ﻘﺼﺔ ﺯﻭﻳﻨﺎ ﻭﻓﻴﻬﺎ ﻋﺒﺮﺓ ﻧﺘﻤﻨﻰ ﺗﻌﺠﺒﻜﻢ

ﺳﻤﻌﺖ ﺍﻧﻪ ﻛﺎﻳﻨﺔ ﻣﺒﺎﺭﺍﺓ ﺗﻮﻇﻴﻒ ﺍﻟﻤﻌﻠﻤﻴﻦ...ﺗﻘﺪﻡﺕ ﻭﺑﺮﺿﺎﺓ ﺍﻟﻠﻪ ﻭﻟﻮﺍﻟﻴﺪﻳﻦ ﻧﺠﺤﺖ ﻭﺧﺪﻳﺖ ﺑﻮﺳﺖ ﺩﻳﺎﻝ ﻣﻌﻠﻢ ﻓﻬﺎﺩ ﺍﻟﺒﻼ‌ﺩ ﺍﻟﺴﻌﻴﺪﺓ..ﻫﺎﺩﻳﻚ ﺍﻭﻝ ﻣﺮﺓ ﻛﻨﻔﺮﺡ ﻓﺤﻴﺎﺗﻲ...ﻓﺮﺣﺔ ﻋﻤﺮﻱ!
ﻋﻔﺎ ﻋﻠﻴﺎ ﺍﻟﻠﻪ ﻣﻦ ﺍﻟﺨﺪﻣﺔ ﺩﻳﺎﻝ ﺍﻟﺘﻤﺎﺭﺓ،ﻭﺗﺒﻠﻴﺖ ﺑﺎﻟﺨﺪﻣﺔ ﺩﻳﺎﻝ ﺍﻟﻤﺴﺆﻭﻟﻴﺔ...ﺃﻧﺎ ﻏﻨﻜﻮﻥ ﻣﻌﻠﻢ ﺧﺎﺻﻨﻲ ﻧﻜﻮﻥ ﻣﺜﺎﻝ ﻟﻠﺘﻼ‌ﻣﻴﺬ ﻭﻟﻠﺠﻴﻞ ﺍﻟﻘﺎﺩﻡ...ﻭﻛﺎﻥ ﻣﻨﻲ ﻣﻌﻠﻢ،ﺍﺏ،ﻣﺮﺷﺪ ﻭﺣﺘﻰ ﻣﺮﺑﻲ!!
ﺩﻭﺯﺕ ﻋﺎﻡ ﺩﻳﺎﻝ ﻟﺨﺪﻣﺔ ﻛﺎﻥ ﻣﺰﻳﺎﻥ ﺍﻟﺤﻤﺪ ﻟﻠﻪ...ﻭﺍﺧﺔ ﻛﻨﺖ ﺣﺸﻮﻣﻲ ﻭﺍﻟﺪﺭﺍﺭﻱ ﻓﻴﻬﻢ ﺷﻲ ﺑﺮﺍﻫﺶ ﻛﻴﺒﻐﻴﻮ ﻳﺨﺮﺟﻮ ﻟﻴﺎ ﻟﻌﻘﻞ...ﻛﻨﺮﺟﻊ ﻟﻠﺪﺍﺭ ﻭﺟﺎﻳﺐ ﻣﻌﺎﻳﺎ ﺷﻘﻴﻘﺔ ﺩﻳﺎﻝ ﺍﻟﺪﺭﺍﺭﻱ ﻭﺍﻟﺼﺪﺍﻉ ﺩﻳﺎﻟﻬﻮﻡ ﻣﻦ ﺍﻟﻘﺴﻢ!
ﻛﻨﺖ ﺍﻧﺎ ﻟﻲ ﻛﻨﻘﻮﻡ ﺑﺎﻟﻮﺍﻟﻴﺪ ﻭﺍﻟﻮﺍﻟﻴﺪﺓ..ﻭﻛﻨﺖ ﻛﻨﻌﺎﻭﻧﻬﺎ ﻓﺸﻐﺎﻝ ﺍﻟﺪﺍﺭ..ﺣﺘﻰ ﻭﻻ‌ ﻛﻴﻄﻠﻊ ﻟﻴﻬﺎ ﺍﻟﺪﻡ ﻣﻨﻲ : ﻭﻟﺪﻱ ﺭﺑﻴﻊ ﻭﺍﺵ ﻧﺘﺎ ﺭﺍﺟﻞ ﻭﻻ‌ ﻣﺮﺓ ﻣﻘﺎﺑﻞ ﺍﻟﻄﻴﺎﺏ ﻭﺍﻟﻌﺠﻴﻨﺔ..ﺷﻮﻑ ﻟﻴﻚ ﺷﻲ ﺑﻨﺖ ﺍﻟﻨﺎﺱ ﻟﻲ ﺗﻘﻮﻡ ﺑﻴﻚ...!
ﻛﻨﺤﺪﺭ ﺭﺍﺳﻲ ﻭﻛﻨﻜﻤﻞ ﺍﻟﻄﻴﺎﺏ...ﻭﺃﻧﺎ ﻓﺨﺎﻃﺮﻱ ﻣﻨَْﻴّﺲْ...ﻛﻨﺖ ﺣﺎﻭﻟﺖ ﺷﺤﺎﻝ ﻣﺮﺓ ﻧﺘﻌﺮﻑ ﻋﻠﻰ ﺷﻲ ﺑﻨﺖ ﺍﻟﻨﺎﺱ..ﻟﻲ ﺗﻘﺒﻞ ﺑﺎﻟﻮﺿﻊ ﺩﻳﺎﻟﻲ..ﻭﺗﻘﺒﻞ ﺍﻧﻬﺎ ﺗﻌﻴﺶ ﻣﻊ ﺍﻟﻮﺍﻟﻴﺪ ﻭﺍﻟﻮﺍﻟﻴﺪﺓ..ﻭﺃﻧﺎﻣﺴﺘﻌﺪ ﻧﺘﻬﻼ‌ ﻓﻴﻬﺎ،ﻭﻟﻜﻦ ﻛﻞ ﻭﺣﺪﺓ ﻛﻨﻌﺎﻭﺩ ﻟﻴﻬﺎ ﻋﻠﻰ ﻭﺿﻌﻴﺘﻲ ﻛﺘﻌﻄﻴﻨﻲ ﻭﺍﺣﺪ ﺍﻻ‌ﻣﻞ : ﻛﺘﻘﻮﻟﻲ ﺍﻩ ﻧﺼﺒﺮ ﻣﻌﺎﻙ،ﻧﻮﻗﻒ ﻣﻌﺎﻙ ﻭﺍﻟﻴﺪﻳﻚ ﻫﻮﻣﺎ ﻭﺍﻟﻴﺪﻳﺎ..ﻭﻏﻴﺮ ﻛﻴﺠﻴﻬﺎ ﻣﺎ ﺍﺣﺴﻦ ﻣﻨﻲ ﻛﺘﺨﻠﻴﻨﻲ ﻭﺩﻏﻴﺎ ﻛﺘﺴﻤﺢ ﻓﻴﺎ!
ﻋﺎﺭﻑ ﺭﺍﺳﻲ ﻣﺎﺷﻲ ﺯﻭﻳﻦ ﻭﻻ‌ ﻣﺒﻮڭﺺ..ﻣﺎﺷﻲ ﻻ‌ﺑﺎﺱ ﻋﻠﻴﺎ،ﻭﻟﻜﻦ ﺍﻟﺤﻤﺪ ﻟﻠﻪ ﻗﺎﺩﺭ ﻧﻬﺰ ﺭﺍﺳﻲ..ﺩﺍﻛﺸﻲ ﻋﻼ‌ﺵ ﻣﻌﻤﺮﻧﻲ ﺗﺠﺮﺃﺕ ﻧﺸﻮﻑ ﻓﺸﻲ ﺑﻨﺖ ﺯﻭﻳﻨﺔ ﺑﺰﺍﻑ ﻭﻻ‌ ﻧﺒﻐﻲ ﺷﻲ ﻭﺣﺪﺓ ﺍﻋﻠﻰ ﻣﻨﻲ..ﻛﻨﺖ ﺩﻳﻤﺎ ﻛﻨﺤﺎﻭﻝ ﻧﺮﺗﺎﺑﻂ ﺑﻠﻲ ﺗﻨﺎﺳﺒﻨﻲ ﻭﺗﻘﺒﻞ ﺗﻌﻴﺶ ﻣﻌﺎﻳﺎ...ﻭﻟﻜﻦ ﺩﺍﺑﺎ ﻓﻘﺪﺕ ﺍﻻ‌ﻣﻞ ﻭﺍﺧﺔ ﻟﻮﻗﺖ ﻭﻟﻌﻤﺮ ﻛﻴﺪﻭﺯ ﺑﺎﻟﺰﺭﺑﺔ...!
ﻭﺍﺣﺪ ﺍﻟﻨﻬﺎﺭ ﻣﺸﻴﺖ ﻧﺠﻴﺐ ﻟﻮﺍﻟﻴﺪﺓ ﻣﻦ ﺍﻟﺤﻤﺎﻡ..ﺗﺴﻨﻴﺘﻬﺎ ﻗﺪﺍﻡ ﺍﻟﺒﺎﺏ ﺑﺎﺵ ﻧﻬﺰ ﻟﻴﻬﺎ ﺍﻟﺴﻄﻮﻝ..ﺧﺎﺭﺟﺔ ﻭﻛﻀﺤﻚ
ﻗﻠﺖ ﻟﻴﻬﺎ : ﺑﺎﻟﺼﺤﺔ ﺍﻟﺘﺤﻤﺤﻴﻤﺔ،ﻳﺎﻙ ﻻ‌ﺑﺎﺱ ﻫﻪ ﻛﻀﺤﻜﻲ !
