بنت الملجأ

نهاد بنت ف العشرينات ..زوينة بزاف جمال مغربي فتان شعر كحل طويل والعينين كحلين فورمة هي هديك ..مشكلتها مسكينة هي الفقر واليتم ..حلات عينيها فدار للأيتام ..عرفات بأنها معندها حد فهاد الدنيا من غير الله ..
وخا هكداك قرات وتفوقات كان كتجيب أحسن المعدلات ..شدات الباك بميزة جيد وفديك الوقيتة تخلا عليها الملجأ..طلبوا منها تقلب على راسها حيت بلاصتها خاصهم يعطيوها لشي يتيم اخر...حسات باحساس خايب هي عاشت هنا قرات هنا نعسات هنا بالنسبة ليها هدا هو العالم ديالها هدي هي حياتها ..العالم الخارجي كان تيخلعها وكايبان ليها بحال شي غابة خايفة توه فيها ...
هزات صاكها وكتوباتها ..سلمات على صحاباتها لي كانوا صغر منها مزال موصلوش السن القانوي بحالها...سلمات على المشرفات دياولها...وعلى مي زهرة ....هاد مي زهرة هي مرا كبيرة كانت مكلفة بالطياب ..كانت مهليا فنهاد وعاطياها الحنان..وكانت نهاد تتعاود ليها كلشي ...عنقاتها نهاد وبقات تتبكي ..عطاتها مي زهرة فيديها ورقة وقالت ليها الى ضاقت بيك الدنيا وتسدات قدامك كاع البيبان سيري لهاد العنوان... خدات منها الورقة وهي كتبكي وتقطع ومي زهرة كتواسيها
مي زهرة:متبكيش ابنتي راه خاصك تخرجي من هنا خاصكي تشوفي الدنيا نتي مزال صغيرة ..
نهادوهي تتبكي)انا معارفا حتى دنيا حليت عينيا هنا وبغيت نموت هنا...
مي زهرة :لاواه ابنتي برا والباس عليك راكي مزال مشفتي والو دابا تخدمي ونتي تبارك الله واخدا الباك بمونسيو و دابا تلقاي ولد الناس ونشوف وليداتك(وهي تتضحك)المهم حتافضي بالعنوان الى ضاقت بيك الدنيا
خرجت نهاد وهي تتجر رجليها حاسة براسها غاديا للمجهول خايفة وتترعد حل ليها العساس الباب الكبير ..دارت وتلفتات تتشوف فلملجأ لاخر مرة......خرجات نهاد ومعارفة فين تمشي ..حياتها تخربقات معارفة لا فين تمشي لا فين تجي ..بقات غاديا وهي كتأمل فالديور والشانطيات والطوموبيلات ..دراري كيشوفوا فيها وهي تتخبى وتتخلع معارفاش علاش....معرفاتش حيت راها زوينة بزاف وخا لابسة واحد الكسوة قديمة وباهتة ..تتبان كيف الوردة..بقان غاديا غاديا جاها الجوع والعيا ...مشات عند واحد مول باتيسري شرات الخبز فيه البيض ومشات لواحد الجردة وجلسات تتاكل...بدا كيظلم الحال حسات بالخوف والخلعة تفكرات فراشها فالملجأ واخا قديم وبالي المهم كانت كتحس فيه بالامان ...حطات وجها بين يديها وبقات تتبكي ...شويا بدا كيبان ليها شي شمكارا داخلين لديك الجردة وهي تهز صاكها وطلقات رجليها للريح...بقات تتجري حتى وصلات للمحطة وهي تقول مع راسها هنا كاينين البوليس مغادي يهضر معايا جتى واحد غاديا نبات هنا والصباح يكون خير..مشات لواحد الكرسي وجلسات ...بدا كيتناص الليل والدنيا تتخوى والخوف كيزيد فيها وبقات تتبكي..واحد شوية واحد اليد حطات على كتافها دارت لقات واحد لمرة زوينة سولاتها المراة:مالكي اختي اشنو واقع ليك تتبكي واش هاربة من داركم.. نهاد:لا ختي (وعاودات ليها قصتها) المرأة:ناري ياختي بقيتي فيا يالله تباتي معايا راه هاد البلاصة خايبة..نهاد طارت بالفرحة مفكراتش عاد ترفض أو تقبل هزات صاكها وتبعات المرأة لي معرفاتش حتى سميتها.مشاو واحد المسافة غير قريبة ووصلوا لواحد الدار قديمة دقات الباب وجاوبها واحد الصوت شكون قالت :حلي غير انا حلات الباب واحد البنت زوينة ودخلات نهاد لقات راسها فواحد الدار كبيرة بحال الرياض وسطها النافورة وشجرة ديال البنان ..وبزاف ديال البنات خرجوا تيشوفوا فيها..تأملات نهاد البنات كلهم تقريبا فنفس سنها زوينات وماكيات ولابسين مزيان حتى المراة لي جابتها زوينه وخا كبيرة عليهم فالسن المرأة:انا ختك نعيمة مرحبا بيك احبيبة دار دارك ديوها البنات تغسل وعطيوها شي حاجة تلبسها.. محسيت بالبنات حتى داروا بيا دخلوني دوش دوشت وعطاوني كندورة لبستاها وجابوني نتعشا نعيمة :تبارك الله وصلى عنبي غزالة تتحمقي حشمت وحدرت راسي نهاد:معمرني نسا خيرك اختي نعيمة دخلتيني من زنقة وحليتي ليا باباك ...صباح اختي نقلب على خدمة ومنبقاش مصدعاك نعيمة:دابا هدي دارك بقاي فيها تيحن عليك الله ..وهاد زين ديالك راه يجيب ليك الدهب والياقوت (وهي تتضحك) وحتا البنات بقاو يضحكوا ..وهي مفهمات والو نعيمة:يالله البنات نشطوا لينا الجو ورحبوا بلالة نهاد داروا الموسيقى وبداوا يشطحوا ويدردكوا ونوضوني نشطح عجبني الحال وتفكرت البنات فالملجأ فاش كنا كنشطحوا...نعيمة حاضياني وتتضحك وفرحانة بيا... طلعوني لواحد لبيت ننعس.. طحت دودة مع العيا كاع محسيت بالدنيا..فاقت نهاد فالصباح لقات الشمس طلعات هبطت لقات لفطور موجدينوا البنات اشمنك يا مسمن اشمنك يا ملاوي الحلاوي على الشكال ..عمرها شافت داكشي غير فالمناسبات والاعياد كانوا المحسنين تيجيبوا ليهم الفطور للملجا...لقات ختي نعيمة(كيف ما كانوا تيعيطوا ليها البنات) تتسناها ..البنات كل وحدة شنو كتدير حادكات تبارك الله ..فطروا وكملوا وسولاتها ختي نعيمة نعيمة:شنو احبيبة ناوية ديري؟ قالت ليها راه عندي الباك بمونسبو مزيان غاديا نمشي نقلب على خدمة نعيمة :اودي هاد البلاد راه الخدمة عير بباك صاحبي ماشي الشواهد مفهماتش هي داكشي حين مزالة نية شرحات ليها نعيمة بلي هاد الوقت تيخدموا غير ولد فلان وفلان وصحاب الشواهد العليا تيتمشوا.. قررات نهاد تجرب حظها وخلاتها نعيمة ..وعطاتها بورطابل باش تبقى معاها على اتصال.. خرجات نهاد وقالت مع راسها شحال ضريفة هاد ختي نعيمة وبنت الناس وحمدات الله حيت لقاتها فطريقها منساش نعيمة عطاتها حوابج زوينين كسوة وبولرو جداد جاو معاها شدات شعرها على شكل ذيل حصان و دارت ليها شوية المكياج حيت الخدمة خاصها المظهر زوين هاكدا قالت ليها نعيمة...هزات شهادة ديالها وخرجات مشات تتقلب على الخدمة وتبارك الله غزالة ...ماشية والناس حاضيينها والولاد لي داز من حداها يقول حاجة... بقات داخلة من مكتب لمكتب شركة لشركة كلهم تيقولوا ليها معندناش الخدمة ولا تيقولوا حتى نعيطوا ليك..حسات بالعيا والحكرة والجوع بقات ماشيا ومحاساش برجليها ..جاية قاطعا الشانطي حسات بواحد الدوخة ..وسمعات الفران ديال واحد الطوموبيل وهي تغوت وطاحت ..خرج منها واحد الشاب ..شافتوا زادت داخت ..طويل ومفتول العضلات عينيه وشعرو كحلين لابس كوستيم كحل ..قرب ليها شمات ريحته لي عمرها تنساها شافت فيه ..ملامحه قاسيين.. الشاب :واش موقع ليك والوا مزيانة.. نهاد: كانت غتقوليه وقعت فحبك وهي تقوليه الحمد لله الشاب: ايوا هاد المرة شوفي مزيان (بنبرة حادة)مشا وخلاها ركب فطوموبيلتوا وخلاها ودا ليها قلبها معاها ..ناضت نفضات كسوتها ومشات غاديا لدار ختي نعيمة ..وصورة ديال داك الشاب ممفرقاش مخيلتها. وصلات نهاد لدار ختي نعيمة تفكيرها كان غير مع فارس الاحلام او الراجل الغامض كيفما وصفاتو وهي تتفكر نضرات ديالو ليها....دقات الباب حلات ليها وحدة من البنات وهي مبتسمة ...دخلات كيف العادة الموسيقى والبنات يضحكوا ..سولاتهم على نعيمة قالوا ليها فبيتها مشات غسلات وجابوا ليها البنات تاكل مصارنها تقطعوا بالجوع من فطورها ماكلات ...شوية ختي نعيمة خرجات من بيتها ومعها واحد الراجل ..شافتهم نهاد واستغربات قالت فنفسها ميحسابليش ختي نعيمة مزوجة...عيطات ليها نعيمة :نهاد جيتي احبيبة أجي سلمي على الحاج سلام ..مشات سلمات عليه وهو بغا ياكلها بعينيه وشاف فنعيمة : هدي هي الفريخة لي قلتي لي نعيمه :هدي هي لاله نهاد ايوا شفتي الزين الحاج:ايوا عندك الصح كاملة مكمولة يا الفريخة (وشاف فنهاد) نهاد دزنكات معمرها تحطات فهاد الموقف مفهكات والو..شكون هاد الراجل لي محملاتش حتى تشوف فيه... مشا الحاج بحالو ودخلوا البيت يتفرجوا شوية البنات تفرقوا بقات غير نعيمة ونهاد نعيمة:امدرا حبيبة نهاد شنو درتي لقيتي الخدمة؟ نهاد:نهار كامل وانا ندور اختي ووالو رجلي تقطعوا غدا ونعاود نجرب حظي وهنا تفكرات الرجل الغامض وابتاسمات... نعيمة شافتها وسولتها مي تهرباتي شوية نهاد تفكرات الحاج لي محملاتوش وسولات نعيمة نهاد:ختي نعيمة شكون داك الحاج واش راجلك؟ نعيمة ضحكات وبزاف وقال ليها ياريت بقات نعيمة تتعاود ليها على الحاج قالت ليها هو من عندنا فالبلاد وهو راجل لباس عليه خانز فلوس عندو شركات ومصانع ... نهاد تهزات:واش يقدر يلقا لي خدمة !!!؟ نعيمة:هداك الى تهليتي فيه ودرتي ليه خاطروا يديرك مديرة نهاد لي مفاهماش سوء النية لي عند نعيمة قالت ليها: راه اختي ندير لي بغا لي معارفاهاش نتعلمها غير نخدم... نعيمة ضحكات :لا متخافيش داكشي ساهل نهاد : عافاك اختي الى مطلبيه ليا عمري ننسا خيرك نعيمة :اليوم بالليل غادي تكون عندنا حفلة والحاج غادي يكون و نقولوها ليه بزوج ولكن لي نقولك ديريها باش يقبل يخدمك نهاد طارت بالفرحة :واخا ختي نعيمة وهي تتخيل راسها خدامة وعندها الفلوس والطومبيل ..وهي تفكر الرجل الغامض وحسات بقلبها تيضرب بجهد نشوفوا شنو غادي يوقع فالحفلة...

قربات الوقيتة ديال الحفلة طلعات نعيمه للبيت عند نهاد وهازا فيديها واحد القفطان موبرا فالحمر طلبات من نهاد تلبسو نهاد لي قالت ليها نبقى غير بالكسوة ديالي... لكن نعيمة لحات عليها وقالت ليها هادشي كامل على وديت الخدمة ..غير سمعات نهاد الخدمة لبساتو جاو البنات قادوا ليها مكياج خفيف وطلقات شعرها ولبسات صباط عالي ..شافت راسها فالمراية وتخلعات واش هي بهاد الجمال كامل ومعارفاش وابتاسمات ..وصلوا المدعوين للحفلة وطلبات منها نعيمة تنزلت..هبطات لقات الرياض لتحت عامر بالرجال وشي بنات وحتى البنات لي فدار معاهم ..وصلات كلشي حل فيها فمو وتيسولوا شكون هاد ي ..دايرة بحال شي عروسة ودخلات للعرس كلشي حاضيها ..بدات تتشوف شي مناظر فشكل الشراب(الكحول)محطوط فالطابلات وكلشي كيشرب حتى البات كيشربوا وكل وحدة مع واحد ..بدات كتشوف ان كل واحد شاد وحدة وماشي بيها لبيت ..بدات الامور كتوضح ليها وحسات براسها تخنقات وبدات تتقلب على نعيمة... نعيمة كانت مع الحاج فالبيت نعيمة:راه البنت بميكتها معمر قاصها حتى واحد ايوا كل حاجة وتمنها الحاج:الاله لي بغيتيه جاك غير تجيني نعيمة:ايوا تعطيني الحاج 3الملاين الحاج:جاتك الالة انا انتسناك تجيبيها ليا نمشيوا الفيلا.. نهاد تتقلب على نعيمة شوية بانت ليها جاية لعندها وتضحك بالغوات مع هدا ومع هدا وتشرب مع هدا ومع هدا ..وصلات لعندها ونهاد تتشوق فيها شوفات خايبين نعيمة:اجي انهاد راه الحاج بغاك نهضروا على الخدمة نهاد تبعاتها وهي تتمنى تخدم باش تمشي بحالها من هاد الدار حيت الجو ديالها ولا موسخ وتيخنقها دخلوا عند الحاج وغمزاته نعيمة:ايوا الحاج متخسرش للالة نهاد خاطرها شوف ليها احسن خدمة وحتى هي راها اتدير ليك خاطر ..ياك انهاد وشافت فيها نهاد:اه اختي نعيمة ..وان شاء الله اي خدمة يقولي لحاج نديرها ضحكوا بزوج وهي مفهماتش علاش دارت عندها نعيمة:ايوا سيري هاد الليلة مع الحاج وغدا تمشي تشوفي خدمتك.. تصدمات نهاد وحسات بالبرودة فرجليها دابا عاد فهمات كلشي ..كلشي كان باين غير هي تتعامى شافت راسها غاديا تمشي للضياع غادي تخسر مبتدئها ..شوية تفكرات الرجل الغامض ودارت عند نعيمة:واخا ختي نعيمة انا انطلع للبيت نبدل عليا ونجي.... نعيمة فرحات هي والحاج وطلبات منو التسبيق لي عطاه ليها وقاليها الباقي حتى للصباح .. طلعات نهاد للبيت لبسات كسوتها القديمة هزات صاكها وهبطات وكانت خايفة يشوفها شي حد..ولكن كان عندها الزهر كلشي كان ملهي فالردائل... خرجات من دار وطلقات رجليها للريح ..بقات تجري تجري بحال الى تابعها شي حد..حتى بعدات بزاف عاد وقفات تتاخد انفاسها وحسات بالفرحة حيت نقدات راسها من ديك الدار.
بقات نهاد ماشية من شارع لشارع زنقة لزنقة ..وحاسة براسها ماشية للمجهول ..معندها لحنين لرحيم فهاد الدنيا... تفكرات نعيمة ودارها والحاج وتفكرات اش كان غادي يوقع ليها ...وحمدات الله حيت نقدها من يديهم...وهنا قررات متبقاش دير التقة فحتى شي حد...خاصها تقصاح مع الدنيا..واول قرار تاخداته هي تقلب على خدمة كيفما كانت....وتفكرات بلي الليل هذا ومعندها فين تبات "الله ياربي أشنو درت فحياتي باش يوقع لي هادشي " تفكرات مها كون كانت معاها ميوقع ليها حتى حاجة ولكن هي متتعرفش والديها ..لي عارفة انهم ماتوا..نزلوا الدموع من عينيها بحال شي شلال...حسات بالجوع بانت ليها واحد المحلبة مشات تاكل شي حاجة ...كلات وسالات وسولات مولاها واش خاصاه شي وحدة تعاونوا... مول المحلبة:شنو تعرفي ديري ؟ نهاد :اي حاجة نديرها مول المحلبة :ايوا سيري والصباح اجي مع 6الصباح الله ياربي فين اتمشي وهي معارفة فين وكعندها حد ..وخايفة حيت لي داز عليها كاع ما ساهل سولات نهاد مول المحلبة واش تقدر تبات فالمحلبة والصباح تبدا الخدمة وطلبات منو يسد عليها الباب من برة الى مكانش تايق فيها... بقى مول المحلبة تيشوف فيها وتيشوف التوسل والانكسار لي فعينيها ..وقاليها تبقى لكن راه غادي يسد عليها حيت مبقات تقة ..غير قاليها التقة وهي تفكر نعيمة ونزلوا دموعها.... فرشات واحد الحصيرة وفرشة بالية فالمخزن ديال المحلبة ..مشا الراجل وسد الباب ..حطات رسها تنعس وحلف نعاس الى جاها ..تتفكر حالها تفكرات ماضيها لي رغم البؤس ديالو كانت حاسة فيه بالامان ..تفكرات حاضرها لي حاسة فيه بالضياع ..وبدات تفكر فالمستقبل شنو مخبي ليها ..وتفكرات الرجل الغامض ..وضحكات وبقات تتخيل راسها معاه عروسة ولابسة كسوة بيضة داها نعاس وهي غارقة فأحلامها الوردية...... شوية وهي فعمق النوم حسات بشي يد كتلمس جسمها..قفزات مذعورة وغوتات ..شكون بعد مني..لقاتو مول المحلبة وهو كيضحك ضحكة شيطانية ..وعينية كيف الدئب لي لقى الفريسة:متخافيش غير تهدني راه غادي نخدمك ونتهالا فيك غوتات نهاد :بعد مني وقرب ليها وبدا تيقيص فيها وهي تتغوت وتدفعوا ولكن هو كان قوي البنية طيحها للارض وهي تتغوت ولكن لا مجيب بقات تتلمس الارض حطات يديها على شي حديدة ..هزاتها بالخف وضرباتو بيها للرا س بكل قوة ..هزات صاكها وهربات وخلاتوا غارق فدمه هزات صاكها وهربات وخلاتو غارق فدمو...خرجات لبرا وهي تتجري ..اه ياربي اش هاد المجتمع ...اش هاد الناس ..واش هذا هو الثمن باش تخدم البنت هذه هي الضريبة ..الشرف..واش الشرف ولا تجارة تيتباع ويتشرى ..تفكرات الملجأ تمنات ترجع ليه..تفكرات فاش مي زهرة كانت كتنصحها باش تحافظ على شرفها حتى تقدمه هدية لراجلها..حيت هي معندها متعطي منغيرو..شوية تفكرات العنوان لي عطاتها مي زهرة..ووصتها باش الى ضاقت بيها الدنيا تمشي ليه...جبداتو من صاكها وقراتو ومشات تتجري للمحطة.. ديك ساعة بدا النهار تيطلع ...مشات سولات على الكار لي تيمشي للرباط قالوا ليها مزال ليه ساعتين ..مشات لحمام المحطة غسلات وتوضات واثار الصدمة مزال عليها ..تفكرات مول المحلبة واش ممكن يكون مات ودعات الله باش كيمحنهاش...مشات لمسجد المحطة صلات ودعات الله يسهل عليها وينور دربها...حسات شوية بالطمأنينة حيت الله لي خلقها مغاديش ينساها.. بقا عندها غير ثمن التذكرة داكشي لاش مقدراتش تفطر واخا كرشها تتقطع بالجوع.. شوية قربات منها واحد المرأة وشادة فيديها مرأة كبيرة مسكينة وسولاتني: واش غادا ابنتي للرباط؟ نهاد(جاوباتها بتخوف) :اه الالة علاش المرأة:واش تقدري ابنتي ترافقي مي حتى توصل للرباط..راها مرة كبيرة وفيها زهايمر وخايفة عليها..راكي اتلقاي ختي تتسناك فالمحطة.. قالت ليها نهاد ماشي مشكل حيت هذا غير عمل دلخير... عطاتها صاك عامر بالماكلة يفطروا بيه..وقطعات ليهم التذاكر بزوج ...فرحات نهاد حيت وفرات عليها ثمن التذكرة..طلعوا للكار شدوا بلاصتهم ..والمرأة تتوصيها على مها باش مطلقهاش حتى تجي ختها..فاش بغا يتحرك الكار عطات المراة 200درهم لنهاد ونزلات مخلاتش ليها الفرصة فين تقبل او ترفض ... خدات نهاد لفلوس ..وفطرات هي والمراة الكبيرةلي كانت متتهضرش بزاف وفتش كتهضر كتسول نهاد شكون نتي ؟ نهاد رتاحت لديك المراة وبقات تعاود ليها قصتها وخا عارفاها غاديا تنسى كلشي لكن بغات تفرغ الهم لي عندها لداخل... وصل بيهم الكار للرباط ..هبطات وهي شادة المراة من يديها وهازا الصيكان باليد الاخرى..بقات واقفة تتسنى تبان بنت المراة لكن مزال مجاتش.. مشات هي وياها لواحد الضليلة وجلسوا تيتسناوا..مكانتش خايفة حيت ديك المراة الكبيرة مونساها...
نهاد فالمحطة كتساين بنت ديك المراة توصل وماباين ليها حتى أثر ...بقاو شي نصف ساعة ..ودارت ابدنيا بنهاد ..أويلي شهاد الكصيبة حطيت راسي فيها واش انا حليت حتى مشاكيلي عاد زدتني لهاد المراة..بقات تتخبط فالافكار ... شوية واحد السيدة جاية تتجري عندهم ...عنقات المراة الكبيرة ..وبقات تقوليها..سمحي لي أماما تعطلت عليك راه خسرات لي طوموبيل وعاد جا الميكانك صاوبها بقات تبوسها وتعنقها وتفرح بيها .... نهاد تنفسات الصعداء عاد ارتاحت..وبقات تشوف فالسيدة كتعنق مها وتبوسها..وقالت مع راسها ياريت كون كانت عندي أم حتى أنا ونزلات دمعة حاولات تخبيها... دارت السيدة عند نهاد باستها وعنقاتها وقالت ليها شكرا أبنتيف رديتي البال على مي لهلا يخطيك جاوباتها نهاد : العفو أخالتي راها بحال جداتي مشاو غاديين جهة السيارة وهنا نهاد بغات تودعهم لكن ديك السيدة أصرت باش توصلها...ركبوا فالسيارة السيدة: انا خالتك سعاد وانتي ابنتي؟ نهاد:سميتي نهاد أخالتي(بخجل) سعاد:عندمن غاديا أبنتي فين نوصلك؟؟ حدرات نهاد راسها ومعرفات ماتقول ..شوية قالت ليها سعاد أتمشي معايا لداري تغداي وديك ساعة نوصلك فين ما بغيتي نهاد تفكرات نعيمة وتقتها فيها وشنو كانت باغيا دير فيها وهي تخاف...ولكن بقات تشوف فسعاد حسات بها طيبة وحنينة ..ومباينش عليها وجه الشر وقررات تمشي تتغدى معاها... وصلوا واحد العمارة زوينة طلعوا فالاسانسير حتى وصلوا للشقة ..حلات سعاد الدار ودخلاتهم سعاد: مرحبا بميمتي الحبيبة..مرحبا ببنتي نهاد زيدي متحشميش دار دارك نهاد:لهلا يخطيك اخالتي سعاد دخلات مها ترتاح ورجعات عند نهاد دخلاتها للحمام غسلات ودخلاتها للصالون ترتاح..الشقة كانت كبيرة والاتات فخم..كل حاجة فبلاصتها... سعاد:منين نتي أبنتي وعندمن جيتي؟؟ نهاد عاودات لسعاد قصتها من أولها حتى لأخرها وهي تتبكي .. عنقاتها سعاد وقالت ليها شحال تعدبتي ابنتي....راه ابنتي هاد الدنيا الى مكنتيش سبع يتكلوك الدياب راه خاصكي تكوني قوية وقاصحة باش تعيش... قالت ليها : اليوم تباتي معايا وغذا يكون خير نهاد:بلا منعدبك اخالتي راه انمشي للعنوان لي عطاتني مي زهرة سعاد :دابا رتاحي وغذا يصبح ويفتح حسات نهاد بحنان سعاد وقالت مع راسها مزال ولاد الناس شوية دخل واحد الراجل وبنت فعمر نهاد بقاو تيشوفوا فيها ...عيطات ليهم سعاد الكوزينة... شوية جات عندي البنت البنت:مرحبا مرحبا بختي نهاد انا صابرينة مرحبا بيك قالت لي ماما اتباتي معانا...غاديا تنعسي معايا فبيتي صابرينة بنت زوينة وضحوكية وحركية منين جات مسكتاتش جا الرجل لي قالت لي صابرينة ها بابا وهو قالي :مرحبا بنتي حطوا الغدا وحسيت براسي وسط عائلتي هوما صراحة فرحوا بيا ورحبوا بيا ولاول مرة كندوق طعم الاسرةحسات نهاد باحساس رائع مع صابرينة ...دغيا تقربوا من بعضياتهم ..وبداوا يعاودوا أسرارهم...وخا عرفات نهاد بنت الملجأ كبرات بيها وحسساتهاش كاع بالنقص... وصلات العشية طلبات صابرينة من نهاد باش يخرجوا يتساراوا ونيت تعرفها على المدينة..ونهاد وافقات وهي فرحانة لانه اول مرة شي واحد يساريها .... خدات صابرينة طوموبيلة ديال ماماها ومشاوا...سارتها الرباط كامل داتها لحسان ولوداية داتها للحديقة العجيبة وبزاف دلبلايص...ونهاد فرحانة ومبهورة عمرها مسكينة مشات لبحال هاد البلايص.... شوية صونا بورتابل صابرينة صابرينة:ألو حبيبو ...حتى انا توحشتك...أوكي ها حنا جايين صابرينة لنهاد:هذا خطيبي عادل راه تيتسنانا فواحد كافي مشاو واحد كافي زوينة بزاف عامرة غير بالكوبل ...دخلوا مشات صابرينة تتجري عند واحد الشاب عنقاتوا ودارت عند نهاد صابرينة:نعرفك على عادل خطيبي راس العام غانديروا العرس... نهاد :متشرفين اخويا ومبروك الله يكمل بالخير صابرينة:هاهي نهاد لي عاودت ليك عليها فتيليفون كيف جاتك عادل :متشرفين اختي ..غزالة تبارك الله ممكن تخطبيها ليا (وهو تيضحك) ضرباتو صابرينة وبقاو يضحكوا ونهاد حشمات صابرين: متديش عليه راه عزيز عليه يتفلا واخا هكدا تنبغيه عادل:أنا لي كنموت فيك ومعرفتش كيف غادي ندير نصبر فاش تسافروا صابرينة:ايوا لحق علينا راه ماشيين غير للشمال ماشي لفرنسا...وهي تتضحك عادل :ايوا الخدمة يا الفاهمة؟ صابرينة:ايوا خود كونجي عادل:علاه معارفاش انني مخلي الكونجي حتى للعرس وشهر العسل( وهو يغمزها) ضرباتو قابت ليه متتحشمش نهاد حاضياهم وتفكرات الرجل الغامض وتمنات شي نهار تلاقاه ويبغيه كيف ما بغاتو من أول نظرة سمعات صابرينة تتعيط صابرينة:فين ساهية ياكما فحبيبك (وتضحك) نهاد حشمات: لا ختي غير سهيت وصافي عادل : شنو تشربوا خداو العصير ...وخرجوا كملوا مسارية ديالهم .. قرب الليل سلمات صابرينة على خطيبها وقاليها نشوفك غدا قبل ما تسافروا... طلعوا للدار لقاو سعاد موجدا ليهم العشا تعشاوا ..ودخلوا لبيت صابرينة ينعسوا.. عرفات نهاد ان الاسرة مسافرين الغد فالعشية ..يعني هي صباح خاصها تمشي..جبدات العنوان ووراتوا لصابرينة ..وطلبات منها توصف ليها العنوان.. قالت ليها صابرينا بأنها غدا غاديا توصلها قبل ماتمشي تودع خطيبها.... بقاو البنات مجمعين ويتعاودوا ويضحكوا..حتى قرب النهار عاد نعسوا... فيقاتهم سعاد حتى ل11 نوضوا البنات تفطروا راه الشمس طلعات نفضوا العكز الكاسولات وهي تتضحك فاقت نهاد وحسات بحال الى فيقاتها ماماها..شوية وفاقت صابرينة وهي تتغوت متخليو لي ينعس فهاد الدار غسلوا البنات وهبطوا فطروا..شوية طلعات نهاد باش توجد راسها..تبعاتها صابرسنة لي عطاتها بزاف ديال الملابس وبتش متحرجهاش قالت ليها هادو هدية بتش تفكريني ..وانا غاديا ناخد كسوتك نتفكرك بيها...قمة ديال التواضع والاخلاق هاد البنت ...تعانقوا البنات وبدات نهاد تتبكي عمرها تنسى خير هاد العائلة لي دخلاتها وتهلات فيها واخا عارفاها غير بنت الملجأ... هبطوا البنات سلمات نهاد على سعاد وعلى الحاجة ..وطلبات منها سعاد باش تجي عندهم فاش يجيوا من السفر فاي وقت... شكراتهم نهاد على كرمهم وهبطات.. ركبوا الطوموبيل قالت ليها صابرينة هاد العنوان راه فحي الرياض ..مشاو غاديين حتى زصلوا واحد الفيلا كبيرة ..قول قصر ماشي فيلا...هبطوا ودارت الدنيا بنهاد واش هادا هو العنوان شكون غادي يكون تيعرف مي زهرة هنا؟؟!! ودعات صاحبتها بعد ما خلات ليها رقم هاتفها وطلبات منها تتصل بيها فاش تشري تيليفون... مشات صابرينة وتلفات نهاد شنو دير واش دق ...شكون كاين فهاد القصر.. تبهرات نهاد بهذاك القصر ..وجاتها الرهبة والخوف ...هادشي قبل متدخل ليه ..اما الى دخلات يعلم الله..حسات بيه غامض وعامر بالاسرار ...قررات تدخل وتشوف شنو كاين وعلاش مي زهرة عطاتها هاد العنوان تجي ليه الى ضاقت بيها الدنيا هزات صاكها..كانت لابسة سروال جينز و شوميزا كحلة عطاتهم ليها صابرينة ..عاملة شعرها على شكل ضفيرة...ملامحها تتجسد فيهم البرائة والانوتة الطاغية بزوج ...دخلا للبوابة الكبيرة لي لقاتها مفتوحة...بقات غادية فوسط الاشجار ديال السنديان ..جردة جميلة بزاف عامرة بالورود..لكن تتحس بيها غامضة و حزينة مفهماتش علاش ... زادت دخلات وصلات للباب الرئيسي للقصر ..دقات الباب ..فتحت ليها الخدامة:شنو حب الخاطر نهاد:قالت ليها بغيت نشوف ماليين الدار الخدامة :شكون نقول ليهم نهاد:واحد البنت من الملجأ صيفطاتني عندهم مي زهرة... طلبت متها الخدامة تستنى ومشات وخلاتها قلبها غادي يسكت تيضرب بجهد ..شوية رجعات الخدامة وقالت ليها تفضلي... دخلات للقصر وجاتها صدمة من هول داكشي لي شافت ..قصر بحال لي فروايات..لا من ناحية الزخرفة ولا من ناحية الاتات وحتى التحف الفنية النادرة..ولكن حسات ان هادشي مرتب بلا قياس كل حاجة فبلاصتها زبادة على اللزوم بحال الى مكايناش الحركة والحياة هنا. بقاوا ماشيين فواحد الممر طويل ووقفات الخدامة قدام واحد الباب دقات ودخلووا
دخلات نهاد من ورا الخدامة لواحد الغرفة كبيرة ..لقاوا واحد السيدة فالخمسينات ..جامعة شعرها على شكل كعكة عاملة نظارات شمسية وتظهر على ملامحها ..العظمة والتراء..طلبات من نهاد تقرب عندها وسولاتها المرأة:قلتي صيفطاتك عندي زهرة شنو قالت ليك نهاد:قالت الى ضاقت بيك الدنيا سيري لهاد العنوان المرأة :شنو خاصك دابا الفلوس حسات نهاد بالحكرةوقالت:لا الالة انا بغيت شي خدمة شريفة ناخد عليها الاجر باش نقدر نأمن شي سكن حيت منين خرجت من الملجأ وانا من دار لدار واخرتي تنلقا الشارع المراة بقات فيها نهاد و قالت ليها أنا نقدر نأمنهم ليك بزوج بقات لمرة تتحكي لنهاد على زوجها لي كان له الفضل الكبير باش تأسس هداك الملجأ ديال الأيتام وكانوا التبرعات تيوصلوا كل عام ..وحتى فاش مات بقا ولدي كريم مواظب على التبرعات ديال الملجأ.. نهاد:الله يكتر خيركم الالة ويكتر من متالكم المرأة:مسولتكش على سميتك؟ نهاد :نهاد الالة المرأة:قولي لي الحاجة كريمة ... فرحات نهاد بزاف ..كملات كريمة هضرتها..الخدمة لي غاديا تقومي بيها هي...وسكتات عاد كملات ...عفاف بنتي وقعات ليها أزمة نفسية فاش كان عندها 16 عام ومن تما وهي مريضة مكتكلم مع حتى واحد..وتنجيبوا ليها ممرضات بزاف ..