄﻠﻊ، ﺟﺒﺪ ﻟﻴﺎ ﻛﺮﺳﻲ ﺗﺎ ﺭﻳﺤﺖ ﻋﺎﺩ ﺩﺍﺯ ﺭﻳﺢ ﻗﺪﺍﻣﻲ ﻋﻴﻂ ﻋﻼ ﺳﺮﺑﺎﻱ ﻭﻃﻠﺒﻮ ﻋﻼ ﺷﻲ ﺳﻤﻴﺎﺕ ﺩﻟﻤﺎﻛﻠﺔ ﻋﻤﺮﻧﻲ ﺳﻤﻌﺖ ﺑﻴﻬﻮﻡ ﺑﻘﻴﺖ ﻛﻨﺪﻭﺭﻫﺎ ﻓﻌﻘﻠﻲ ﺷﻨﻮ ﻣﻤﻜﻦ ﻳﻜﻮﻥ ﺗﻴﻘﻮﻝ ﻋﻠﻴﺎ ﺩﺍﺑﺎ ﻭﻋﻼﺵ ﻋﺮﺽ ﻋﻠﻴﺎ ﻟﻬﻨﺎ ! ﻳﺎﻙ ﻫﻮ ﺧﺎﻃﺐ ! ﻣﺎﺣﺴﻴﺖ ﺗﺎﻭﻗﻒ ﻋﻠﻴﻨﺎ ﻟﻜﺎﺭﺻﻮﻥ ﻣﻌﻤﺮ ﻃﺎﺑﻠﺔ ﺑﺎﻻﻧﻮﺍﻉ ﺩﻟﻤﺎﻛﻠﺔ ﺗﺸﻬﻴﺖ ﻧﻀﺮﺏ ﺗﺼﻮﻳﺮﺓ ﻧﻌﻴﻖ ﺑﻬﺎ ﻋﻼ ﺻﺤﺎﺑﺎﺗﻲ ﻓﺎﻟﻔﺎﻳﺲ ﻭﺭﻳﺤﺔ ﺩﺳﺮﺩﻳﻦ ﻭﺷﻼﻳﻆ ﺗﺘﺤﻤﻖ ﻭﺃﻧﺎ ﻟﻜﻨﺖ ﻣﻮﺍﻟﻔﺎ ﺗﻨﻀﺮﺏ ﻏﻲ ﻓﺨﺎﻧﺰ ﻭﺑﻨﻴﻦ ﻓﺎﺵ ﻧﺨﺮﺝ ﻣﻦ ﻻﻓﺎﻙ ﻣﻊ ﺳﺘﺔ ﻭ ﻛﺮﺷﻲ ﻧﺎﻳﻀﺔ ﻓﻴﻬﺎ ﺳﻬﺮﺓ ﻭﻻ ﻣﺮﺓ ﻣﺮﺓ ﻧﻤﺸﻲ ﻋﻨﺪ ﺩﺍﻫﻤﻮ ﻧﻀﺮﺑﻠﻲ ﻃﺒﺴﻴﻞ ﺩ ﻟﻮﺑﻴﺎ ﻭﻻ ﻟﻌﺪﺱ ﻛﺎﻥ ﺗﻴﺼﺮﻉ ﺩﺍﻛﺸﻲ ﺩ ﻃﻴﺎﺏ ﻭﺑﺰﺍﻑ ﺩﻟﻤﺮﺍﺕ ﻓﻀﻠﺖ ﻃﻴﺎﺑﻮ ﻋﻼ ﺩﻳﺎﻝ ﻟﻮﺍﻟﻴﺪﺓ ﻣﻤﻢ ﺗﻔﻜﺮﺕ ﺍﻟﻮﺍﻟﻴﺪﺓ ﺗﻮﺣﺸﺘﻬﺎ ﺗﻮﺣﺸﺖ ﺍﻟﺒﻼﺩ ﺻﺎﻓﻲ ﺃﺯﻫﺮﺓ ﻣﺎﺷﻲ ﻭﻗﺘﻮ ﻫﺎﺫﺍ ..

ﻣﻦ ﺑﻌﺪ ﺩﻭﺍ ﻭﻳﺎﺭﻳﺘﻮ ﻣﺎﺩﻭﺍ ﻣﺎﻋﺮﻓﺖ ﻭﺍﺵ ﻧﺘﻴﻘﻮ ﻭﻻ ﻧﻜﺬﺏ ﻭﺫﻧﻲ ﻭﻻ ﻧﺴﻜﺖ ﺩﻳﻚ ﻟﻜﺎﺳﻴﻄﺔ ﻟﻜﺪﻭﺭ ﻓﺬﻣﺎﻏﻲ ﻭﺍﺵ ﻧﻜﻤﻞ ﻟﺠﻠﺴﺔ ﻭﻻ ﻧﻮﺽ ﻧﻌﻠﻖ ﻓﺤﺎﻟﻲ ﺗﺘﺒﺎﻧﻲ ﻣﻌﻘﻮﻟﺔ ﻭﺑﻨﺖ ﻟﻨﺎﺱ ﻭﻣﺎﻟﻘﺎﺵ ﺣﺴﻦ ﻣﻨﻚ ﻧﻜﻤﻞ ﻣﻌﺎﻫﺎ ﺩﻳﻨﻲ ﺇﻧﺴﺎﻧﻪ ﻗﺎﺭﻳﺔ ﻭ ﻭﺍﻋﻴﺔ ﻫﺎﻛﺎ ﻗﺎﻝ ﻫﻮ ﻛﻴﻌﺎﻭﺩ ﻫﺎﺩ ﺩﻳﻮﺍﻥ ﻭﺃﻧﺎ ﺣﺎﺫﺭﺍ ﻋﻴﻨﻴﺎ ﺷﻮﻳﺎ ﻫﺰﻳﺘﻬﻢ ﻓﻴﻪ ﻭﺃﻭﻝ ﻣﺮﺓ ﻳﺘﻼﻗﺎﻭ ﻋﻴﻨﻴﺎ ﻛﺎﻧﻮ ﻋﻴﻨﻴﻪ ﻣﺨﻠﻮﺿﻴﻦ ﺩﻳﺎﻝ ﺑﺼﺢ ﺳﻮﻟﺘﻮ ﻋﻠﻰ ﻟﺨﺎﺗﻢ ﺿﺤﻚ ﺗﺎ ﺑﺎﻧﻮ ﺳﻨﻴﻪ ﻭﺑﺪﺍ ﺗﻴﻌﺎﻭﺩﻟﻲ ﺑﻠﻲ ﻛﺎﻥ ﻋﻨﺪﻭ ﺻﺎﺣﺒﻮ ﺑﻐﺎ ﻳﺤﺮﻙ ﻭﻧﻬﺎﺭ ﻟﻐﺘﺨﺮﺝ ﻓﻴﻪ ﻟﻔﻠﻮﻛﺎ ﻃﻠﺐ ﻣﻨﻮ ﻳﻌﻄﻲ ﻫﺎﺫ ﻟﺨﺎﺗﻢ ﻟﻤﻮ ﻭﻳﻄﻠﺐ ﻣﻨﻬﺎ ﺗﺴﻤﺤﻠﻮ ﻭﺑﻠﻲ ﻏﻴﺮﺟﻊ ﻓﺄﻗﺮﺏ ﻭﻗﺖ ﺧﺪﺍ ﻣﻨﻮ ﻟﺨﺎﺗﻢ ﻭﻋﻨﻘﻮ ﺗﺎ ﺑﺪﺍ ﺗﻴﺴﻤﻊ ﺩﻗﺎﺕ ﻗﻠﺒﻮ ﻭﻣﻦ ﺑﻌﺪ ﻳﻮﻣﻴﻦ ﻭﺻﻼﺕ ﻟﺨﺒﺎﺭ ﺑﻠﻲ ﻛﺎﻉ ﻟﻜﺎﻥ ﺭﺍﻛﺐ ﻓﺪﻳﻚ ﻟﻔﻠﻮﻛﺎ ﻏﺮﻗﻮ ﻭﻣﺎﺗﻮ ﺻﻴﻤﺎﻧﺎ ﻣﻦ ﺑﻌﺪﻫﺎ ﺳﺎﺩ ﻋﻠﻴﻪ ﻓﺪﺍﺭ ﺗﺎ ﻧﺸﻔﻮ ﻋﻴﻨﻴﻪ ﺑﺎﻟﺒﻜﺎ ﻭﻓﺎﺵ ﻣﺸﺎ ﻳﻌﺰﻱ ﻟﻮﺍﻟﻴﺪﺓ ﺩﺻﺎﺣﺒﻮ ﻭﻳﻌﻄﻴﻬﺎ ﻟﺨﺎﺗﻢ ﻟﻘﺎﻫﺎ ﺗﻮﻓﺎﺕ ﻣﻦ ﻟﻔﻘﺴﺔ ﻭﻣﻦ ﺩﺍﻙ ﻧﻬﺎﺭ ﺣﻠﻒ ﻣﺎﻳﻔﺎﺭﻗﺶ ﻟﺨﺎﺗﻢ ﺻﺒﻌﻮ ﺗﻴﻌﺎﻭﺩﻟﻲ ﻭﺩﻣﻮﻋﻮ ﻧﺎﺯﻟﻴﻦ ﻣﺪﻳﺘﻠﻮ ﻛﻠﻴﻨﻴﻜﻴﺲ ﻣﺴﺢ ﺩﻣﻮﻋﻮ ﻭﻣﺴﺢ ﻣﻌﺎﻫﻢ ﺣﻴﺮﺓ ﻟﻜﺎﻧﺖ ﻓﻴﺎ ﻋﻼ ﻭﺩ ﻟﺨﺎﺗﻢ،ﺍﻧﺎ ﻣﺎﺯﺍﻝ ﺗﻨﺘﺸﺎﻭﺭ ﻣﻊ ﺭﺍﺳﻲ ﻟﻜﻠﻤﺎﺕ ﻟﻲ ﻓﺮﺍﺳﻲ ﺑﺪﺍﻭ ﺗﻴﺘﺰﺍﺣﻤﻮ ﺗﺎﺑﺪﻳﺖ ﺗﻨﻔﻜﺮ ﺑﺼﻮﺕ ﻣﺮﺗﻔﻊ ﻭﻛﻨﻌﺎﻭﺩﻟﻮ ﻋﻠﻰ ﻧﻬﺎﺭ ﻟﺘﻜﺮﻓﺺ ﻋﻠﻴﺎ ﻓﻴﻪ ﻋﻤﻲ ﺩﻗﺔ ﺩﻗﺔ ﻓﻠﻮﻝ ﺣﺎﻧﻴﺔ ﺭﺍﺳﻲ ﻛﻨﺸﻮﻑ ﻓﺎﻻﺭﺽ ﺗﺎ ﻭﺻﻠﺖ ﻟﻤﺮﺣﻠﺔ ﻟﻲ ﻋﻴﻨﻲ ﻓﻌﻴﻨﻮ ﻣﺎﻋﺮﻓﺖ ﻛﻔﺎﺵ ﺗﺎ ﺑﺪﻳﺖ ﺗﺎﻧﺤﻜﻠﻮ ﻟﻲ ﻭﻗﻊ ﻟﻴﺎ ﺑﻘﺎ ﺳﺎﻛﺖ ﺯﺍﺩ ﻟﺨﻄﻮﺓ ﻟﻮﻻ ﺛﺎﻧﻴﺔ ﺑﻘﺎ ﻏﺎﺩﻱ ﻭﻛﻴﻐﺒﺮ ﻓﺎﻟﻈﻠﻤﺔ ﺣﺘﻰ ﻣﺎﺑﻘﺎﺵ ﺧﻴﺎﻟﻮ ﺗﻴﺒﺎﻥ ﻛﻨﺖ ﺗﻨﺘﺴﻨﺎﻩ ﻳﺮﺟﻊ ﻳﻘﻮﻟﻲ ﺃﻧﺎ ﻗﺎﺑﻞ ﻋﻠﻴﻚ ﻟﻜﻦ ﻫﺎﺩ ﻟﻘﻄﺔ ﺗﺘﻮﻗﻊ ﻏﻲ ﻓﻼﻓﻼﻡ ﺩﻟﻤﺮﻳﻜﺎﻥ ﻭﻟﻬﻨﻮﺩ ﺑﻘﻴﺖ ﺣﺎﺿﻴﺎﻩ ﺑﻌﻴﻨﻲ ﺗﺎﻏﺒﺮ ﻓﺰﺣﺎﻡ ﺧﻮﻧﺎ ﺯﺍﺩ ﻣﺎ ﻭﻟﻰ ﻣﺼﺎﺭﻳﻨﻲ ﺑﺤﺎﻻ ﻣﻘﻠﻮﺑﻴﻦ ﻋﻠﻴﺎ ﺗﻌﻘﺖ ﻛﻨﺖ ﻋﺎﺭﻓﺎ ﺯﻫﺮﻱ ﻋﻮﺝ ﻭﻟﻜﻦ ﻣﻜﺎﻧﺶ ﻳﺴﺤﺎﺑﻠﻲ ﺗﺎ ﻟﻬﺎﺩ ﺩﺭﺟﺔ ﺑﺪﻳﺖ ﺗﻨﺴﺐ ﻓﺮﺍﺳﻲ ﻭ ﻓﻄﺎﺳﻴﻠﺘﻲ ﻭﺑﻠﻲ ﻣﻜﺎﻧﺶ ﻋﻠﻴﺎ ﻧﺼﺎﺭﺣﻮ .. ﺃﺻﻼ ﻛﻤﺎ ﺩﺭﺕ ﻭﺣﻠﺔ ﻏﻴﻌﺮﻑ ﻏﻴﻌﺮﻑ ﺭﺟﻌﺖ ﻓﺤﺎﻟﻲ ﻟﺒﺮﺗﻮﺵ ﻭﺻﻮﺭﺗﻮ ﻭﻫﻮ ﻏﺎﺩﻱ ﺑﻘﺎﺕ ﻻﺻﻘﺔ ﻓﺪﻣﺎﻏﻲ ﻭﻓﻄﺮﻳﻖ ﺷﺮﻳﺖ ﻗﺮﻋﺔ ﺩ ﺭﻭﺝ ﻣﻌﻤﺮﻧﻲ ﻗﺮﺑﺖ ﻟﺤﺮﺍﻡ ﻭﻟﻴﻮﻣﺎ ﻋﻮﺍﻻ

ﻧﺠﺮﺑﻮ ﻭﻧﺴﻰ ﻋﻠﻴﺎ ﺍﻟﻬﻢ ﺗﺎ ﺣﺎﺟﺔ ﻣﺒﻘﺎﺕ ﻫﺎﻣﺎﻧﻲ ﺗﻨﺤﺲ ﺑﺤﺎﻻ ﺷﻲ ﻧﻔﺲ ﻭﺍﺣﻼ ﻟﻲ ﻓﺼﺪﺭﻱ ﻭﺧﺎ ﺗﻨﺘﻔﺲ ﻣﻜﺘﺨﺮﺟﺶ ﻛﻮﻟﻬﺎ ﻭ ﻓﻜﺮﺓ ﺍﻻﻧﺘﺤﺎﺭ ﺑﻘﺎﺕ ﻣﺮﺓ ﻣﺮﺓ ﺿﺮﺑﻠﻲ ﻓﺪﻣﺎﻏﻲ .. ﺩﻳﻚ ﻟﻴﻠﺔ ﺳﻜﺮﺕ ﻣﺰﻳﺎﻥ ﻧﺎﺱ ﺗﺘﺒﻮﻕ ﺑﺎﺵ ﺗﻨﺴﻰ ﺃﻧﺎ ﻋﺎﺩ ﺗﻨﻌﻘﻞ ﻓﺒﻼﺩ ﻣﻮﺣﻤﺎﺩ ﺳﺘﺔ ﻳﻠﻘﺎﻭﻙ ﺳﻜﺮﺍﻥ ﻣﻴﻬﻀﺮ ﻣﻌﺎﻙ ﺣﺪ ﻭﻓﺎﺵ ﺗﻜﻮﻥ ﻣﺘﺪﻳﻦ ﻭﺩﺍﻳﺮ ﻟﺤﻴﺔ ﻳﻘﻮﻟﻮ ﻋﻠﻴﻚ ﺇﺭﻫﺎﺑﻲ ﻭﻳﺪﻳﻮﻙ ﻟﺒﻨﻴﻘﺔ،ﺍﻟﻐﺪ ﻟﻴﻪ ﺻﺒﺤﺖ ﻧﺎﻋﺴﺔ ﻭﻣﻤﺸﻴﺘﺶ ﻟﺨﺪﻣﺔ ﺣﻠﻔﺖ ﻣﻨﻌﺎﻭﺩ ﻧﺤﻂ ﺭﺟﻠﻲ ﺛﻤﺎ ﻣﺒﻘﺎﺵ ﻋﻨﺪﻱ ﻟﻮﺟﻪ ﺑﺎﺵ ﻧﺸﻮﻓﻮ ﺗﻨﺼﺺ ﻧﻬﺎﺭ ﻭﺃﻧﺎ ﺑﺎﻗﺎ ﻣﺠﺒﺪﺓ ﻭﺣﺪﺍﻳﺎ ﻟﺨﺎﻭﻱ ﺩﻟﻘﺮﻋﺔ ﻣﻬﺮﺳﺔ ﻭﺟﺎﺝ ﻣﺸﺘﺖ ﻓﻠﺒﻴﺖ ﺇﻣﺘﺎ ﻫﺮﺳﺘﻬﺎ ﻣﻌﻘﻠﺘﺶ ! ﻣﻨﻜﺖ ﻧﻬﺎﺭ ﻟﻮﻝ ﺛﺎﻧﻲ ﻓﺎﻟﺨﺪﻣﺔ ﺗﻴﻠﻴﻔﻮﻥ ﺑﺪﺍ ﺗﻴﺼﻮﻧﻲ ﺍﻟﻨﺎﺱ ﺩﻟﺨﺪﻣﺔ ﺻﺤﺎﺑﺎﺗﻲ ﺗﻴﻌﻴﻄﻮﻟﻲ ﻟﺒﻠﺒﺎﻻ ﻧﻬﺎﺭ ﻛﺎﻣﻞ ﻭﻫﻮ ﺗﻴﺴﺮﺳﺮ ﻣﺒﻐﻴﺘﻴﺲ ﻧﺠﺎﻭﺏ .. ﻣﻦ ﺑﻌﺪ ﺻﻴﻤﺎﻧﺎ ﻫﻜﺎﻙ ﻭﺃﻧﺎ ﻏﻲ ﺷﺎﺩﺍ ﻟﻘﻨﺖ ﻛﺜﺮﺓ ﺍﻟﻬﻢ ﻧﺴﺎﺗﻨﻲ ﻟﺒﺮﻭﺩﺓ ﺩ ﺍﻟﻀﺺ ﻟﻄﺎﻟﻌﺎ ﻣﻌﺎﻳﺎ .. ﻣﻌﺎﻳﺎ ﻓﻠﻮﻝ ﺑﺪﻳﺖ ﺗﻨﺘﻜﻴﻒ ﻟﻜﺎﺭﻭ ﻭﺃﻧﺎ ﻟﻜﻨﺖ ﺗﻨﺼﺢ ﺻﺎﺣﺒﺘﻲ ﺗﺒﻌﺪ ﻋﻼ ﻫﺎﺩ ﻟﺒﻼ ﻓﺎﺵ ﻋﺮﻓﺘﻬﺎ ﻣﺒﻠﻴﺔ ﺩﺍﺯﻭ ﻟﻴﺎﻡ ﺗﻨﻘﻀﻲ ﺑﻤﺼﻴﺮﻑ ﻛﻨﺖ ﺧﺎﺯﻧﺎﻩ ﺩﺍﺭ ﻗﻄﻌﺖ ﻋﻠﻴﻬﻮﻡ ﺗﻴﻠﻴﻔﻮﻥ ﻣﺪﺓ ﻣﻌﻴﻄﺶ ﻟﻬﻮﻡ ! ﺩﺭﺕ ﺯﺣﻠﺔ ﻓﺎﻟﻜﺤﻠﺔ ﻣﻦ ﻟﻜﺎﺭﻭ ﺗﻌﻠﻤﺖ ﻧﺒﺮﻡ ﺟﻮﺍﻧﺎﺕ ﻟﺮﺍﺳﻲ ﻭﻛﻨﺸﻮﻑ ﺗﺼﻮﻳﺮﺓ ﻣﻮﺣﻤﺎﺩ ﺳﺎﺩﺱ ﻟﻤﻌﻠﻘﺔ ﻗﺪﺍﻣﻲ ﺟﺎﻟﺲ ﻓﻜﺮﺳﻲ ﻭ ﻣﺤﻨﺰﺯ ﺑﺤﺎﻻ ﺗﺨﺮﺝ ﻋﻴﻨﻴﻪ ﻓﻴﺎ ﻭﻳﻘﻮﻟﻲ ﺃﺵ ﺳﺎﻳﺮﺍ ﺗﺎﺩﻳﺮﻱ ﺃﺯﻫﺮﺓ ! ﺣﻴﺪ ﺑﺎﻻﻙ ﻋﻠﻴﺎ ﻓﻴﻦ ﻛﻨﺘﻲ ﻧﻬﺎﺭ ﺗﻜﺮﻓﺺ ﻋﻠﻴﺎ ﻋﻤﻲ ﻭﻧﻬﺎﺭ ﺯﻣﻄﺎﺗﻨﻲ ﺷﻴﺒﺎﻧﻴﺔ ﻭﻧﻬﺎﺭ ﻭﻧﻬﺎﺭ ﻟﻬﻀﺮﺓ ﺑﺰﺍﻑ ﻭﺳﻜﺎﺕ ﺧﻴﺮ ، ﺗﻨﺘﻜﻴﻒ ﻭﻧﺤﺎﻭﻝ ﻧﻘﻨﻊ ﺭﺍﺳﻲ ﺑﻠﻲ ﻫﺎﺩﺷﻲ ﻟﻜﺎﺭﻭ ﻭﻃﺮﻳﻔﺔ ﺣﻼﻝ ﻭﻫﺎﺩﺷﻲ ﻟﺘﻨﺪﻳﺮ ﻓﻴﻪ ﻋﺎﺩﻱ ﻭﺃﺻﻼ ﻓﻬﺎﺩ ﻟﺒﻼ ﻛﻮﻟﺸﻲ ﺣﻼﻝ ﺗﺎ ﻟﻠﺤﻢ ﻟﺤﻠﻮﻑ ﻻ ﺣﺮﺍﻡ ﻭﺧﺎ ﻟﺤﻠﻮﻑ ﺩﺑﺼﺢ ﻫﻮ ﻟﺘﻴﺤﻠﻞ ﻭ ﺗﻴﺤﺮﻡ ﻓﻠﻲ ﺑﻐﺎ ! ﻣﺼﻴﺮﻳﻒ ﻟﻜﻨﺖ ﺧﺎﺯﻧﺎﻩ ﻟﺪﻭﺍﻳﺮ ﺯﻣﺎﻥ ﺧﺴﺮﺗﻮ ﺗﺎ ﻫﻮ ﻣﻼﻣﺢ ﺩﻭﺟﻬﻲ ﺫﺑﻠﻮ ﻭﺭﻳﺤﺔ ﻟﻜﺎﺭﻭ ﻭﺷﺮﺍﺏ ﺑﺪﺍﺕ ﺗﺘﻌﻄﻌﻂ ﻣﻨﻲ ﻟﻜﺎﺷﻮﺵ ﻟﻤﻴﺠﻴﺐ ﻣﻴﺪﺍﻟﻴﺔ ﻣﺎﻳﻠﻴﻖ ﻟﺒﻮﻩ ﻏﻲ ﺫﺧﺎﻥ .. ﻧﻬﺎﺭ ﺍﻟﺨﺮ ﻓﺼﻴﻤﺎﻧﺎ ﺑﻐﻴﺖ ﻧﺨﺮﻭﺝ ﻧﻔﻮﺝ ﻧﺘﺴﺎﺭﺍ ﺿﺮﺏ ﻓﻴﺎ ﺷﻤﺲ ﻟﺒﺴﺖ ﺻﻨﺪﺍﻟﺔ ﺧﻔﻴﻔﺔ ﻓﺮﺟﻠﻴﺎ ﻭ ﺯﺭﻗﺎﻻﻑ ﻟﺨﺮﺓ ﻃﻮﻳﺘﻬﺎ ﻣﺰﻳﺎﻥ ﻭﺧﺒﻌﺘﻬﺎ ﻓﺠﻴﺐ ﺻﻐﻴﺮ ﺩﺳﺮﻭﺍﻝ ﻫﺰﻳﺖ ﺳﺎﺭﻭﺕ ﺩﻟﺒﺮﺗﻮﺵ ﻭﺧﺮﺟﺖ ﻧﺘﺴﺎﺭﺍ ﻓﻠﻤﺪﻳﻨﺔ ﺗﺎﺑﻌﺎ ﺭﺟﻴﻼﺗﻲ ﻓﻴﻦ ﻏﻴﻮﺻﻠﻮﻧﻲ ﺑﻐﻴﺖ ﻧﻬﺮﺏ ﻣﻦ ﻫﺎﺩ ﻟﻮﺍﻗﻊ ﻟﻤﺰﻓﺖ