ﻗﺎﻟﺖ ﻟﻲ ﺣﺘﺎﻝ ﺍﻟﺪﺍﺭ ﻭﻧﻌﻤﺮﻭ ﺑﺮﺍﺩ ﺍﺗﺎﻱ ﻭﻧﻌﺎﻭﺩ ﻟﻴﻚ!......


ڭﺴﻠﻨﺎ ﺗﺤﻂ ﺑﺮﺍﺩ ﺍﺗﺎﻱ ﻭﺍﻟﺼﻴﻨﻴﺔ ﻭﺍﻟﻮﺍﻟﻴﺪﺓ ﻛﺘﻀﺤﻚ ﺑﻮﺣﺪﻫﺎ ﻭﻛﺘﺸﺮﺏ ﺑﺸﻮﻳﺔ!
ﺍﻟﻮﺍﻟﻴﺪﺓ ﺍﺵ ﻛﺎﻳﻦ ،ﻳﺎﻙ ﻻ‌ﺑﺎﺱ ﻣﻦ ﺍﻟﺼﺒﺎﺡ ﻭﻧﺘﻲ ﺿﺤﻜﻲ ﺑﻮﺣﺪﻙ ..ﻫﺪﺭﻱ!
ﺩﺍﺭﺕ ﻋﻨﺪﻱ : ﺍﻳﻮﺍ ﺍﻭﻟﻴﺪﻱ ﺍﺵ ﻏﻨﻘﻮﻟﻴﻚ ﻛﻨﺖ ﻛﻨﺘﺤﻤﺤﻢ،،ﻛﺎﻧﺖ ﺣﺪﺍﻳﺎ ﻭﺍﺣﺪ ﻟﻤﺮﺍﺓ ..ﺩﺧﻼ‌ﺕ ﻭﺍﺣﺪ ﺍﻟﺒﻨﺖ ﺗﺒﺎﺭﻙ ﺍﻟﻠﻪ ﺍﻟﺰﻳﻦ ﻭﺍﻟﻄﻮﻟﺔ ﻭﺍﻟﺘﺠﺮﻳﺪﺓ،ﺣﻜﺎﺕ ﻟﻴﻬﺎ ﺩﻫﺮﻫﺎ،ﻭﺑﻼ‌ﻣﺎﻧﻄﻞﺑﻬﺎ ﺩﻭﺯ ﻋﻠﻰ ﺿﻬﺮﻱ ،،ﻗﺎﻟﺖ ﻟﻲ ﺍﻟﺤﺎﺟﺔ ﻧﺪﻭﺯ ﻟﻴﻚ ﻋﻠﻰ ﺿﻬﺮﻙ؟
ﺷﻔﺖ ﻓﺎﻟﻮﺍﻟﻴﺪﺓ ﻭﺃﻧﺎ ﺑﺪﺍﺕ ﻛﺘﺒﺎﻥ ﻟﻴﺎ ﻓﻜﺮﺓ ﻋﻠﻰ ﻟﻮﺿﻮﻉ : ﻭﻧﺘﻲ ﻃﺒﻌﺎ ﻗﻠﺘﻲ ﻟﻴﻬﺎ ﺍﻩ ﻭﺩﻭﺯﺍﺕ ﻟﻴﻚ ﻋﻠﻰ ﻇﻬﺮﻙ!
ﺑﺪﺍﺕ ﻛﻀﺤﻚ : ﺍﻳﻪ ﺁﻳﻪ ،ﺿﺮﺑﺎﺕ ﻟﻴﺎ ﻭﺍﺣﺪ ﺍﻟﺤﻜﺔ ﺍﻟﻠﻪ ﻳﻌﻄﻴﻬﺎ ﺍﻟﺼﺤﺔ،،ﺑﻘﻴﺖ ﻧﺪﺍﻋﺎ ﻣﻌﺎﻫﺎ ﺣﺘﻰ ﺑﺪﺍﺕ ﺑﻐﺎﺕ ﺗﺒﻜﻲ!!
ﺗﺪﻫﺸﺖ: ﻭﻋﻼ‌ﺵ ﺑﻐﺎﺕ ﺗﺒﻜﻲ؟
ﺍﻭﻟﺪﻱ ﺍﺭﺑﻴﻊ : ﻣﺴﻜﻴﻨﺔ ﻫﻴﺎ ﻳﺘﻴﻤﺔ ﻭﻣﺮﺑﻴﺎﻫﺎ ﻫﺎﺩﻳﻚ ﻟﻤﺮﺓ،،ﻭﺭﺍﻧﻲ ﻫﺪﺭﺕ ﻣﻌﺎﻫﺎ ﺍﻳﻼ‌ ﻛﺎﻥ ﻧﺼﻴﺐ ﺗﺰﻭﺝ ﺑﻴﻬﺎ!
ﺧﻼ‌ﺗﻨﻲ ﻛﻨﺸﻮﻑ،،ﺍﻟﻮﺍﻟﻴﺪﺓ ﺑﻐﻴﺘﻲ ﺗﺨﻄﺒﻲ ﻟﻴﺎ ﺑﻨﺖ ﻋﺠﺒﺎﺗﻚ ﻏﻴﺮ ﺑﺎﻟﺘﺪﻭﻳﺰﺓ ﻟﻲ ﺣﻜﺎﺕ ﻟﻴﻚ ﻋﻠﻰ ﻇﻬﺮﻙ!ﻻ‌ ﺍﻧﺎ ﺧﺼﻨﻲ ﻧﻌﺮﻑ ﻭﺍﺵ ﺗﺼﻼ‌ﺡ ﻟﻴﺎ ﻭﻼ‌ ﻻ‌ !!
ﺗﻘﻠﻘﺎﺕ ﻣﻨﻲ ﺍﻟﻮﺍﻟﻴﺪﺓ ﻭﺩﺍﺭﺕ ﻟﺪﻳﻚ ﺍﻟﺠﻴﻪ ﻭﻫﺰﺍﺕ ﺍﺗﺎﻱ ﻛﺘﺸﺮﺏ ﻭﻫﻲ ﻣﻘﻠﻘﺔ!
ﻣﺎﻛﻨﺘﺶ ﻧﻔﺴﻴﺎ ﻣﺴﺘﻌﺪ ﻟﻠﺰﻭﺍﺝ..ﻛﻨﺖ ﺩﻳﻤﺎ ﻛﻨﺘﻤﻨﻰ ﻧﺘﻼ‌ﻗﻰ ﻣﻊ ﺷﻲ ﺑﻨﺖ ﻓﻈﺮﻭﻑ ﺯﻭﻳﻨﺔ..ﻧﺒﻐﻴﻬﺎ ﻭﺗﺒﻐﻴﻨﻲ ﺩﺍﻛﺸﻲ ﺩﻳﺎﻝ ﺣﺐ ﻣﻦ ﺍﻟﻨﻈﺮﺓ ﺍﻼ‌ﻭﻟﻰ...ﻣﺎﺷﻲ ﻣﻦ ﺍﻟﺤﻤﺎﻡ!
ﻓﻮﺿﺖ ﺍﻣﺮﻱ ﺍﻟﻠﻪ ﻭﺑﺪﻳﺖ ﻧﺤﺰﺭ ﻓﺎﻟﻮﺍﻟﻴﺪﺓ : ﺍﻩ ﺻﺎﻓﻲ ﺍﻳﻤﺘﺎ ﻏﺎﺩﻳﺎ ﺗﻤﺸﻲ ﺗﺸﻮﻓﻴﻬﺎ؟ !

ﻣﺸﺎﺕ ﺍﻟﻮﺍﻟﻴﺪﺓ ﺩﻳﺎﻟﻲ ﺗﺸﻮﻑ ﻫﺎﺩ ﺍﻟﺒﻨﺖ ﻫﻲ ﻭﺧﻮﺍﺗﺎﺗﻲ..ﻣﺎﻋﺎﺭﻑ ﻋﻠﻴﻬﺎ ﻭﺍﻟﻮ،،ﻻ‌ ﺳﻤﻴﺘﻬﺎ،ﻻ‌ ﺷﺤﺎﻝ ﻓﻌﻤﺮﻫﺎ..ﺍﻟﺼﺮﺍﺣﺔ ﻛﻨﺖ ﻛﻨﺘﻤﻨﺎ ﺑﺤﺎﻝ ڭﺎﻉ ﺍﻟﻨﺎﺱ ﺗﻜﻮﻥ ﺯﻭﻳﻨﺔ..ﻭﺍﺧﺔ ﺃﻧﺎ ﻣﺎﻛﻨﺤﻤﺮﺵ ﻟﻮﺟﻪ،،،ﻭﺗﻜﻮﻥ ﻋﺎﻗﻠﺔ ﻭﻣﺴﺘﻮﻯ ﺗﻌﻠﻴﻤﻲ..ﻻ‌ﻥ ﺍﻧﺎ ﻭﺍﺧﺔ ﻋﺸﺖ ﻓﻤﺴﺘﻮﻯ ﻣﺎﺩﻱ ﺿﻌﻴﻒ،،ﻛﻨﺖ ﺩﻳﻤﺎ ﻛﻨﻄﻮﺭ ﻋﻘﻠﻲ ﻭﻛﻨﺮﻓﻊ ﻣﻦ ﺍﻟﻤﺴﺘﻮﻯ ﺩﻳﺎﻟﻲ..ﻻ‌ﻥ ﻫﺎﺩﺷﻲ ﻣﻦ ﻣﺘﻄﻠﺒﺎﺕ ﺍﻟﺤﻴﺎﺓ!