تتكون خدمتهم غير يونسوها ويقراو ليها لكن هي مكتحمل حتى وحدة كثر من اسبوع وتنضطروا كل مرة نبدلوهم ..حتى مبقات بغات تجي حتى وحدة...هذي هي خدمتك الى بغيتي غاديا تقابليها غير الزوال والصباح الى بغيتي تقراي او ديري شي حاجة ماشي مشكل... ندعيو الله باش تقبلك ومترفضكش ..نتي باينة فيك قلبك بيض وحنينة نهاد:غندير كل جهدي وكثر كريمة :غاديا نعطيك5000درهم فالشهر والسكن والاكل معانا فالقصر طارت نهاد بالفرحة وحسات براسها ملكات الدنيا طلبات الحاجة من الخدامة تديها لبيتها تغسل وترتاح باش تمشي تتعرف على عفاف حسات نهاد بالخلعة ..ولكن قالت مع راسها لي بغا العسل يصبر لقريص النحل... طلعات لواحد البيت واو هذا غير بيت ...معمرها حلمات تسكن فبحال هاد البيت ...سرير كبير وعليه افخم ااغطية ..زرابي مواتيين مع الستائر ..الحمام دوخها فيه كل حاجة تخيلاتها وكل حاجة متخيلاتهاش..مشات كتجري كتنقز فوق الناموسية و تتطير فالسما وفرحانة... تفكرات الخدامة لي كتسناها باش تديها عند عفاف... غسلات وبدلات ونزلات عندها....مشاو واحد الجناح فجهة اخرى من القصر وطلعوا الدروج وبدات كتسمع واحد الانين ...خلعها بزاف وشافت فالخدامة لي شافت فيها وحدرات عينيها

سكتات الحاجة لمدة طويلة ...شوية بدات تعاود لنهاد على قصة بنتها عفاف لي كان سبابها الحب.. الحاجة:بنتي كانت شابة زوينة ومليئة بالحيوية ..كانت هي نوارة ديال الدار ...طيبة وحنينة بزااف ..كانت شعلة ديال النشاط وديما تتلعب وتنقز واخا ولات مراهقة ..مزال بحال الطفلة..حطات الحاجة يديها على راسها وتنهدات:الله ياربي علاش بنتي الوحيدة وقع ليها هاكداك نهاد:ياك عندك ولد أخر؟كريم قلتي لي الحاجة :كريم ماشي ولدي كريم ولد خو الحاج ماتوا والديه وانا ربيته خلاو ليه الاملاك وفاش كبر تكلف بكلشي ولا مسؤول على أملاكه وأملاكنا ..الله يخليه ليا ولدي هو لي راد البال ليا ولبنتي نهاد:مقلتيليش الحاجة عفاف شنو لي خلتها تولي هاكدا... تنهدات الحاجة:كانت عفاف فالثانوي تعرفات على واحد الشاب وبغاتوا بزااف كان شاب فقير ..تقدم ليها و رفض الحاج ..وقررات باش تهرب هي وياه ..مشات لواحد القرية عاشت هي وياه من بعد دار حادث سير ومات...رجعات عفاف فواحد الحالة وحاملة...هزها باها داها المزرعة ومخلا حد يمشي عندها ...حتى ولدات ...ومات ليها التيلاد...موراها جابها الحاج للدار وهي فهاد الحالة...كملات هضرات وبداو دموعها ينزلوا...حتى نهاد بقات فيها وبقات تبكي الحاجة :بنتي تظلمات ولي ظلمها باها الله يسمح ليه...مقدراتش الحاجة تهضر ناضت مشات لبيتها حتى انا مشيت لبيتي وتنفكر فعفاف وحمدت الله حيت كاينين ناس عندهم مشاكل كثر مني...
بقات نهاد تتفكر فقصة عفاف وتأترات بزاف تسائلات كيفاش الفلوس قدرات تفرق بين زوج كيبغيو بعضياتهم ولعنات هاد المجتمع لي ولا كيتعامل غير بالماديات ...بقات تتفكر وتتخبط حتى دقات عليها الخدامة ...قالت ليها الحاجة تتسناك للعشاء لبسات كسوة بسميطات عطاتها ليها صابرينة فالغوز بيناتها بحال شي بنوتة صغيرة وجمعات شعرها ذيل حصان.. ونزلات كانت متوقعة غاديا تلقا غير الحاجة . ..لكن بان ليها واحد الشخص عاطيها بالظهر وجالس فالطبلة ديال الماكلة ... الحاجة:قربي انهاد بنتي تتعشاي ..متحشميش غير ولدي كريم هذا..قربات للطابلة الخشبية الكبيرة ...وغير شافت وجهه ..وبدات تتلون وطلعات معاها السخانة...وهي تسخف ...محساتش حتى يديه شدوها قبل ما تطيح ..بقات تشوف ليه فعينيه العينين لي سحروها من اول نظرة...اه هو والله الى هو هادا فارس أحلامها..الشاب الغامض كيفما كانت تتسميه..شمات ريحته ..نفس الريحة لي ولات ساكنة فروحها وكيانها...هزها وحاول يوقفها هو يجلسها فالكرسي... وتيشوف فيها بنفس النظرة الحادة كريم:شنو مشكلتك معايا فين مانتلاقاك طيحي؟ وابتسم ابتسامة خفيفة نهاد مزال قابطة فيديه كانو كبار ودافيين مكرهاتوش يخليهم فيديها طول العمر...وفرحات بزاااف حيت منساهاش.. هو بقى مبتاسم وكيتسناها طلقوا..هي ارتابكات وحشمات وطلقات منو بزربة وهي تترعد الحاجة لي ناضت عندها :لباس عليك ابنتي ياكما نعيطوا لطبيب نهاد:صافي الحاجة راني تنحس براسي حسن... الحاجة:نعرفكم على بعضياتكم هذا وليدي كريم نهاد وهي تتشوف فيه وبهرها بوسامته..:متشرفين سي كريم الحاجة:هدي نهاد اولدي لي حكيت ليك عليها كريم :اه بنت الملجأ .(بغرور).ايوا مرحبا ومتنسايش ردي البال لعفاف حسات نهاد بحال شي خنجر دخل لقلبها..ديك الكلمة ديال بنت الملجأ مشات بحال السهم لقلبها..وخلاتها تحقد عليه..شافت فيه واحد الشوفة ديال الكره ..واستأدنان باش تمشي لبيتها

نعسات نهاد.. شوية حسات بحلقها نشف نزلات للكوزينة ..حلات تلاجة وهزات قرعة دلما...جات خارجة وهي تساطح معاه كان لابس غير شورت وصدره عريان ..بقى لاصق فيها وتيشوف فعينيها ..وريحته دوباتها ..وقاليها الى كنتي اتسخفي قوليها لي نشدك... وبقى تيضحك... نهادبغضب:علاش غاديا نسخف قاليها حيت فين ما شفتك تتسخفي نهاد:المرة الاولى كنتي اتدوزني بطوموبيلتك وسخفت ..المرة التانية كنت عيانة ..قاطعها والمرة التالته قالت ليه بحدة:مبقاتش بنت الملجأ اتسخف مرة اخرى وخلاتو وطلعات لبيتها حست براسه غلط فحقها ..مكانش خاصه يجرحها ..وقرر يعتدر ليها حيت ماشي طبعه التكبر والغرور... طلعات نهاد بيتها ..وريحته مزال لاصقة فحوايجها..شماتها ..ولكن قررات باش تبعد منه تتفادى تتلاقى معاه باش متزيدش تتعدب بحبه ..لي تيقابله هو بالغرور والتكبر... داها نعاس ...وحلمات بمي زهرة ...وفاش فاقت قررات باش تزورها فاش تتحسن ظروفها

فاقت مشات غسلات ..ولبسات دجين وبودي حمر قصير ..طلقات شعرها لي كان طويل وكيف الحرير وكحل بحال الليل...لقاتهم فطابلة الفطور.. هزوا راسهم تيشوفوا فيها وهو بقا غير حال فمو فيها.. نهاد:صباح الخير كريم والحاجة :صباح نور الحاجة :كيف بقيتي ابنتي مالكي فايقة بكري ..كون رتاحيتي ..اصلا عفاف ناعسة مغاديا تحتاجك حتى للعشية.. نهاد:انا موالفة الحاجة منين كنت فالملجأ(وشافت فيه)نفيق بكري..الى كانت شي حاجة نعاون فيها معندي مشكل.. الحاجة :كل واحد ابنتي هنا عندوا خدمتوا..الى قنطي راه الجردة خرجي ليها وكاين حتى المسبح الى بغيتي تعومي.. ضحكات نهاد مع راسها انا المسبح كنت تنشوفوا غير فالافلام بقات ليا غير السباحة مشات الحاجة وخلاتها مع كريم كريم تيشوف فنهاد وهاد المرة الشوفات مختالفين مفهماتهمش :نهاد تلفتات ليه وهي تتسمع سميتها بداك الحنان كريم:بغيت نعتادر ليك على البارح مكنتش قاصد نجرحك .. نهاد فرحات وغتحماق بالفرحة مكانتش متوقعاه غيتبدل بين ليلة ونهار ويولي بهاد الحنان..معرفاتش راه الحب لي فقلبها اتجاهه بدا حتى هو تيتسلل ليه نهاد:عادي موقع والو ناض قاليها بسلامة وهي خرجات للجردة..حسات بقلبها غادي يسكت بالفرحة..كريم شحال ضريف وحنين..وبدات كترسم ليهم الاحلام الوردية مع بعضياتهم..
دات نهاد تتسارى فالجردة ..عجباتها الخضورية والورود والاشجار...مشات غادا حتى وصلات للبيسين بقات تتأمل جماله..وتمنات باش تتعلم شي نهار حتى هي تعوم..لقات واحد الأرجوحة وهي تركب فيها..وبقات تتزيط ..غمضات عينيها وبقات تتخيل كريم ..وراها وتيدفعها ..وتيتغزل فيها ..بقات عايشة فاحلامها حتى سمعات صوت خطوات جايين...كانت الحاجة وتتشوف فيها بحنان قالت ليها:كيف جاتك الجردة ابنتي؟ نهاد:غزالة الحاجة غير هي خاصها لي يزيد يعتني بيها .. شردات الحاجة..وقالت ليها:بنتي عفاف كان كاع وقتها تتدوزو فهاد الجردة هاد الارجوحة منين مرضات مابقى قاسها حد حتى جيتي نتي..كانت نهار كامل وهي تعوم تلعب وتتارجح تتدخل للدار عيانة.. نهاد شافت فالحاجة وحسات بالمها وبغات تعنقها ولكن مقدراتش الحاجة:حتى عفاف بحالك كانت تتقولي هاد الجردة خاص لي يعتني بيها حتى كريم تيبغي الجردة لكن مسكين منين مات الحاج وتزاد عليه التقل والهم الخدمة كلها هزها على كتافو حتى حياته نساها وعييت معاه يتزوج مزال مابغا يفرحني... سمعات نهاد سميت كريم وزواجو وقلبها تقبض..قالت مع راسها واش انا حمقة ..اش جاب لجاب ..ملقى بيمن يتزوج غير بيا..فيقي انهاد من الاحلام..راه نهار يبغي يتزوج يجيب لالات البنات... ودخلات هي والحاجة للدار باش يتغداوا وتمشي تشوف خدمتها....


وصلات الوقيتة لي خاصها تمشي عند عفاف ..طلعات لجناحها لقات الخدامة غسلات ليها ..وغاديا تمشط ليها شعرها..وكانت هادئة اليوم..خدات نهاد المشط من عند الخدامة وغمزاتها باش تخليها تكمل ليها..بقات بعدا تتدوز على شعرها بيدها .كانت شعرها كحل وزويين تلمساتوا بيديها وحسات باحساس غريب مشطات ليها شعرها . وداتها فوق واحد الكرسي هزاز ..وبقات تتقرا ليها واحد القصة ..معرفاتش نهاد واش هي تتسمعها او لا حيت هي فنفس الوضعية شاردة وغايبة على الدنيا ...بقات نهاد تقرا وتقرا ..شوية تتبقى تحكي ليها شي خرافات من خرافات مي زهرة ..وكانت نهاد كضحك وتحرك وكاع ما عيات أو ملات حقاش عفاف فعلام اخر...دازت شي 3سوايع ...وجات الخدامة وقالت ليا راه وقت المسكن هذا عطيتها شربات الدوا وشديتها من يديها باش نديها لسريرها..كانت مسالمة فين ماماديتيها تتمشي ..بحال الى عارفاك وفاهماك شنو بغيتي ديري ...وصلتها لسريرها ونعستها ..مشعرتش حتى بستها على خدها ...كانت بحال الملاك ..وقررت نسميها الملاك الهائم...حسيت بيديها زيروا على يدي وفرحت بزاف حيت ربما هديك اشارة على انها تتواصل معايا وتتحس بيا..جلست حداها فالكرسي ..وبديت تنقرا ليها قصة حتى داها نعاس...عاودت بستها ومعرفتش شنو لي تيخليني ندير هكداك..فديك اللحزة دخلات الحاجة وهي فرحانة بزاف حيت اليوم عفاف كاع ماجاتها الهيستيرية.. عنقاتني وقالت لي حاسسة انا قدامك هنا قدام الربح وفديك اللحظة دخل كريم...
دخل كريم فاللحظة لي الحاجة معنقا نهاد..وعاودات ليه الحاجة كيفاش ان عفاف مجاتها الازمة اليوم... بقا هو تيشوف فيها بنظرة حنونة ..وطلب منهم ينزلوا يخليوا عفاف ترتاح ..طلبات الحاجة من الخدامة تجيب ليهم اتاي للجردة..جلسوا كاملين فواحد الطابلة لي محطوطة تحت واحد السنديانة ..كان واحد المنظر تيحمق ..ونهاد وكريم مرة مرة تيتبادلوا النظرات ...جابت الخدامة اتاي والحلوى ..كبات ليهم الحاجة اتاي وبداوا يشربوا كريم:اشمن نيفو عندك انهاد؟ نهاد:راه هاد العام خديت الباك بميزة جيد جدا استغرب كريم وعلاش مكملتيش قرايتك هاد الميزة را تدخلك للطب أو الصيدلة أو الهندسة ... فهاد الاتناء استأدنات الحاجة وخلاتهم بوحدهم سكتات نهاد وحسات بالبكية مقدراتش تقوليه راه راهم جراو عليا من الملجأ ..ودنيا داتني من دار لدار تكرفصت وتمرمدت حتى وصلت لعندكم..تفكرات كاع لي داز عليها ..ونزلوا دمعات من عينيها... هو حس بيها ومبغاش يزيد يسولها كثر شد ليها يديها وشحال كانوا سخان ومسح دموعها وديك الساعة ولا وجها كيف مطيشة قاليها سمعي:انا انوقف معاك باش تقراي واخا دابا فات الحال انحاول نسجلك فشي جامعة باي طريقة ... هزات راسها علاش تيدير معاها هكدا واش تيشفق عليها بغا يربح معاها تلاجر ولكن هي مباغاش شفقته بغات حبه وحنانه... ولكن كيف ندير نقرا ونقابل عفاف فنفس الوقت .. قاليها الى عندك الارادة راه تقدري توفقي وتتفوقي وابتسم ليها صونا ليه تيليفون.. كمال:الو خولة ...انا شوية وجاي... مشا وخلاها من بعد ما طلب منها غدا توجد ليها الاوراق كاملين دياولها.. بقات تتسأل شكون هاد خولة لي خلاني ومشا لعندها حسات بالغيرة والفقصة ومشات طلعات لبيتها... وصلات وقيتة ديال العشاء ..نزلات ملقاتوش لقات غير الحاجة سلمات عليها تعشاو ودردشوا شوية الحاجة طلعات تنعس
قات ماشية فالجردة واخا الظلام حسات بالامان والهدوء والسكون وصلات للبيسين وركبات فوق الارجوحة وغمضات عينيها وهي تتفكر فكريم ..وشكون هدي لي مشا معاها .. بقات تتمرجح شوية بدات تتشم ريحته وحسات بيديه فوق يديها حسات بالسخونية ديال يديها.. شوية حسات بيه تيمرجحها ..بقات تطير فالسما ومحاساش بالدنيا كانت حاسة بهادشي بحال شي حلم لذيذ ..شوية حلات عينيها ولقات وجهه ..قدام عينيه ..ومحساتش حتى ترمات ليه فحضنه..حسات باحساس غريب حسات بالبرودة تتسري ليها فالجسم كامل بدات كتسمع دقات قلبه كان كيحساب ليها هادشي كامل حلم ..حتى هز ليها وجها لعنده وباسها بوسة طويلة ..عاد فاقت ..تصدمات وتلونات وهربات تتجري لبيتها ..







مشات تتجري لبيتها ..وهي كاملة تترجف..بقات تتعاتب راسها شنو درت ياربي علاش اندفعت عليه..ولكن هي مكانتش حاسة براسها فديك اللحظة كانت بحال المسحورة...كان الطعم ديال بوستو مزال ففمها....غمضات عينيها بغات تنعس ولكن مبغاش يجيها النعاس...دخلات دوشات وهي تتخيل كل لحظة دازت ..وهي كلها تترعد..قررات باش تنسى هادشي لي وقع وتديها فخدمتها ..وصافي.. نعسات بصعوبة ...فاقت الصباح كيف العادة خدات الوراق لي طلب منها وهبطات لقاتهم على طبلة الفطور وسمعاتهم تيهضروا على شي حفلة .. نهاد:صباح الخير الحاجة:صباح النور ..هو ماردش عليها ..شاف الوراق فيديها ..طلبهم منها وخرج... استغربت لمعاملته ليها ..حسات بطعنات فقلبها ..وحسات بحال الجمر فصدرها الحاجة :العشية عندنا حفلة بمناسبة تأسيس شركة جديدة ..ودابا أنخرجوا انا وياك نتقضاوا فرحات نهاد حيت منين جات لفيلا ماخرجات.... ركبوا فالطوموبيل ..وطلبات من الشيفور يديهم للسوبر مارشي ...تقدات كلشي لي خاصها وهز الشيفور السخرة للطوموبيل...عاوتاني طلباتوا يديهم لواحد المتجر فخم ديال الملابس..داكشي كلاس وماركة...تبهرات نهاد بجمال المحل شويه طلبات الحاجة من البياعة باش تعاون نهاد تلقى شي فستان سواري بصاك وصباط.. تصدمات نهاد لي داتها البياعة لبلاصة ديال السواريات قالت مع راسها واش انا فحلم ولا فعلم اختارت واحد سواري كحل باكسسوارات فضية والصاك والصباط فالفضي شكرات نهاد الحاجة ومشاو لدارهم ... طلعات نهاد نيشان لجناح عفاف حيت وصلات وقيتة ديالها غدا ان شاء الله نشوفوا نهاد شنو غادي تدير مع عفاف ..وشنو غادي يوقع ليها فالحفلة...
هبطات نهاد تتجري للجردة .. كان الجو سخون بقات غير بكسوتها دخلات للجردة تتقلب عليه مكاينش ليه الاثر..شويه سمعات حركة فالببسين قربات لقاتو تيعوم.. قربات منه تتشوف فيه ..هو شاف فيها وابتسم عجبها منظر ديالو وهو كيسبح ..كان خفيف ورشيق ..وتمنات حتى هي تتعلم شي نهار تعوم هو بحال الى كان كيسمع لمتمنياتها.. كريم :نهاد ممكن تعطيني الفوطة هزات نهاد الفوطة وعطاتها ليه..هو جرها لعنده ولقات راسها فالبيسين بدات تتغوت :راني متنعرفش نعوم كريم:متخافيش انا معاك وغادي نعلمك نهاد كلها تترعد..ولكن ماشي من برودية الما تترعد وهي بين يديه صدره عريان وشعره فازك جرها لعندو عنقها وتخشا هو وياها فالما بدا كيعوم بيها وهي لاصقة فيه..شوية بدا تيعلمها ..حتى حسات بر اسها ولات تتعرف شوية خرجوا من البيسين..نشفوا حالتهم ..هو لبس تيشورت فوق شورت السباحة ..جرها من يديها و مشاو تيتساروا وسط اشجار السنديان...وقفها حدا واحد الشجرة كريم:نهاد بغيت نعرف شنو درتي ليا..منين شفتك أول مرة وأنا تنشوفك فالمنام وتنشوفك فاليقضة اشمن جاذبية عندك لي تتخليني ..نبغي ناخدك فحضني فأي وقيتة نشوفك فيها ...سكت .. وقاليها:نهاد تنبغيك ...وجرها عنده عنقها نهاد تسحرات وترفعات ولات تتحس انها هي وياه فدنيا اخرى نهاد:كريم حتى انا تنبغيك ومن أول نهار شفتك ..بغيتك وانت حنين ...بغيتك وانت قاسي ..وغانبقا نبغيك حتى نموووت جرها عندو وعنقها بعنف ..
دخلات لبيت عفاف لقاتها مازال ناعسة ...دخلات تتشوف فيها وتتلعب ليها فشعرها...وحسداتها على هاد الهناء لي هي فيه ..حقاش منعزلة على الشرور ديال العالم..شوية وفتحات عينيها وبقات تتشوف فنهاد ..ومن بعد رجعات للعالم ديالها ...غسلات ليها نهاد و بدلات ليها حوايجها ..مشطات ليها شعرها...وكانت تتحس بواحد الاحساس غريب معاها...كانت باغا تعنقها وتخشا ليها فحضنها ومكرهاتهاش تلعب ليها فشعرها...جلساتها فكرسيها ..وبدات تتقرا ليها ... الدار لتحت كلهم ملهيين بتوجاد للحفلة ..الخدامات فالتنظيف والترتيب ..والطبخات فالطبخ..تيوجدوا أحلى المقبلات والاطباق الرئيسية واشهى الحلويات بقات نهاد مع عفاف وهي قابطة ليها فيديها ..وتتحكي ليها على الحب وكيفاش القلب كينبض لأول مرة..وعفاف هنا بقات تتزير لنهاد على يديها ..نهاد بقات تتشوف فيها وفرحانة..قربات الوقيتة دنعاس ديال عفاف داتها نهاد لبلاصتها وجلسات حداها فوق الناموسية..بقات تتحكي ليها واحد القصة حتى نعسات ..وحتى نهاد تكات حداها وداها نعاس.... محسات حتى بشي يد تتلعب ليها فشعرها ..حلات عبنيها لقاتو كريم...قفزات وانتافضات ووقفات ..كريم تيضحك:ناعسة بحال شي بيبي نهاد لي ارتابكت:معرفتش كيفاش داني نعاس شوية دخلات الحاجة تتجري وهي مفزوعه ..وهازا الدواء فيديها الحاجة:تشغلنا ومعطيناش لمهدئ لعفاف شافت الحاجة فعفاف لي ناعسة بطمأنينة الحاجة:كيفاش كيفاش..ميمكنش ..كيفاش نعسات بلا مهدئ ومجاتهاش الأزمة..ودارت عند نهاد..عنقاتها الحاجة لنهاد:نتي شمن سحر عندك . شمن حنان عندك ..بنتي 17عام وهي تتنعس غير بالمهدئات ..وجربنا منعطيهمش ليها ..ولكن تتجيها الازمة ومكنقدروش نتحكموا فيها ..هدي اول مرة من بعد سنين كتنعس بلا مهدئ... فرحات نهاد وهي تتسمع هاد الكلام ..وحتى كريم بقى مستغرب وهو عارفة الحالة ديال بنت عمو.... الحاجة :يالله ابنتي سيري ترتاحي باش توجدي راسك الحفلة خرجات نهاد ونظرات ديال كريم بغاو ياكلوها...