ﻫﺰﻳﺖ ﻋﻴﻨﻴﺎ ﻟﻘﻴﺖ ﺭﺟﻴﻼﺗﻲ ﻭﺻﻠﻮﻧﻲ ﻟﺠﻨﺐ ﻻﻓﺎﻙ ﺩﻧﻴﺎ ﺧﺎﻭﻳﺔ ﻣﺎﺷﻲ ﺑﺤﺎﻝ ﻭﺳﻂ ﺻﻴﻤﺎﻧﺎ ﺗﻔﻜﺮﺕ ﺇﻳﺎﻣﺎﺕ ﻻﻓﺎﻙ ﺗﻔﻜﺮﺕ ﺣﺴﻨﺎ ﺗﻔﻜﺮﺕ ﻳﻮﻧﺲ ﺃﻩ ﻳﻮﻧﺲ ﺟﺒﺖ ﺑﻮﺭﻃﺎﺑﻠﻲ ﺑﺰﺭﺑﺔ ﻭﺑﺪﻳﺖ ﻧﻘﻠﺐ ﻋﻼ ﻧﻤﺮﺗﻮ ﺑﻴﻦ ﻟﻜﻮﻧﻄﺎﻛﻂ ﺍﻩ ﻧﺴﻴﺖ ﺑﻠﻲ ﻣﺴﺤﺘﻬﺎ ﻓﺎﺵ ﻟﻘﻴﺘﻮ ﻣﻌﻨﻖ ﺩﺭﻳﺔ ﻓﺒﻴﺒﻠﻴﻮ،ﺭﻳﺤﺖ ﻓﻜﺮﺳﻲ ﺟﻨﺐ ﻻﻓﺎﻙ ﺷﻌﻠﺖ ﻛﺎﺭﻭ ﻭﺑﻘﻴﺖ ﺣﺎﺿﻴﺎ ﺫﺧﺎﻥ ﻭﻫﻮ ﺗﻴﻐﺒﺮ ﻓﺴﻤﺎ ﻭﺗﻨﻠﻌﺐ ﺑﺎﻟﺒﺮﻳﻜﺔ ﻓﻴﺪﻱ ﺗﻨﻤﺠﻬﺪ ﻓﻴﻬﺎ ﻭﻧﻌﺎﻭﺩ ﻧﻨﻘﺺ ﻣﺎﺣﺴﻴﺖ ﺗﺎﻭﻗﻔﺎﺕ ﻋﻠﻴﺎ ﻣﺮﺍ ﻭﻣﻌﺎﻫﺎ ﺑﻨﻴﺘﺔ ﺻﻐﻴﺮﺓ ﻓﻜﺮﺍﺗﻨﻲ ﻓﺎﻟﻮﺍﻟﻴﺪﺓ ﻓﺎﺵ ﻛﺎﻧﺖ ﺗﺘﻮﺻﻠﻨﻲ ﻟﺒﺎﺏ ﻟﻤﺪﺭﺳﺔ ﺇﻳﺎﻣﺎﺕ ﺗﺤﻀﻴﺮﻱ ﻛﺎﻧﺖ ﺑﺎﻏﺎﻧﻲ ﻧﻮﻟﻲ ﻃﺒﻴﺒﺔ ﺑﺎﺵ ﻧﺒﻘﺎ ﻧﺪﺍﻭﻳﻬﺎ ﻓﺎﺵ ﺗﻤﺮﺽ ﻭﺍﻟﻮﺍﻟﻴﺪﺓ ﺑﻐﺎﻧﻲ ﻧﻄﻠﻊ ﻣﺤﺎﻣﻴﺔ ﺑﺎﺵ ﻧﺮﺟﻌﻠﻮ ﺣﻘﻮ ﻓﺎﻷﺭﺽ ﻟﺨﺪﺍﻭﻫﻠﻮ ﻋﻤﺎﻣﻮ ﺳﺎﻋﺔ ﻣﻄﻠﻌﺘﺶ ﻻ ﻫﺎﺩﻱ ﻻ ﻫﺎﺩﻳﻚ ﻃﻠﻌﺖ ﺑﺮﻭﺻﻲ ﻋﻠﻴﻬﻮﻡ ﺳﻬﻴﺖ ﻓﻴﻘﻨﻲ ﺻﻮﺕ ﻟﻤﺮﺍ ﺗﺘﺴﻮﻟﻨﻲ ﺷﺤﺎﻝ ﻓﺎﻟﺴﺎﻋﺔ ﺟﺒﺖ ﺑﻮﺭﻃﺎﺑﻠﻲ ﻟﻘﻴﺘﻮ ﻗﺮﻳﺐ ﻳﺪﻳﺸﺎﺭﺟﺎ ﻭﻟﺒﺎﺗﺮﻱ ﺗﻴﻨﻘﺰ ﻓﺒﻼﺻﺘﻮ ﻭﺷﺎﺷﺔ ﻇﻼﻣﺖ ﻏﻲ ﺑﺰﺯ ﺑﺎﺵ ﺑﺎﻧﺘﻠﻲ ﺍﻟﺴﺎﻋﺔ ﺟﺎﻭﺑﺘﻬﺎ ﻫﺎﺩﻱ ﻟﻄﻨﺎﻋﺸﻮﻧﺺ ﺃﻟﺤﺎﺟﺔ ﺟﺎﻭﺑﺎﺗﻨﻲ ﺑﺎﻗﻲ ﻟﺤﺎﻝ ﺍﻟﻠﻪ ﻳﺮﺿﻲ ﻋﻠﻴﻚ ﺃﺑﻨﺘﻲ ! ﻣﻌﺮﻓﺘﺶ ﻋﻼﻳﺎﺵ ﺑﺎﻗﻲ ﻟﺤﺎﻝ ﻭﻣﺒﻐﻴﻨﺘﺶ ﻧﻌﺮﻑ ﺟﻠﺴﺎﺕ ﻓﺠﻨﺒﻲ ﻭﺧﻼﺕ ﻟﺒﻨﺖ ﺗﻠﻌﺐ ﺑﻌﻴﺪ ﻟﻘﺎﺕ ﻗﻠﺒﻲ ﻃﺎﻳﺐ ﻭ ﺍﻭﻝ ﻭﺍﺣﺪ ﻳﻬﻀﺮ ﻣﻌﺎﻳﺎ ﻧﻌﺎﻭﺩﻟﻮ ﻛﻮﻟﺸﻲ ﻳﺎﻻﻩ ﺑﺪﻳﻨﺎ ﺗﻨﻬﻀﺮﻭ ﺷﻮﻳﺎ ﻧﺎﺿﺖ ﺗﺘﺠﺮﻱ ﺟﻴﻬﺖ ﻟﺒﻨﺖ ﻟﻜﺎﻧﺖ ﺗﺘﻠﻌﺐ ﻓﺎﻟﻄﺮﻳﻖ . ﻣﺸﺎﺕ ﺗﺘﺠﺮﻱ ﺟﻬﺔ ﻟﺒﻨﺖ ﻛﺎﻧﺖ ﺗﺘﻠﻌﺐ ﻓﻄﺮﻳﻖ ﻭﺑﺪﺍﺕ ﺗﺘﻌﺎﻳﺮ ﻓﻴﻬﺎ ﻗﻠﺖ ﻓﺨﺎﻃﺮﻱ ﺧﻠﻴﻬﺎ ﻣﺴﻜﻴﻨﺔ ﻭﺑﻼﺻﺔ ﻣﺘﻌﻴﺮﻳﻬﺎ ﻫﻲ ﻋﺎﻳﺮﻳﻨﻲ ﻧﺪﻳﺮ ﻋﻘﻠﻲ ﻭﻧﺮﺟﻊ ﻟﻄﺮﻳﻖ ﻋﺎﺩ ﻗﻠﺖ ﻟﺤﻤﺪ ﻟﻠﻪ ﺿﺒﺮﺕ ﻋﻼ ﺧﺪﻣﺔ ﻭﺑﺪﻳﺖ ﺗﻨﺒﻼﻧﻲ ﻟﺤﻴﺎﺗﻲ ﻟﻤﺴﺘﻘﺒﻠﻴﺔ ﺳﺎﻋﺔ ﺿﺮﺑﻠﻲ ﻛﻮﻟﺸﻲ ﻓﺰﻳﺮﻭ ﻓﻘﺖ ﻣﻦ ﺳﻬﻮ ﺩﻳﺎﻟﻲ ﻭﺷﻔﺖ ﺟﻬﺔ ﻟﻤﺮﺍ ﻟﻘﻴﺘﻬﺎ ﺟﺎﺭﺍﻫﺎ ﻣﻦ ﻳﺪﻳﻬﺎ ﺟﺎﺕ ﺟﻠﺴﺎﺗﻬﺎ ﺑﻴﻨﺎﺗﻨﺎ ﻭﺑﺪﺍﺕ ﺗﺘﺴﻮﻝ ﻓﻴﺎ ﻭﻃﻠﺒﺎﺗﻨﻲ ﻧﻜﻤﻞ ﻟﻬﺎ ﻗﺼﺘﻲ ﺣﺴﻴﺖ ﺑﻬﺎ ﺛﺄﺗﺮﺍﺕ ﺑﻴﺎ ﺑﺰﺍﻑ ﻗﺎﻟﺘﻠﻲ ﻫﺎﺩﻱ ﺑﻨﺘﻲ ﻭﺭﺍﺟﻠﻲ ﺗﻮﻓﻰ ﻫﺎﺫﻱ ﻋﺎﻡ ﻛﺎﻥ ﺷﻴﻔﻮﺭ ﺩﻳﺎﻝ ﻟﻜﺎﻣﻴﻮ ﻏﺎﺩﻱ ﺑﻠﻴﻞ ﺷﺎﺩ ﻃﺮﻳﻖ ﻣﻦ ﺻﺤﺮﺍ ﺗﻘﻄﻊ ﺑﻴﻪ ﻟﻔﺮﺍﻥ ﻭﻫﺒﻂ ﺩﻳﻐﻴﻜﺖ ﻟﻮﺍﺩ ﻓﺪﻭﺭﺓ ﺩﻳﺎﻝ ﺃﻛﻨﻲ ﻣﻐﺎﺭ ﻟﻜﺎﻣﻴﻮ ﻛﺎﻣﻞ ﺗﻔﺮﺷﺦ ﻣﺎﻟﻘﺎﻭ ﻣﺎﻳﺠﻤﻌﻮ ﻓﻴﻪ ﻭ ﺭﺍﺟﻠﻬﺎ .. ﺑﺪﺍﺕ ﺗﺘﺒﻜﻲ ﻋﻨﻘﺎﺕ ﺑﻨﺘﻬﺎ ﻭﻋﻨﻘﺘﻬﻮﻡ ﺑﺠﻮﺝ ﻟﻠﺤﻈﺔ ﺣﺴﻴﺖ ﺑﺮﺍﺳﻲ ﺑﺤﺎﻻ ﺗﺠﻤﻌﺖ ﻣﻊ ﺷﻤﻞ ﺩﻟﻌﺎﺋﻠﺔ ﻣﺴﺤﺎﺕ

ﺩﻣﻮﻋﻬﺎ ﻭﻃﻠﺒﺎﺕ ﻣﻨﻲ ﻧﻤﺸﻲ ﻣﻌﺎﻫﺎ ﻋﺎﻳﺸﺎ ﻭﺣﺪﻫﺎ ﻓﺒﺮﻃﻤﺎ ﺧﻼﻫﺎ ﻟﻬﺎ ﻟﻤﺮﺣﻮﻡ ﻓﺤﻲ ﺳﻼﻡ ﻭ ﺗﺘﺨﺪﻡ ﻓﺪﻳﻮﺭ ﺑﺎﺵ ﺗﺼﺮﻑ ﻋﻼ ﺑﻨﺘﻬﺎ ﺩﻭﺭﺗﻬﺎ ﻓﺮﺍﺳﻲ ﻗﻠﺖ ﻣﺰﻳﺎﻧﺔ ﻏﻨﻠﻘﺎ ﻣﻌﻤﻦ ﻧﺘﻮﺍﻧﺲ ﻭﻧﺴﻰ ﺍﻟﻬﻢ ﺑﻴﻨﻤﺎ ﻧﺪﺑﺮ ﻋﻼ ﺷﻲ ﺧﺪﻣﺔ ﻭﻧﺒﺪﺍ ﻣﻦ ﺟﺪﻳﺪ ﺑﺎﺵ ﻣﻨﻘﻄﻌﺶ ﻟﻤﺼﺮﻭﻑ ﻋﻼ ﻭﺍﻟﻴﺪﻳﺎ ﻭﺃﺻﻼ ﻣﻮﻝ ﻟﻜﺮﺍ ﺩﻳﻤﺎ ﺗﻴﻬﺪﺩﻧﻲ ﺑﺎﺵ ﻳﺮﻣﻲ ﻟﻲ ﺣﻮﺍﻳﺠﻲ ﻓﺰﻧﻘﺔ ﻣﺨﻠﺼﺘﻮﺵ ﻓﺸﻬﺮﻳﻦ ﺩﻟﻜﺮﺍ ﻭ ﺳﺒﻌﻤﻴﺘﺮﻳﺎﻝ ﺩﻳﺎﻝ ﺍﻟﻀﻮ ﻭﺍﻓﻘﺖ ﻧﻤﺸﻲ ﻣﻌﺎﻫﺎ ﺧﺪﻳﺖ ﻣﻨﻬﺎ ﻧﻤﺮﺓ ﺩﺗﻴﻠﻴﻔﻮﻥ ﻭ ﻃﻠﺒﺘﻬﺎ ﺗﺼﺒﺮ ﻋﻠﻴﺎ ﻧﻤﺸﻲ ﻧﺠﻤﻊ ﺣﻮﺍﻳﺠﻲ ﻣﻦ ﻟﺒﺮﺗﻮﺵ ﻭﺃﻧﺎ ﻏﺎﺩﻳﺎ ﻣﺪﺍﺗﻠﻲ ﺷﻲ ﺑﺮﻛﺔ ﻗﺎﻟﺘﻠﻲ ﺧﻠﺼﻲ ﺑﻬﺎ ﺩﺍﻛﺸﻲ ﻟﺘﺴﺎﻟﻚ ﻟﻜﺮﺍ ﻏﻲ ﺑﺰﺯ ﺑﺎﺵ ﺧﺪﻳﺘﻬﻮﻡ ﻣﻨﻬﺎ ﻭﺻﻠﺖ ﻟﺒﺮﺗﻮﺵ ﻭﺑﺪﻳﺖ ﺗﻨﺠﻤﻊ ﺣﻮﻳﺠﺎﺗﻲ ﻟﺴﻤﻊ ﺣﻮﺍﻳﺞ ﻫﻨﺎ ﻳﺒﺎﺕ ﻣﺎﻧﻄﺔ ﺧﺎﻧﺰﺓ ﺑﺮﻳﺤﺔ ﻟﻐﻤﻮﻟﻴﺔ ﺣﻴﺘﺎﺵ ﻛﺎﺭﻳﺔ ﺑﻴﺖ ﻣﺎﻭﺻﻼﻫﺶ ﺷﻤﺶ ﻭﺟﻮﺝ ﻛﻴﺴﺎﻥ ﻭﻛﺴﺮﻭﻧﺔ ﻭﺟﻮﺝ ﻋﻮﺍﺷﻖ .. ﻣﺎﻋﺮﻓﺘﺶ ﻋﻼﺵ ﺟﺒﺖ ﻣﻌﺎﻳﺎ ﺟﻮﺝ ﺟﻮﺝ ﻣﻦ ﻟﺤﺎﺟﺔ ﺇﻣﻜﻦ ﻛﻨﺖ ﺗﻨﺘﺴﻨﺎ ﺷﻲ ﺣﺪ ﻳﺠﻲ ﻳﺴﻜﻦ ﻣﻌﺎﻳﺎ ! ﺧﺪﻳﺖ ﻛﺮﻳﻄﻴﻨﺔ ﺻﻐﻴﺮﺓ ﻭﺑﺪﻳﺖ ﺗﻨﺠﻤﻊ ﻓﻴﻬﺎ ﻟﻜﺘﻮﺑﺎ ﻭ ﺭﻭﺍﻳﺎﺕ ﻟﻜﻨﺖ ﺗﻨﻘﺮﺍ ﻳﺎﻣﺎﺕ ﻻﻓﺎﻙ ﻭﻣﻦ ﻭﺳﻂ ﻭﺍﺣﺪ ﺍﻟﺮﻭﺍﻳﺔ ﺩﻳﺎﻝ ﻣﺤﻤﺪ ﺷﻜﺮﻱ ﻟﻘﻴﺖ ﺗﺼﻮﻳﺮﺓ ﺑﻠﻮﻧﻮﺍﺭ ﺍﻟﻮﺍﻟﻴﺪ ﻭ ﺍﻟﻮﺍﻟﻴﺪﺓ ﻧﻬﺎﺭ ﻋﺮﺳﻬﻮﻡ ﺍﻟﻮﺍﻟﻴﺪ ﺿﺎﺭﺏ ﻛﻮﺳﺘﻴﻢ ﻭﻛﺘﺎﻓﻮ ﻋﺮﺍﺽ ﻭﻣﻐﻮﺑﺶ ﺑﺤﺎﻝ ﺩﻳﻤﺎ ﺗﺎ ﻧﻬﺎﺭ ﻋﺮﺳﻮ ﻫﻬﻪ ﺍﻟﻮﺍﻟﻴﺪﺓ ﻻﺑﺴﺔ ﺗﻘﺸﻴﻄﺔ ﻭﻣﺤﺰﻣﺔ ﻭﺩﺍﻳﺮﺍ ﻟﻜﺤﻮﻝ ﺷﺪﺍﺗﻨﻲ ﺍﻟﻀﺤﻜﺔ ﺑﺼﺢ ﻛﺜﺮﺓ ﺍﻟﻬﻢ ﺗﺘﻀﺤﻚ ﻭﺗﺎ ﻭﺍﺣﺪ ﻣﺨﻄﺎﻭﻫﺶ ﻟﻤﺸﺎﻛﻴﻞ
مخطاوهش لمشاكيل ومن بعد ما جمعت كولشي عيط لمول شي عطيتو رزقو وبدا تيحسب فيهوم زرقالاف تنطح زرقالاف بحالا بايعلي بقرة شدهوم وشد من عندي ساروت ومشى بلا مينطق بكلمة درت شيرت علا طاكسي صغير شارجيت دوك لحوايج لكوف وطلعت لطاكسي ريحت لور لقيت شيفور داير برناماج دلكورا تفووو متنحملش حس لكوورة..