ﻳﺠﻌﻮ ﺧﻮﺍﺗﺎﺗﻲ ﻭﺍﻟﻮﺍﻟﻴﺪﺓ..ﻛﻨﺘﺲﻧﺎﻫﻢ ﻳﻬﺪﺭﻭ ﻋﻠﻴﻬﺎ ..ﻣﺎﺟﺒﺪﻭﻫﺎﺵ، ،ﺳﺎﻛﺘﻴﻦ ﻭﻛﻴﺘﻬﺎﻣﺴﻮ ﺑﻴﻨﺎﺗﻬﻢ..!
ﻣﺎﻗﺪﺭﺗﺶ ﻧﻬﺪﺭ ﻭﻧﺠﺒﺪ ﺍﻟﻤﻮﺿﻮﻉ..ﻭﺧﺎﺻﺔ ﺍﻧﻨﻲ ﻛﻨﺤﺸﻢ ﻣﻦ ﺍﻟﻮﺍﻟﻴﺪﺓ...ﻭﺍﺧﻲﺭﺍ ﻗﺎﻟﺖ ﻟﻲ: ﺳﻤﻴﺘﻬﺎ ﺳﻤﻴﺔ ﻭﻋﻨﺪﻫﺎ 25 ﺳﻨﺔ..ﺑﻨﺖ ﺍﻟﻨﺎﺱ ﻇﺮﻳﻔﺔ ﻭﺯﻭﻳﻨﺔ..ﺧﺎﺻﻚ ﻏﻴﺮ ﺗﻬﻼ‌ ﻓﻴﻬﺎ! ﺍﻳﻮﺍ ﺍﺵ ﻗﻠﺘﻲ ﻧﻤﺸﻴﻮ ﻧﻬﺎﺭ ﺍﻟﺠﻤﻌﺔ ﻓﻠﻌﺸﻴﺔ ﺗﺸﻮﻓﻬﺎ ﻭﺗﺸﻮﻓﻚ!
ﻗﻠﺖ ﻟﻴﻬﺎ : ﺍﻟﻠﻲ ﺩﺭﺗﻴﻬﺎ ﺍﻟﻮﺍﻟﻴﺪﺓ ﻳﺎﻙ ﻋﺠﺒﺎﺗﻚ؟ﺍﻳﻮﺍ ﺻﺎﻓﻲ !
ﺑﺪﺍﺕ ﻛﺘﻀﺤﻚ : ﻫﻬﻪ ﺣﺘﻰ ﺍﻳﻼ‌ ﺷﻔﺘﻴﻬﺎ ﺍﺗﻌﺠﺒﻚ!
ﻧﻀﺖ ﻭﺣﺪﺭﺕ ﺭﺍﺳﻲ ﻭﺧﺮﺟﺖ..ﻣﺴﻤﻌﺘﺶ ﻋﻠﻴﻬﺎ ﺑﺰﺍﻑ،ﺭﺳﻤﺖ ﻟﻴﻬﺎ ﻣﻴﺔ ﺻﻮﺭﺓ ﻓﺨﻴﺎﻟﻲ..ﻭﻛﻨﺤﺲ ﻣﺘﻮﺗﺮ.
ﺟﺎ ﻧﻬﺎﺭ ﺍﻟﺠﻤﻌﺔ..ﺩﻭﺷﺖ ﻭﻭﺟﺪﺕ ﺭﺍﺳﻲ..ﻭﺑﺎﻟﻲ ﺍﻟﻨﻬﺎﺭ ﻛﺎﻣﻞ ﻭﻫﻮ ﻣﺸﻐﻮﻝ...ﻫﺰﻳﻨﺎ ﺩﺍﻛﺸﻲ ﻟﻲ ﻏﻨﺪﻳﻮ ﻋﻠﻰ ﻗﺪ ﺍﻟﺤﺎﻝ ﻭﻋﻠﻰ ﻗﺪ ﺟﻴﺒﻲ ﻟﻠﺨﻄﺒﺔ!
ﺩﺧﻠﻨﺎ ﻟﻠﺪﺍﺭ...ﺗﺮﺩﺩﺕ ﻗﺪﺍﻡ ﺍﻟﺒﺎﺏ ﻭﺃﻧﺎ ﺑﺎﻗﻲ ﻣﺎﻣﺘﻴﻘﺶ ﺭﺍﺳﻲ ﻏﻨﺪﺧﻞ ﻣﻦ ﻫﺎﺩ ﻟﺒﺎﺏ ﺯﻭﻓﺮﻱ ﻭﻏﻨﺨﺮﺝ ﺑﺨﺎﺗﻢ ﻓﺎﻳﺪﻱ..
ﺑﻘﻴﻨﺎ ڭﺎﻟﺴﻴﻦ ﻣﻊ ﺍﻟﻤﺮﺍﺓ ﻟﻲ ﻣﺮﺑﻴﺎﻫﺎ...ﻓﻴﻬﺎ ﻛﺜﺮﺓ ﻟﻬﺪﺭﺓ،ﻣﺂﺑﻐﺎﺗﺶ ﺗﻘﺎﺩﺍ ﻭﻼ‌ ﺗﺴﻜﺖ..ﻛﻠﺸﻲ ﻫﺪﺭﺍﺕ ﻋﻠﻴﻪ،،ﻋﺎﻭﺩﺍﺕ ﻟﻴﻨﺎ ﻋﻠﻰ ﺣﻴﺎﺗﻬﺎ ﻭﺍﻟﺠﻴﺮﺍﻥ ﻭﻋﻠﻰ ﺭﺍﺟﻠﻬﺎ ﻭﺑﻨﺎﺗﻬﺎ ﻭﻭﻼ‌ﺩﻫﺎ...ﻭﻧﻘﺰﺍﺕ ﻟﻠﺴﻴﺎﺳﺔ!
ﻭﺃﻧﺎ ڭﺎﻟﺲ ﺍﻟﺸﻴﺊ ﺍﻟﻮﺣﻴﺪ ﻟﻲ ﻗﺪﺕ ﻧﺘﺄﻣﻠﻮ ﻫﻮﻣﺎ ﻟﺤﻴﻮﻁ..ﻭﻛﻨﺪﻳﺮ ﺭﺍﺳﻲ ﺭﺍﻧﻲ ﻣﻬﺘﻢ ﺑﺪﺍﻙ ﺍﻟﺘﻌﺎﻭﻳﺪ ﺩﻳﺎﻟﻬﺎ!
ﻭﺣﺘﻰ ﻭﺍﺣﺪ ﻣﻘﺪﺭ ﻳﻬﺪﺭ ﻭﻳﻮﻗﻒ ﺩﻳﻚ ﺍﻟﻜﺎﺳﻴﻄﺔ ﻟﻲ ﺳﺎﺭﻃﺔ..ﺣﺘﻰ ﺑﺎﻧﺖ ﻟﻴﺎ ﻟﺒﻨﺖ ﺧﺎﺭﺟﺔ ﻣﻨﻬﺎ ﻟﺮﺍﺳﻬﺎ..ﺑﺎﻟﺴﻴﻒ ﻏﺘﻜﻮﻥ ﻋﻴﺎﺕ ﺳﺎﻋﺔ ﻭﻧﺺ ﻭﻫﻴﺎ ﻣﺨﺒﻴﺔ ﻛﺘﺴﻨﺎ ﻓﺎﻟﻤﺮﺍﺓ ﺗﻌﻴﻂ ﻟﻴﻬﺎ..
ﻟﻤﺤﺎﺗﻬﺎ ﻋﻴﻨﻲ ﻓﺎﺵ ﻛﺎﻧﺖ ﺟﺎﻳﺔ ﻣﻦ ﻟﻤﺮﺡ ﻭﻓﺎﺵ ﺩﺧﻼ‌ﺕ ﻣﻊ ﺍﻟﺒﺎﺏ ﺩﻳﺎﻝ ﺍﻟﺼﺎﻟﺔ...ﺣﺴﻴﺖ ﺑﺎﻟﻮﻗﺖ ﻭﻗﻒ..ﻭﻗﻠﺒﻲ ﻛﻴﻀﺮﺏ ﻭﻫﻲ ﻛﺘﻤﺸﻰ ﺑﺎﻟﻤﻬﻞ ﺑﺜﻮﺑﻬﺎ ﺍﻼ‌ﺑﻴﺾ ﻟﻲ ﺍﻃﺮﺍﻓﻮ ﻣﺬﻫﺒﺔ!
ﺍﻣﻢ ﺯﻭﻳﻨﺔ،،ﻃﻮﻳﻠﺔ ﻭ ﺳﻤﺮﺍﺀ ...ﺑﻘﻴﺖ ﻏﻴﺮ ﻣﺘﺒﻌﻬﺎ ﺑﻌﻴﻨﻲ،،ﻭﻫﻲ ﻣﺎﻫﺰﺍﺗﺶ ﻋﻴﻨﻴﻬﺎ ﺗﺸﻮﻑ ﻓﻴﺎ!
ﺩﺧﻼ‌ﺕ ﺑﺪﺍ ﻛﺘﺴﻠﻢ،،ﻭﻗﻔﺎﺕ ﻗﺪﺍﻣﻲ ﻭﻫﻲ ﺣﺎﺩﺭﺓ ﺭﺍﺳﻬﺎ..ﺑﺼﻮﺕ ﻣﺎﻣﺴﻤﻮﻋﺶ : ﺍﻟﺴﻼ‌ﻡ
ﺟﺎﻭﺑﺘﻬﺎ : ﻋﻠﻴﻜﻢ ﺍﻟﺴﻼ‌ﻡ
ﻣﺸﺎﺕ ڭﻠﺴﺎﺕ ﺣﺪﺍ ﺍﻟﺴﻴﺪﺓ ﻟﻲ ﻣﺮﺑﻴﺎﻫﺎ..
ﺑﻘﻴﺖ ﻛﻨﺤﺎﻭﻝ ﻧﻄﻞ ﻋﻠﻴﻬﺎ ﻭﻟﻜﻦ ﻣﻘﺪﺭﺗﺶ ﻧﺒﻘﺎ ﻧﺸﻮﻑ ﻓﻴﻬﺎ ﻭﺳﻂ ﻣﻦ ﺍﻟﺠﻤﺎﻫﻴﺮ ﻟﻲ ﻛﺎﻧﺖ ﺣﺎﺿﺮﺓ!
ﺑﻘﻴﺖ ﺣﺎﺩﺭ ﺭﺍﺳﻲ ﻭﻛﻨﺴﻤﻊ ﻟﺼﻮﺗﻬﺎ ﻭﻫﻲ ﻛﺘﻬﻀﺮ ﻣﻊ ﺍﻟﻮﺍﻟﻴﺪﺓ...
ﻗﺎﻟﺖ ﻟﻴﻬﺎ : ﻭﻫﺎﻧﺘﻲ ﺍﺑﻨﺘﻲ ﻫﺎ ﻭﻟﺪﻱ ﺭﺑﻴﻊ ﺷﻔﺘﻴﻪ،ﻳﺘﻬﻼ‌ ﻓﻴﻚ ﻭﻳﻠﻲ ﺑﻐﻴﺘﻴﻬﺎ ﻳﺪﻳﺮ ﺟﻬﺪﻭ ﻳﺠﻴﺒﻬﺎ ﻟﻴﻚ،،ﺗﻌﻴﺸﻲ ﻣﻌﺎﻩ ﻓﺎﻟﻬﻨﺎ ﻭﺣﻨﺎ ﻧﺎﺱ ﻣﻌﻘﻮﻟﻴﻦ..ﺍﺵ ﻗﻠﺘﻲ؟
ﺳﻜﺘﺎﺕ ﻭﺳﻜﺎﺗﻬﺎ ﻭَﺗّﺮﻧﻲ...ﻣﺎﻋﺮﻑﺗﺶ ﻭﺍﺵ ﻋﺠﺒﺘﻬﺎ ﻛﻮﺭﺍﻩ ﻏﺘﻘﻮﻝ ﻣﻊ ﺭﺍﺳﻬﺎ ﺍﻧﺎ ﻧﺴﺘﺎﻫﻞ ﻣﺎﺣﺴﻦ!
ﺑﺪﻳﺖ ﻛﻨﺴﻤﻊ ﺍﻟﺰﻏﺎﺭﻳﺖ ﻭﺿﺤﻜﺖ ﻓﺎﺵ ﺗﻔﻜﺮﺕ ﺍﻟﺴﻜﻮﺕ ﻋﻼ‌ﻣﺔ ﺍﻟﺮﺿﻰ!....

• 
  ﻗﺮﻳﻨﺎ ﻟﻔﺎﺗﺤﺔ ﻭﻋﻤﻠﻨﺎ ﺍﻟﻮﺍﺟﺐ!
  ﺳﻠﻤﺖ ﻋﻠﻴﻬﺎ ﺑﺎﻳﺪﻱ ﻭﺃﻧﺎ ﺗﺎﻳﻪ ﻓﻌﻴﻨﻴﻬﺎ ﻣﺎﺑﻐﻴﺘﺶ ﻧﺮﺟﻊ ﻟﺪﺍﺭﻧﺎ..ﻛﻮﻥ ﻏﻴﺮ ﺩﺭﺑﻨﺎ ﺍﻟﺼﺪﺍﻕ ﻟﻴﻮﻡ ..
  ﻓﻌﻼ‌ ﺩﺍﺯﺕ ﺍﻳﺎﻡ ﻗﻠﻴﻠﺔ ﻭﺿﺮﺑﻨﺎ ﺍﻟﺼﺪﺍﻕ..ﻭﻻ‌ﻧﻨﻲ ﻣﻦ ﺍﻟﻨﺎﺱ ﺍﻟﻤﺤﺎﻓﻈﻴﻦ ﻭﺣﺘﺎ ﻫﻮﻣﺎ ﺩﺍﺭﻫﻢ ﻧﺎﺱ ﻣﺤﺎﻓﻈﻴﻦ ﻣﺎﻛﻨﺎﺵ ﻧﻘﺪﺭﻭ ﻧﺨﺮﺟﻮ ﻭﻧﻬﺪﺭﻭ ﺍﻟﺮﺍﺱ ﻓﺎﻟﺮﺍﺱ..ﻧﻬﺎﺭ ﻧﺒﻐﻲ...
  خرجت من الخدمة عيان،،الدراري قلبو ليا راسي...ماكيخدموش ليا التمارين ...حلفت فيهم نهار التنين ندير ليهم امتحان على غفلة!
  دخلت للدار ،،شعلت التلفازة،دخلت لبيت النعاس لقيت حوايج الدار واجدين،بدلت حوايجي،،ودخلت للكوزينة !
  نحط غداتي!كندور فالدار وكنغني كاظم الساهر ...عمرني قدرت نغني قدام حتى واحد ..
  حيدت الساعة من ايديا والتيليفون حطيتهم فوو لميدة ومشيت نجيب لغدا من الكوزينة!
  جبت شلاضة حطيتها فوق الطبلة ،،مابانش لي التيليفون والساعة،،بديت كندور اه بانو ليا فوق التلفازة...واه انا حطيتهم فوق الطبلة بايدي..قلت ايمكن مع العيا كتوقع..
  مشيت رجعت نجيب لخبز ولغدا رجعت لقيت التيليفون والساعة فوق لميدة وطبسيل ديال شلاضة فوق التلفزة..هنا بداني الرعب واش انا بوحدي فدار ولا معايا لبراني..حطيت لخبزولغدا وبديت كندور فالدار وكنعيط سمية سمية...حتى واحد ماكيجاوب..طلعت حتال السطح ونزلت مالقيت حتى حد رجعت لقيت الطبسيل ديال لغدا ماكاينش فوق لميدة..صافي هنا بغا يخرج ليا لعقل...بديت كنقرا لقرآن وكنقول اعوذ بالله من الشيطان الرجيم !!يالاه غنجد التيليفون نعيط لسمية وهي تخرج لي من تحت لميدة ودارت واحد لغوتة مشيت نسخف فشلات ليا الركابي..حتى تلاحيت فوق السداري وشديت فراسي !
  
  
• 
  
  وهي كتموت بالضحك!!! حتى لهضرة بالصدمة مقدرتش نهضر..شديتها كتفتها : واش تسطيتي ولا باغية تساليهم ليا! واش نتي بعقلك زعما اش قلت ليك متبقايش ديري ليا هاد لقوالب
  هي عاد مازادت كتضحك : وا غير قلت نضحكو شوية...!
  دفعتها : نتي ضحكي وأنا نمشي فيها،،هادا راه ماشي ضحك عندك راه شي نهار غتصفيها لي..
  جبدات الطبسيل من تحت لميدة..ويالاه تغدا!
  مقدرتش نتغدا بالفقصة: قلت ليها تعاودي ديري بحال هكا نسيفطك لداركم
  حدرات راسها وقالت لي واخة مانعاودتش!
  تغدينا وأنا كنخنزر فيها...: منين كتجيبي هاد لفعايل؟وكيفاش طاحت ليك فبالك!
  بقات حادرة راسها : ونتا مكتبغيش تضحك معايا،وفاش كنمل كنبغي نتفلا معاك!
  
  
  
  

الى عجباتكم وشفت تشويق ههه نكمل

شكرا حبيبة كمليها

ﻗﻠﺖ ﻟﻴﻮﻡ ﻧﻀﺤﻚ ﺣﺘﻰ ﺃﻧﺎ ﺑﺎﻟﻀﺤﻚ ﺩﻳﺎﻟﻬﺎ...ﻣﺸﻴﺖ ﻛﺘﺒﺖ ﻓﻮﺭﻗﺔ : ﺳﻤﻴﺔ ﺃﻧﺎ ﻣﺒﻘﻴﺘﺶ ﻧﻘﺪﺭ ﻧﻌﻴﺶ ﻣﻌﺎﻙ...
ﺣﻄﻴﺘﻬﺎ ﻓﻮﻕ ﺍﻟﻨﺎﻣﻮﺳﻴﺔ ﺑﺎﺵ ﻏﻴﺮ ﺩﺧﻞ ﻭﺗﻘﺮﺍﻫﺎ..ﻃﻔﻴﺖ ﺍﻟﻀﻮ ﻭﺗﺨﺸﻴﺖ ﻓﻠﺒﻼ‌ﻛﺎﺭ ﺑﺤﺎﻝ ﺷﻲ ﺩﺭﻱ ﺻﻐﻴﺮ ﺣﺘﻰ ﺍﻧﺎ ﻭﺭﻳّﺤْﺖ ﻛﻨﺘﺴﻨﺎ ﻓﻴﻬﺎ ﺗﺠﻲ ..ﻭﺃﻧﺎ ﻛﻨﺘﺨﻴﻞ ﻭﺟﻬﻬﺎ ﻛﻴﻐﻴﻜﻮﻥ ﻓﺎﺵ ﻏﺘﻘﺮﺍ ﺍﻟﺮﺳﺎﻟﺔ،ﻭﻓﺎﺵ ﻧﺨﺮﺝ ﻧﺨﻠﻌﻬﺎ..
ﺑﻘﻴﺖ ڭﺎﻟﺲ ﻓﺎﻟﻈﻼ‌ﻡ ﻛﻨﺘﺴﻨﺎ ﻭﻫﻲ ﺑﺎﻗﻲ ﻣﺴﻤﻌﺖ ﺣﺴﻬﺎ..