من نهار كنا فالحصة دصبور لاعبين لفووت مابيا ماعليا تا طيحاتني واحد لبنت وجيت علا كتفي ليمن هزوني ديغيكت لصبيطار الواليدة و الواليدة هبطو لمدينة تيجريو بلا عقلة الواليدة لابسا زيف والواليد لابس كومبليزو زرق ضاربا فيه شمش ونن كثرة تصبين ولا بيض شهرين وأنا شادا لقنت فالدار كرهت راسي فديك لمدة..جبت لكيت من صاك باغا نتمزك لشويا دشرقي تفكرت بلي بورتابلي قريب يديشارجا شويا وصلات طاكسي لمحطة د سلام هبط حويجاتي خلصتو تمشيت وجبت بورتابلي وبديت تنقلب عل نمرتها بين لكونطاكط كنت مسمياها لحاجة حيتاش مقالتش ليا سميتها عيط لها غي قلت ليها راني فلابلاص وطفى تيل متسنيتش بزاف وهي تبانلي جاية سلمات عليا وتمشينا دزنا من حدا حمام الاسرة الغاشي داخل خارج كملنا وطلعنا لواحد لعمارة فطاج ثاني كاينة لبارطما دوزت معاهوم نهار الاول الثاني عادي كانت سميتها عيشة وبنتها فاتحةصراحة وخا ديك لمدة لقصيرة ولفتهوم ولينا بحال رموش تيتلاقاو كل 5 ثواني وبليل تيتعانقو ههه نسيت الهم بمرة كانت تتخليني نحضي لبنت فاش تتكون خارجة بعض لمرات تتغبر نهار كامل وتزيد عليه تا ليل معمرني سولته
يتبع