ﻋﻴﻴﺖ ﻭﺃﻧﺎ ﻧﺨﺮﺝ ...ﻣﺸﻴﺖ ﻛﻨﺘﺴﻠّﺖ ﻣﻊ ﺍﻟﺤﻴﻂ ﺣﺘﻰ ﻭﺻﻠﺖ ﻟﻜﻮﺯﻳﻨﺔ،ﻃﻠﻴﺖ ﻋﻠﻴﻬﺎ ﻟﻘﻴﺘﻬﺎ ﺳﺎﻻ‌ﺕ ﻭﻏﺎﺗﺨﺮﺝ،ﺭﺟﻌﺖ ﻛﻨﺠﺮﻱ ﻟﻠﺒﻴﺖ ﻭﻋﺎﻭﺩ ﺗﺨﺒﻴﺖ ﻓﺎﻟﺒﻼ‌ﻛﺎﺭ ﻭﺭَﺩٍﻳﺖ ﻋﻠﻴﺎ ﻟﺒﺎﺏ ..ﻣﺨﺒﻲ ﻭﺣﺎﺑﺲ ﺍﻟﻀﺤﻜﺔ...ﻛﻨﺴﻤﻊ ﻓﻴﻬﺎ ﺟﺎﻳﺔ ﻭﺃﻧﺎ ﻛﻨﺘﺴﻨﺎ ﻏﻴﺮ ﺍﻳﻤﺘﺎ ﺗﺪﺧﻞ ﻟﻠﺒﻴﺖ
ﺩﺧﻼ‌ﺕ..ﻃﻠﻴﺖ ﻋﻠﻴﻬﺎ ﻣﻦ ﺟﻨﺐ ﺑﺎﻧﺖ ﻟﻴﺎ ﻛﺘﻘﺮﺍ ﻓﺎﻟﻮﺭﻗﺔ ﻻ‌ﺣﺘﻬﺎ ﻭﻗﺎﻟﺖ : ﺳﻴﺮ ﻣﺠﻴﺔ ﺑﻼ‌ ﺭﺟﻌﺔ ﺷﻜﻮﻥ ﻋﻘﻞ ﻋﻠﻴﻚ!
ﻛﻴــ...ﻛﻴﻔﺎﺵ ﻣﺸﻴﺔ ﺑﻼ‌ ﺭﺟﻌﺔ.؟ ﻫﻴﺎ ﻣﺎﻟﻬﺎ ﻣﺎﻓﻬﻤﺖ ﻭﺍﻟﻮ..ﻣﺎﺗﺨﻠﻌﺎﺕ ﻣﺘﺼﺪﻣﺎﺕ ..ﺑﻐﻴﺖ ﻧﺨﺮﺝ ﻟﻴﻬﺎ ﻣﻦ ﺍﻟﺒﻠﻜﺎﺭ ﻭﻫﻲ ﺗﺠﻲ ﺗﺪﻓﻊ ﺍﻟﺒﺎﺏ ﺿﺮﺑﺎﺗﻨﻲ ﻟﻠﺮﺍﺱ ﻭﺳﺪّﺍﺕ ﻋﻠﻴﺎ..
ﺑﻘﻴﺖ ﻛﻨﻐﻮﺕ ﻭﺍ ﺳﻤﻴﺔ ﻫﺎﺩﻳﻚ ﻟﺤﻤﻘﺔ ﻭﺣﻠﻲ ..ﻭﺭﺍﻧﻲ ﻏﻨﺘﺨﻨﻖ!!ﻫﺪﺭﺍﺕ ﻣﻌﺎﻳﺎ ﻣﻦ ﻭﺭﺍ ﻟﺒﺎﺏ : ﺣﺘﺎ ﺍﻟﻀﺤﻚ ﻣﺘﻌﺮﻑ ﻟﻴﻪ ﺟﻲ ﻭﻛﻮﻥ ﻗﻮﺍﻳﻠﺒﻲ،،ﻫﺎﻧﺎ ﻧﻤﺸﻲ ﻧﺘﻔﺮﺝ ﻓﺸﻲ ﻓﻴﻠﻢ ﺍﻳﻼ‌ ﺧﺮﺟﺘﻲ ﺟﻲ ﺗﻔﺮﺝ ﻣﻌﺎﻳﺎ ﻫﺎﻧﺎ ﻏﻴﺮ ﻓﺎﻟﺼﺎﻟﺔ!
ﺑﻘﻴﺖ ﻛﻨﻐﻮﺕ ﻭﻧﻀﺮﺏ ﻓﺎﻟﺒﺎﺏ ﻭﻧﺘﺤﻠﻒ ﺣﺘﻰ ﺳﺨﻔﺖ..ﺑﻘﻴﺖ ڭﺎﻟﺲ ﻭﻛﻨﺘﻐﺪّﺩ :ﺣﺘﻰ ﻧﺨﺮﺝ ﻭﺍﻟﻠﻪ ﺣﺘﻰ ﻧﺴﺪ ﻋﻠﻴﻬﺎ ﺳﻴﻤﺎﻧﺔ..ﻭﻃﻠﻊ ﻟﻴﺎ ﺍﻟﺪﻡ!
ﺧﻼ‌ﺕ ﺣﺘﻰ ﺩﺍﺯﺕ ﺷﻲ ﻧﺺ ﺳﺎﻋﺔ،ﺗﻤﺎﺕ ﺟﺎﻳﺔ ﺳﻤﻌﺘﻬﺎ ﺣﻼ‌ﺕ ﻟﺒﺎﺏ ﻭﺃﻧﺎ ﻧﺪﻳﺮ ﺭﺍﺳﻲ ﺳﺨﻔﺖ!
ﻓﺎﺵ ﺣﻼ‌ﺕ ﻟﻘﺎﺗﻨﻲ ﻣﺮﺧﻲ ﻭﻣﻐﻤﺾ ﻋﻴﻨﻴﺎ : ﺭﺑﻴﻊ ﻳﺎﻻ‌ﻩ ﺧﺮﺝ...ﺭﺑﻴﻊ!
ﻣﺎﻛﻨﺠﺎﻭﺑﺶ ﻭﻣﺎﻋﺮﻓﺘﺶ ﻛﻴﻔﺎﺵ ﺣﺘﻰ ﻗﺪﺭﺕ ﻧﺘﺤﻜﻢ ﻓﺎﻟﻀﺤﻜﺔ!ﺣﺴﻴﺖ ﺑﻴﻬﺎ ﺑﺪﺍﺕ ﻛﺘﺨﻠﻊ ..
ﻗﺎﻟﺖ ﻟﻲ: ﺭﺑﻴﻊ ﻓﻴﻖ..ﺭﺑﻴﻊ ﺟﺮﺍﺗﻨﻲ ﻛﺮﻛﺒﺎﺗﻨﻲ ﻣﻊ ﺍﻻ‌ﺭﺽ ﺗﻘﺴّﺤْﺖْ ﻭﻟﻜﻦ ﻣﻌﻠﻴﺶ ﻗﻠﺖ ﻧﺰﻳﺪ ﻧﺨﻠﻌﻬﺎ ﺷﻮﻳﺔ..ﻣﺸﺎﺕ ﺧﺮﺟﺎﺕ ﻛﺘﺠﺮﻱ ﻣﻦ ﺍﻟﺒﻴﺖ..ﻭﺃﻧﺎ ﺑﺎﻗﻲ ﺩﺍﻳﺮ ﻓﻴﻬﺎ ﻣﻮﺗﺔ ﺣﻤﺎﺭ!
ﺍﻳﻮﺍ ﻭﺃﻧﺎ ﻣﻐﻤﺾ ﻋﻴﻨﻴﺎ ﻭﻣﺮﺧﻲ ..ﺧﻮﺍﺕ ﻋﻠﻴﺎ ﻗﺮﻋﺔ ﺩﻳﺎﻝ ﻟﻤﺎ ﺑﺎﺭﺩ ﻣڭﻼ‌ﺻﻲ ﺣﺘﻰ ﻗﻔﺰﺕ ﻣﻦ ﺑﻼ‌ﺻﺘﻲ: ﺧﻨﺰﺭﺍﺕ ﻓﻴﺎ...ﺷﻔﺘﻲ ﺿﺤﻜﻚ ﻟﺒﺎﺳﻞ ! ﻧﻮﺽ ﺑﺪﻝ ﺣﻮﻳﺠﻚ!
ﻧﻀﺖ ﻟﻴﻬﺎ ﺷﺪﻳﺖ ﻟﻴﻬﺎ ﻟﻘﺮﻋﺔ ﻭﻓﺰڭﺘﻬﺎ...ﻣﺎﻋﻤﺮﻫﺎ ﻛﺎﻧﺖ ﻟﻴﺎ ﻭﻣﻌﻤﺮﻧﻲ ﻟﻌﺒﺖ ﺑﻮﻫﻴﺮﻭﺯ ﻣﻊ 11 ﺩﻳﺎﻝ ﺍﻟﻠﻴﻞ ﺍﻟﺪﺍﺭ ﻛﺎﻣﻼ‌ ﻓﺰّڭﻨﺎﻫﺎ ﺻﺪﻗﻨﺎ ﻣﻄﻠﻌﻴﻦ ﻟﺤﻮﺍﻳﺞ ﻭﻟﻤﺎﻧﻄﺎﺕ ﻣﻊ ﺍﻟﻠﻴﻞ ﻛﻨﺸﺮﻭ ﻭﻛﻨﻘﻔﻘﻔﻮ ﺑﺎﻟﺒﺮﺩ!
ﺷﺒﻌﻨﺎ ﺿﺤﻚ...ﺳﻮﻟﺘﻬﺎ ﻣﻨﻴﻦ ﻛﻴﺠﻴﻮﻙ ﻫﺎﺩ ﺍﻻ‌ﻓﻜﺎﺭ!!
ﺷﺎﻓﺖ ﻓﻴﺎ ﺑﻔﺨﺮ : ﺧﺎﺻﻚ ﺗﻜﻮﻥ ﻛﺘﻌﺮﻑ ﺗﻤﺜﻞ،،ﻧﺘﺎ ﻣﺘﻌﺮﻑ ﺣﺘﻰ ﺩﻳﺮ ﻣﻮﺗﺔ ﺣﻤﺎﺭ...!
ﻗﻠﺖ ﻟﻴﻬﺎ ﻭﻟﻜﻦ ﺃﻧﺎ ﻣﻘﻠﻖ ﻣﻨﻚ ،ﻋﻼ‌ﺵ ﻓﺎﺵ ﻗﺮﻳﺘﻲ ﺍﻟﺮﺳﺎﻟﺔ ﻗﻠﺘﻲ : ﺳﻴﺮ ﺑﻼ‌ ﺭﺟﻌﺔ ..
ﺑﺪﺍﺕ ﻛﺘﻀﺤﻚ...ﻭﺍ ﻛﻨﺖ ﻋﺎﻳﻘﺔ ﺑﻠﻲ ﺩﺍﻳﺮﻫﺎ ﺑﻠﻌﺎﻧﻲ ﻋﺎﺭﻓﺎﻙ ﻛﺘﺒﻐﻴﻨﻲ ﻭﻣﺘﻘﺪﺭﺵ ﺗﻘﻮﻟﻬﺎ،،ﻭﻳﻼ‌ ﺩﺭﺗﻴﻬﺎ ﻏﺘﻜﻮﻥ ﻏﻴﺮ ﺑﺎﻏﻲ ﺿﺤﻚ ﻣﻌﺎﻳﺎ!

ﻗﺎﻟﺖ ﻟﻲ : ﺭﺍﻩ ﺷﻔﺖ ﺧﻴﺎﻟﻚ ﻓﺎﺵ ﻛﻨﺘﻲ ﻛﻄﻞ ﻋﻠﻴﺎ ﻓﺎﻟﻜﻮﺯﻳﻨﺔ،ﻗﻠﺖ ﻣﻊ ﺭﺍﺳﻲ ﻫﺬﺍ ﻣﺎﻟﻮ ﻛﻴﺘﺴﻠّﺖ ﻓﺪﺍﺭﻭ ﺑﺤﺎﻝ ﺷﻲ ﺷﻔﺎﺭ..ﻃﻠﻴﺖ ﻋﻠﻴﻚ ﻣﻦ ﻟﻤﺮﺡ ﺑﻨﺘﻲ ﻟﻴﺎ ﺩﺧﻠﺘﻲ ﻟﻠﺒﻴﺖ..ﻭﻓﺎﺵ ﺩﺧﻠﺖ ﺩﻭّﺭﺕ ﻋﻴﻨﻴﺎ ﻋﻘﺖ ﺑﻴﻚ ﻣﺨﺒﻲ ﻓﺎﻟﺒﻼ‌ﻛﺎﺭ!..ﻭﺯﺍﻳﺪﻭﻥ ﺍﻳﻼ‌ ﺑﻐﻴﺘﻴﻨﻲ ﻧﺘﻴﻖ ﺩﻳﻚ ﺍﻟﺮﺳﺎﻟﺔ ﺧﺼﻚ ﺗﻜﺘﺒﻬﺎ ﻭﺗﺨﺮﺝ ﻓﺤﺎﻟﻚ،،ﻣﺎﺷﻲ ﺗﺒﻘﺎ ﻓﺎﻟﺪﺍﺭ..
ﺑﻘﻴﺖ ﻛﻨﺸﻮﻑ ﻭﻛﻨﻀﺤﻚ...ﻫﻪ ﺍﻟﻀﺤﻚ ﺗﺎﻫﻮ ﺑﺤﺴﺎﺏ!ﻫﻬﻪ ﻭﻣﻦ ﺗﻤﺎ ﻗﻠﺖ ﺑﻼ‌ﻣﻨﺤﺎﻭﻝ ﻧﻀﺤﻚ ﻣﻌﺎﻫﺎ ﻻ‌ﻧﻲ ﻏﺎﺩﻱ ﻏﻴﺮ ﻧﺸﻮﻩ!
ﺑﻘﺎﺕ ﻛﺘﻌﺎﻭﺩ ﻟﻴﺎ ﻋﻠﻰ ﻟﻘﻮﺍﻟﺐ ﻟﻲ ﻛﺎﻧﺖ ﻛﺪﻳﺮ،ﻣﻦ ﻭﻫﻴﺎ ﺻﻐﻴﺮﺓ..ﺣﻤﻘﺎﺕ ﻋﺒﺎﺩ ﺍﻟﻠﻪ..ﺍﻟﺴﻴﺪﺓ ﻟﻲ ﻣﺮﺑﻴﺎﻫﺎ ﻛﺎﻧﺖ ﻛﻄﻠﺐ ﻣﻌﺎﻫﺎ ﺍﻟﺸﺮﻉ ...ﻗﺎﻟﺖ ﻟﻲ ﻫﺎﺩﺷﻲ ﻓﻴﻬﺎ ﻣﻦ ﻭﻫﻲ ﺻﻐﻴﺮﺓ...ﻭﻟﻜﻦ ﺍﻟﺼﺮﺍﺣﺔ ﻭﺍﺧﺔ ﻛﻄّﻴْﺮﻭ ﻟﻴﺎ ﻓﺎﻻ‌ﻭﻝ ﻛﻠﺸﻲ ﻛﻴﺮﺟﻊ ﺿﺤﻚ ﻓﺎﻟﺘﺎﻟﻲ...ﺍﻳﻤﻜﻦ ﺑﻬﺎﺩ ﺍﻟﻀﺤﻚ ﺍﻟﻤﺨﻮﺭﺝ ﺩﻳﺎﻟﻬﺎ ﻭﺭﻭﺣﻬﺎ ﺍﻟﻤﺮﺣﺔ ﺧﻼ‌ﺗﻨﻲ ﻧﺘﻌﻠﻖ ﺑﻴﻬﺎ ﻛﻞ ﻧﻬﺎﺭ..ﻭﻧﻔﻜﺮ ﻓﻴﻬﺎ ﺍﻛﺜﺮ..ﻭﻧﻬﺰ ﻟﻬﻢ ﻛﺜﺮ ...!

ﺩﺍﺯﺕ ﺍﻳﺎﻡ ﺟﻤﻴﻠﺔ ﻋﺸﺘﻬﺎ ﻣﻊ ﺍﻧﺴﺎﻧﺔ ﻣﻌﻤﺮﻧﻲ ﻋﺮﻓﺘﻬﺎ،ﻭﻟﻜﻦ ﻛﻠﺸﻲ ﻓﻴﻬﺎ ﻋﺠﺒﻨﻲ ﻭﺍﺧﺔ ﻛﺎﻥ ﺿﺤﻜﻬﺎ ﺧﺎﻳﺐ ﻭﻛﻴﺨﺮﺝ ﻟﻴﺎ ﻟﻌﻘﻞ ﻛﺎﻥ ﻛﻴﻌﺠﺒﻨﻲ ،،ﺑﻴﻨﻲ ﻭﺑﻴﻦ ﺭﺍﺳﻲ ﻛﻨﺒﻘﺎ ﻧﻀﺤﻚ..!
ﻗﺮﺑﺎﺕ ﻟﻮﺍﻟﻴﺪﺓ ﺩﻳﺎﻟﻲ ﺗﺠﻲ..ﻭﺳﻤﻴﺔ ﻭﻻ‌ﺕ ﻣﺸﻄﻮﻧﺔ ﻣﻊ ﺍﻟﺘﻮﺟﺎﺩ،ﻛﻞ ﻧﻬﺎﺭ ﻛﻨﺖ ﻛﻨﺪﺧﻞ ﻛﻨﻮﺟﺪ ﻧﻔﺴﻴﺘﻲ ﻟﺸﻲ ﺑﻼ‌ﻥ ﺗﻜﻮﻥ ﺩﻳﺮﺍﻩ ﻟﻴﺎ...ﻭﻟﻴﺖ ﻛﻨﺪﻭﺭ ﻓﺠﻨﺎﺑﻲ ﻭﺭﺍﺩ ﻟﺒﺎﻝ ﻣﻊ ﺭﺍﺳﻲ،،ﻭﻟﻜﻦ ﻫﺎﺩ ﺍﻻ‌ﻳﺎﻡ ﻭﻻ‌ﺕ ﻣﺪﻫﻴﺔ ﻣﻊ ﻟﺤﻠﻮﻯ،،ﺗﻮﺟﺎﺩ ﻻ‌ﺳﺘﻘﺒﺎﻝ ﻟﻌﺎﺋﻠﺔ ﺩﻳﺎﻟﻲ ﻟﻲ ﻏﺘﺠﻲ ﻣﻦ ﺍﻟﺤﺞ..
ﺗﻌﺸﻴﻨﺎ ﻭﺳﺎﻟﻴﻨﺎ...ﻛﺎﻧﺖ ﻫﺪﺍﻙ ﺍﻟﻨﻬﺎﺭ ﻋﻴﺎﻧﺔ..ﺑﻘﺎﺕ ﻓﻴﺎ،ﻗﻠﺖ ﻟﻴﻬﺎ ﻧﻌﺎﻭﻧﻚ،ﺟﻴﺖ ﻧﻌﺎﻭﻥ ﺭﻭﻧﺖ ﻟﻴﻬﺎ ﻛﻠﺸﻲ،،ﻭﻻ‌ﺕ ﻛﺘﻘﻮﻟﻲ ﻋﻄﻴﻨﻲ ﺑﺎﻟﺘﻴﺴﺎﻉ ﻭﺍﺵ ﻣﺤﺮﺷﻚ ﻋﻠﻴﺎ ﺷﻲ ﺣﺪ ،،ﻣﺎﻟﻘﻴﺖ ﺑﺎﺵ ﻧﺠﺎﻭﺏ ﻃﻠﻊ ﻟﻴﺎ ﺍﻟﺪﻡ،ﺧﻠﻴﺘﻬﺎ ﻭﺍﺣﻠﺔ ﻓﺪﺍﻛﺸﻲ ﻭﻣﺸﻴﺖ ﻧﻌﺲ!
ﺩﺧﻼ‌ﺕ ﻭﻧﻌﺴﺎﺕ ﻧﻌﺴﺔ ﻭﺣﺪﺓ...ﻭﺃﻧﺎ ﺑﻘﻴﺖ ﻛﻨﺪﻭﺭ ﻓﻌﻴﻨﻴﺎ...ﻣﻌﺮﻓﺘﺶ ﺍﺵ ﻗﺎﻟﻴﺎ ﺭﺍﺳﻲ،ﻣﺠﻴﺖ ﺟﺒﺪﺕ ﺍﻳﺰﺍﺭ ﻭﺩﺭﺗﻮ ﻋﻠﻰ ﺭﺍﺳﻲ ﻃﻔﻴﺖ ﺍﻟﻀﻮ ﻭﻭﻗﻔﺖ ﻋﻠﻰ ﺭﺍﺳﻬﺎ!
ﻛﻨﺤﺮﻛﻬﺎ ﻣﻦ ﻛﺘﻔﻬﺎ،،ﻭﻏﻠﻀﺖ ﺻﻮﺗﻲ : ﺳﻤﻴﺔ..ﺳﻤﻴﺔ..ﺷﻤﻲﻳﻴﺔ ﻧﻮﺿﻲ !
ﺣﻼ‌ﺕ ﻋﻴﻨﻴﻬﺎ: ﻟﻘﺎﺗﻨﻲ ،،ﺗﻜﻤﺸﺎﺕ ﻓﺎﻟﻤﺎﻧﻄﺔ ..ﻭﻛﺘﺠﺒّﺪ ﺍﻳﺪﻳﻬﺎ ﻓﺎﻟﺠﻴﻬﺔ ﻟﻲ ﻛﻨﻌﺲ ﻛﺘﻘﻠﺐ ﻋﻠﻴﺎ..!
ﻗﻠﺖ ﻟﻴﻬﺎ : ﺟﻤﻌﻲ ﺍﻳﺪﻳﻚ،ﻧﺘﻲ ﺩﺍﺑﺎ ﺭﺍﻙ ﻓﺎﻟﻤﻨﺎﻡ...
ﺑﻘﺎﺕ ﻛﺘﺸﻮﻑ ﻓﻴﺎ: ﺍﻟﺘﺴﻠﻴﻴﻢ ﺍﺳﻴﺪﻱ !
ﻗﻠﺖ ﻟﻴﻬﺎ : ﻧﺘﻲ ﻣﻜﺪﻳﻬﺎﺵ ﻓﺮﺍﺟﻠﻚ ﻟﻴﻮﻡ ﻣﻬﺪﺭﺗﻴﺶ ﻣﻌﺎﻩ ﻣﺰﻳﺎﻥ ،ﻧﻮﺻﻴﻚ ﻭﺻﻴﺔ ﺗﻬﻼ‌ﻱ ﻓﻴﻪ ﺭﺍﻩ ﻭﻟﺪ ﺍﻟﻨﺎﺱ ﻭﻭﻟﺪ ﻟﺨﻴﺮ
ﺟﺮّﺍﺕ ﻋﻠﻴﺎ ﻟﻴﺰﺍﺭ : ﻏﺪّﻭﺯ ﺗﺮڭُﺪ ﻻ‌؟، ﺭﺟﻌﺎﺕ ﻟﻤﺎﻧﻄﺔ ﺩﻳﺎﻟﻬﺎ ﺑﻘﻴﺖ ﻭﺍﻗﻒ ﻓﺒﻼ‌ﺻﺘﻲ ﻣﺼﺪﻭﻡ ﻣﺎﻋﺮﻓﺖ ﻣﺎﻧﻘﺪﻡ ﻭﻻ‌ ﻣﻨﻮﺧﺮ،،ﺃﻧﺎ ﺑﺮﺍﺳﻲ ﺗﺨﻠﻌﺖ..ﻟﺤﺖ ﻟﻴﺰﺍﺭ ﺭﺟﻌﺖ ﻟﺒﻼ‌ﺻﺘﻲ ﻭﺑﺪﻳﺖ ﻛﻨڭﺮ : ﻭﺟﺒﺪﻱ ﻋﻠﻴﻚ!
ﺟﺮﺍﺕ ﻟﻤﺎﻧﻄﺔ : ﺍﻫﻨﻴﻨﺎ،ڭﺎﻟﻴﻚ " ﻧﺘﻲ ﺭﺍﻙ ﻓﺎﻟﻤﻨﺎﻡ " ﺭﺍﻩ ﻋﻴﺎﻧﺔ ﻭﺩﺍﺭﻧﻲ ﺭﺍﺳﻲ!
ﻧﻌﺴﺎﺕ ﻭﺃﻧﺎ ﺑﻘﻴﺖ ﺣﺎﻝ ﻋﻴﻨﻴﺎ..ﻃﺎﻟﻊ ﻟﻴﺎ ﺍﻟﺪﻡ،ﺷﻮﻳﺔ ﻛﻨﺴﻤﻊ ﺍﻟﺘﻘﺮﻗﻴﺐ : ﺳﻤﻴﺔ ﺳﻤﻴﺔ ﻧﻮﺿﻲ..
ﻧﺎﺿﺖ ﻣﺸﻌﻨﻨﺔ،ﻣﺎﺑﻐﻴﺘﻴﺶ ﺗﺨﻠﻴﻨﻲ ﻧﻌﺲ،ﻣﺎﻣﺎﻙ ﺟﺎﻳﺔ ﺑﻌﺪ ﻏﺪﺍ ﻭﻓﺮﺍﺳﻲ ﻣﻴﺔ ﻣﻄﺮﻗﺔ ﻟﻠﻪ ﻳﺨﻠﻴﻚ ﻟﻤﺎ ﺧﻠﻴﻨﻲ ﻧﺮﺗﺎﺡ ﻏﻴﺮ ﻫﺎﺩ ﻟﻴﻠﺔ!
ﻗﻠﺖ ﻟﻴﻬﺎ: ﻭﺍﻟﻠﻪ ﻟﻌﻈﻴﻢ ﻟﻜﻨﺴﻤﻊ ﺍﻟﺘﻘﺮﻗﻴﺐ...ﻗﻄﻌﻦﺍ ﻟﺤﺲ ﻛﻨﺴﻤﻌﻮ ﺷﻲ ﺣﺪ ﻛﻴﺠﺮﻱ ﻓﻮﻕ ﻣﻦ ﺍﻟﺴﻄﺢ،،ﻗﺎﻟﺖ ﻟﻲ ﻧﻮﺽ ﻧﻄﻠﻮ..ﻣﺎﻗﺪﺭﺗﺶ ﻭﻟﻜﻦ ﺍﻧﺎ ﺭﺍﺟﻞ ﺧﺎﺻﻨﻲ ﻧﻜﻮﻥ ﺯﺍﻋﻢ،،ﻫﺰﻳﺖ ﻭﺍﺣﺪ ﻟﺤﺪﻳﺪﺓ ﻭﻫﻲ ﻫﺎﺯﺓ ﺻﻨﺪﺍﻟﺘﻬﺎ ﻭﻃﺎﻟﻌﺔ ﻣﻦ ﻭﺭﺍﻳﺎ ﺗﺎﺑﻌﺎﻧﻲ..ﻭﻛﻨﻬﺪﺭﻭ ﺑﺸﻮﻳﺔ :
ﻭﺗّﻲ ﺭﺟﻌﻲ ﻭﺳﺪﻱ ﻋﻠﻴﻚ ﻟﺒﺎﺏ
ﻛﺘﺪﻓﻌﻨﻲ :ﺷُﺖْ ﻛﺘﻐﻮﺕ ﻫﺪﺭ ﺑﺸﻮﻳﺔ ﻏﻴﺮ ﺳﻴﺮ!
ﻭﺍﻟﻮ ﻣﺎﺑﻐﺎﺗﺶ ﺗﺴﻤﻊ..ﺩﺧﻠﻨﺎ ﻟﻠﺒﻴﺖ ﺩﻳﺎﻝ ﺍﻟﺴﻄﺢ ﻟﻘﻴﻨﺎ ﺷﻔﺎﺭ ﻛﻴﻔﺼﻞ ﻓﺎﻟﻤﺎﻛﻴﻨﺔ ﺩﻳﺎﻝ ﺍﻟﺼﺎﺑﻮﻥ ﺑﺎﻏﻲ ﻳﺴﺮﻗﻬﺎ..!

ﻏﻮﺗﺎﺕ ﺳﻤﻴﺔ : ﻭﺍﻋﺒﺎﺩ ﺍﻟﻠﻪ ﻭﺷﻔﺎﺭ ﻭﺷﻔﺎﺭ
ﻛﻨﺪﻓﻌﻬﺎ : ﻭﺗﻲ ﺳﻜﺘﻴﻨﺎ ! ﺩﺍﺭ ﻋﻨﺪﻧﺎ...ﻳﺎﻻ‌ﻩ ﺑﻐﺎ ﻳﻬﺮﺏ ﺗﻼ‌ﺣﺖ ﻋﻠﻴﻪ ﺳﻤﻴﺔ ،،ﺍﻟﺴﻴﺪﺓ ﻛﺎﻧﺖ ﺣﺪﺍﻳﺎ ﻭﺍﻗﻔﺔ،،ﻧﺰﻻ‌ﺕ ﻋﻠﻴﻚ ﻫﺎﻙ ﺑﺎﻻ‌ﻙ ﻫﺎﻙ ﺑﺎﻻ‌ﻙ ﻋﻠﻰ ﺍﻟﺮﺍﺱ ﺣﺘﻰ ﺩﺍﺥ ﺍﻟﺴﻴﺪ ﻛﻴﻐﻮﺕ،،ﻭﺃﻧﺎ ﺑﻘﻴﺖ ﻭﺍﻗﻒ ﺗﻠﻔﺖ ،،ﻛﺘﻘﻮﻟﻴﺎ ﻭﺍ ﺭﺑﻴﻊ ﻭﺟﻲ ﻋﺘﻖ..ﻭﺃﻧﺎ ﻣْﺪَﻫْﺸﺮ ﻣﺎﻋﺮﻓﺖ ﻓﻴﻦ ﺗﺒﻠﻴﺖ...ﺯﻓّﺎﺕ ﻋﻠﻴﺎ ﺑﺼﻨﺪﺍﻟﺘﻬﺎ : ﻭﺍﺻڭﻊ ﻛﺘﻔﺮﺝ ﺯﻳﺪ ﻛﺘﻔﻮ!ﺩﻓﻌﻬﺎ ﻃﺎﺣﺖ ﻓﺎﻻ‌ﺭﺽ ﻣﻘﺪﺭ ﻳﻮﻗﻒ ﻣﺴﻜﻴﻦ ﻋﻠﻰ ﺭﺟﻠﻴﻪ ﻛﻠﻮ ﻣﺪڭﺪڭ ﻭﺍﻗﻒ ﻭﻛﻴﺘﻬﺎﻣﻰ ! ﻭﺑﺎﻏﻲ ﻳﻬﺮﺏ ﻭﻛﻴﺠﺮ ﻓﺮﺟﻠﻴﻪ ﻧﺎﺿﺖ ﻟﻴﻪ ﺗﺎﻧﻲ ﻭﻧﺰﻻ‌ﺗﻮ ﻟﻼ‌ﺭﺽ ﻭﺑﺎﺭﻛﺔ ﺗﻌﻄﻴﻪ ﻓﻠﻌﺼﻰ ﻭﺣﺘﺎ ﺍﻧﺎ ﻧﺰﻟﺖ ﻋﻠﻴﻚ ﺑﻘﺘﻠﺔ ﺩﻳﺎﻝ ﻟﻌﺼﺎ ﺣﺘﻰ ﺑﻜّﻴﻨﺎﻩ ﻭﻭﻟﻰ ﺑﺎﻏﻲ ﻳﻄﻠﺐ ﺍﻟﺴﻼ‌ﻛﺔ ﻭﻟﻜﻦ ﺷﺪﺍﺗﻮ ﺳﻤﻴﺔ ﻣﺎﺧﻼ‌ﺕ ﻓﻴﻪ ﻏﻴﺮ ﻟﻴﻨﺴﺎﺕ.ﺗﺠﻤﻌﻮ ﺍﻟﺠﻴﺮﺍﻥ ﻭﻛﺘﻔﻨﺎﻩ ﻛﻨﺘﺴﻨﺎﻭ ﻓﺎﻟﺒﻮﻟﻴﺲ..ﻭﻫﻲ ﻛﻞ ﺳﺎﻋﺔ ﺗﻨﺰﻝ ﻋﻠﻴﻪ ﻋﻠﻰ ﺍﻟﺮﺍﺱ : ﻣﺎﺣﺸﻤﺘﻴﺶ ﺗﻔﻴﻘﻨﻲ ﺍﻧﺎ ﻣﻊ ﻧﺺ ﻟﻴﻞ ﻭﻧﻬﺎﺭ ﻛﻠﻮ ﻭﺍﻧﺎ ﻭﺍﻗﻔﺔ،،ﻭﺍﻧﺎ ﻧﻔﻚ ﻭﻫﻲ ﻭﺍﻟﻮ .. ﻣﺨﺸﻴﺔ ﻭﺳﻂ ﻋﺒﺎﺩ ﺍﻟﻠﻪ ﻛﺘﻌﺎﻭﺩ ﻟﻴﻬﻢ ﺍﻟﺘﻔﺎﺻﻴﻞ ﻭﺷﻌﺮﻫﺎ ﻃﺎﻟﻊ ﻟﺴﻤﺎ ﻭﻛﺘﻨﻬﺞ ﻭﺃﻧﺎ ﻛﻨﺠﺮ ﻭﻛﻨﺠﻤﻊ ﻟﻴﻬﺎ ﻓﺸﻌﺮﻫﺎ ﻭﻫﻲ ﻭﺍﻟﻮ..ﻭﻛﺘﺤﻠﻒ ﻋﻠﻰ ﺍﻟﺸﻔﺎﺭ ﻭﻛﺘﻮﺭﻱ ﻟﻨﺎﺱ ﻛﻴﻔﺎﺵ ﺣﺘﻰ ﺷﺪﺍﺗﻮ ﻏﻴﺮ ﻭﺻﻼ‌ﺕ ﻟﺠﺰﺀ ﺩﻳﺎﻟﻲ ﻓﺎﺵ ﻛﻨﺖ ﻭﺍﻗﻒ ﻣﺼﺪﻭﻡ ﻭﺃﻧﺎ ﻧﺨﺮﺝ ﻓﻴﻬﺎ ﻋﻴﻨﻴﺎ ﻏﺪﺧﻠﻲ ﻟﺪﺍﺭﻙ ﻭﻻ‌ ﺷﺒﻐﻴﺘﻲ؛ﻳﺎﻻ‌ﻩ ﺩﻭﺯﻱ ﻗﺪﺍﻣﻲ،،
ﺟﺎﻭ ﻟﺒﻮﻟﻴﺲ ﺩﺍﻭﻩ ﻭﺗﻔﻜﺎﺕ ﺍﻟﺠﻘﻠﺔ..ﻭﻫﻲ ﻭﺍﻟﻮ ﻭﺍﺵ ﺑﻐﺎﺕ ﺗڭﻠﺲ..ﻧﺰﻻ‌ﺕ ﻣﺎﻛﻴﻨﺔ ﺍﻟﺼﺎﺑﻮﻥ ﻭﺳﺪﺍﺕ ﻋﻠﻴﻬﺎ ﻓﻠﺘﺤﺖ ﻟﻲ ﻣﺸﺎﺕ ﻧﻌﺴﺎﺕ!
ﻭﺍﻧﺎ ﺑﻘﻴﺖ ڭﺎﻟﺲ ﻭﻛﻨﺨﻤﻢ ﺑﻴﻤﻦ ﻣﺰﻭﺝ ﺍﻧﺎ ! ﺗﺒﺎﺭﻙ ﺍﻟﻠﻪ ﻫﺎﺩ ﺳﻤﻴﺔ ﻣﺮﺍ ﺩﻳﺎﻝ ﺍﻟﺰﻣﺎﻥ،ﻫﺎﺩﻱ ﻧﺴﺎﻓﺮ ﻭﻧﺨﻠﻴﻬﺎ ﻣﻨﺨﺎﻓﺶ ﻋﻠﻴﻬﺎ ﻓﺎﻳﻘﺔ ﻓﺎﻳﻘﺔ!
ﻛﺎﻥ ﻛﻞ ﻧﻬﺎﺭ ﻛﻨﻌﻴﺸﻮ ﻣﻌﺎﻫﺎ ﻛﻨﺤﺲ ﺑﺮﺍﺳﻲ ﻛﻨﺘﻮﻟﺪ ﻣﻦ ﺟﺪﻳﺪ..ﻛﻴﻌﺠﺒﻨﻲ ﻛﻴﻔﺎﺵ ﻛﺘﻮﻗﻒ ﻣﻌﺎﻳﺎ ﻓﻜﻠﺸﻲ..ﻛﻴﻔﺎﺵ ﻛﺘﻬﻼ‌ ﻓﻮﺍﻟﻴﺪﻳﺎ ﻭﻟﺨﺎﻃﺮ ﻟﻲ ﻋﻨﺪﻫﺎ ...ﻣﺎﻛﻨﺘﺶ ﻛﻨﺤﺘﺎﺝ ﻧﺸﻜﻲ ﻫﻤﻲ ﺑﺎﺵ ﻧﺮﺗﺎﺡ،ﻛﺎﻧﺖ ﻛﺘﻔﻬﻤﻨﻲ ﺑﻼ‌ﻣﻨﻄﻖ ﻭﻛﺘﺴﻤﻌﻨﻲ ﺑﻼ‌ﻣﻨﻬﺪﺭ،،ﻭﻛﺘﻘﺮﺍ ﻛﻼ‌ﻣﻲ ﻣﻦ ﻋﻴﻨﻴﺎ...
<<ﺍﻳﻼ‌ ﻛﺎﻧﻮ ﻓﻌﻼ‌ ﺑﻨﺎﺕ ﺍﻟﻨﺎﺱ ﻗﻼ‌ﻝ ﻛﻴﻔﻤﺎ ﻛﻴﻘﻮﻝ ﺍﻟﺒﻌﺾ ﻓﺎﻧﺎ ﻛﻨﻌﺘﺎﺑﺮ ﻧﻔﺴﻲ ﻣﺤﻈﻮﻅ ﻻ‌ﻧﻲ ﺗﺰﻭﺟﺖ ﺑﺎﺟﻤﻞ ﺍﻧﺴﺎﻧﺔ ﻓﻬﺎﺩ ﺍﻟﺪﻧﻴﺎ>>
ﺍﻟﻨﻬﺎﻳﺔ