طلعات نهاد لبيتها ..وتكات ترتاح شوية بين ما وصلات الحفلة...شوية سمعات الباب تيدق ..حلات لقات الحاجة جتية عندها هي وواحد البنت... الحاجة:نهاد بنتي هادي أحلام كوافورة ديالنا جات تقاد ليك باش توجدي للحفلة.... نهاد أول مرة يعاملها شي حد بهاد الحنان...اول مرة تصايب ليها شي كوافورة هبطات الحاجة ..وخلاتهم بزوج... أحلام بدات مع نهاد من الاول شعر ظفار ومكياج أحلام:بشرتك غزالة انهاد بحال ديال الاطفال نهاد حشمات وقالت ليها شكرا كملات ليها احلام المكياج ..حطات ليها فشعرها شوكة فالفضي متناسبة مع الاكسسوارات والصاك والصباط.. لبسات الكسوة لي بينات فورمتها ..ولبسات الصباط العالي..عاد دوراتها احلام تشوف فالمراية واو نهاد تبهرات واش هي هادي دبصاح.. المكياج واللباس رجعها بحال شي اميرة وحتى احلام عجباتها بزااف وقالت ليها جيتي بحال اميرات الف ليلة وليلة.. وصلات وقيتة ديال الحفلة وطلات من البالكو بانوا الله الناس داخلين من باب القصر ...غير الشخصيات المهمة والبارزة.وغير السيدات الراقيات ..ولابسيين افخم السواريات.. مكانتش عندها العزيمة باش تهبط ..بقات مخبية فبيتها ..حتى طلعات الخدامة وطلبات منها باش تنزل... بدا قلبها تيضرب بالجهد ..وحسات بالبرودة ...عمرها ما اختلطات بالناس ..ديما كانت منعزلة .. تفكرات كريم ..كيفاش غيشوف فيها ...واش هاد اللباس غيغير نظرة دياله ليها..واش غيحس من جهتها شي حاجة...وتمناتوا يحس بيها ويبغيها كيفما تتبغيه.....هبطات فالدروج ..وحاسة براسها عافطة على الشوك ..تمات نازلة ..وصلات للقاعة ..وتلفتات ليها الانظار ..وترسمات التساؤلات..بدات تتشوف نظرات الاعجاب فعيون الشباب ...ونظرت الغيرة فعيون البنات... تتقلب بعينيها على كريم ..شوية بان ليها واقف مع واحد البنت..طويلة وزوينة ..حسات بالغيرة والفقصة وبعدات عليهم..شوية بانت ليها الحاجة جالسة ..مشات بزربة عندها... شافتها الحاجة وابتاسمات برضى الحاجة:تبارك الله على بنتي الغزالة جيتي تتحمقي.. تقدم واحد الشاب زوين عندو ملامح شقرين من الحاجة.. الشاب:خالتي معرفتينيش على هاد الغزالة لي معاك(وهو تيضحك) الحاجة :ولدي حسام هذي نهاد ..الممرضة جديدة ديال عفاف فرحات نهاد حيت الحاجة كبرات بيها ومقالتش ليها بنت الملجأ شافيها حسام وقال:متشرفين نهاد تبارك الله سميتك زوينة بحالك... الحاجةتتضحك:هذا ولد ختي حسام ..وفيه الهضرة بزاف.. حسام دار راسو مقلق:خالتي حشومة عليك انا تنهضر غير مع الزوينات ونهاد حشمات وحدرات راسها وتتبتسم فهاد اللحظة وقف كريم وباين عليه الغضب وتيشوف فنهاد كريم:بان ليا هنا فيلم رومانسي.. نهاد حمارت وتقلقات وحسام تيضحك حسام لكريم وتيضحك:اصاحبي فوتني عليك... الحاجة :نتوما غادي تبداو تفلاو وتخليوا الناس.. كريم :عندك الصح مشا كريم وحسام يستقبلوا الناس.. عرفات نهاد ان حسام خدام مع كريم وصاحبوا من صغر ... بدات الموسيقي تتعلى وابمشروبات تتفرق وبداوا لي كوبل تيرقصوا ...تمنات حتى هي ترقص ترقص مع فارس احلامها كيف داكشي لي فالافلام... ولكن للاسف بان ليها كريم تيرقص مع ديك البنت ..حسات بالعافية شاعلة فقلبها ..وبغات تمشي تهرب من هاد الحفلة محملتتش تشوفيه وهو تيرقص مع دبك الينت يديه فيديها عينيه فعينيها حسات بيه ملكها ديالها..فيقها من هاد الاحساس ..حسام لي جا طلبها ترقص معاه..عطاتوا يديها وانساجمات مع الرقصة..لكن كانت مخنوقة مشدودة ماشي هدا معامن بغات ترقص ماشي هدا لي تيخفق ليها قلبها شافت لجهة كريم لقاتوا تيشوف فيها بحقد مكانتش عارفة راه حتى هو كيموت وهو تيشوفها مع حسام ...ولكن كرامته مسمحاتش ليه باش يقوليها هادشي سالات الرقصة بقات واقفة مع حسام وتيسولها على خدمتها وقرايتها ..حتى وقف كريم وديك البنت.... كريم:نهاد هدي خولة شريكتي فالشركة الجديدة نهاد:بخجل متشرفين كريم لخولة:هذي نهاد قاطعاته :اه لي قلتي لي عليها(وتتشوف فيها بتكبر وعجرفة) نهاد حسات بالظلم والحكرة شنو قاليها ..أكيد قاليها بنت الملجأ حبسات الدموع فعينيها..وتبدلوا فيها الالوان... كريم حس بيها معرفش مالها نهادلكريم:الحفلة زوينة ولكن عيانا غاديا نستأذن كريم بقا تيشوف فيها مافهم والو مشات غاديا تبعها حسام وقفها:ياك لباس مزال الحفلة ما سالات نهاد :سمح ليا عييت اليوم مع الخدمة وبغيت ننعس حسام:ممكن ناخد رقمك نهاد :معنديش البورطابل

نهاد مشات وخلاتو مافاهم والو وتيتسائل واش كاين شي واحد معندوش بورطابل؟؟؟!!
طلعات تتجري لبيتها ..وبدات تتبكي..شوية بقات تتهضر مع راسها فيقي من الgلبة ..نتي غير بنت الملجأ..كريم راه مكدبش..نتي هنا غير باش تخدمي ..نسايه عليك هو ماشي ديالك وعمروا يكون ليك قررات تنساه تحيدو من قلبها باش تعيش مرتاحة حيدات حوايجها ..كان الجو سخون لبسات شورت وتيشورت..غسلات مكياجها وجمعات شعرها الفوق... ومشات لناموسيتها باش تنعس...الحفلة سالات كلشي مشا طلات من البالكو بان ليها كريم ركب فطوموبيلتو هو وخولة ومشاو..وخا تفقصات لكن بغات تتبت راسها انها ممسوقاش... انطفأت الاضواء ...وساد الهدوء فالقصر مجاهاش النعاس ..حيت كان الصهد ومعرفاتش تشغل المكيف... نزلات للجردة..وكيف العادة حسات بالراحة والهدوء ..مشات للبيسين ..ونعسات فدوك الكراسى لي تيكونوا فجنبه ...وحسات بالبرودة ..والراحة داها نعاس ..وبدات تتحلم بكريم ..تتشوفو جاي فوة حصان أبيض..ركبها ومشا تيطير بيها...شوية شافتو حطها ومشا وخلاها ...وبقات تتعيط كريم ..كريم...كريم ..وهو كاع متيجوبها ..هبطوا دمعات على خدودها وحسات بيدين تيمسحوا ليها دموع وحسان ببوسة فخدها...
حلات عينيها لقاتو حداها ..تلعتمات وجاتها الدوخة كانت غاديا تسخف.. كريم:مالكي ناعسة هنا واش مخفتيش يضربك البرد؟ نهاد:لا مخفتش اصلا الجو سخون(جاوباته بجفاء) كريم:علاش مشيتي من الحفلة ولا حقاش كنتي واقفة مرتاحة مع حسام وجيت انا برزطتك نهاد:لا لحقاش ميشرفكش بنات الملجأ يحضروا ليك للحفلة نتا وشريكتك خولة(قالت الاسم بتهكم) كريم شدها من يديها بجهد حتى قصحها:متبقايش تقولي على راسك هاد الكلام نتي معارفاش قيمة ديالك... وزيدون حتى حد معارفك من الملجأ نهاد:وخولة لي قالت لك ..اه هدي لي قلتي لي عليها(وهي تتقلد خولة المغرورة) كريم:انا قلت ليها ممرضة ديال عفاف..ومتنضنش هادشي ميشرفكش نهادتتغوت بحزن :حتى بنت الملجأ تتشرفني حيت انا ماختاريتش نكون بنت الملجأ..مختاريتش نكون يتيمة..مكانش عندي ابزهر بحالك نتولد وفمي معلقة ديال الذهب ..وبقات تتبكي بحرقة بقات فيه وجرها لعندو وعنقها بحرارة..حتى هي عجبها الحال ومبغاتش تحيد من صدره شوية بعدها عليه.. وقاليها:غذا وجدي راسك ..صباح بكري تنوضي ..عندي ليك مفاجأة سولات نهاد:شنو هي قاليها منقوليك والو يالله سيري ترتاحي باش تفيقي بكري... مشات نهاد للجردة وهو جلس بلاصتها وبقى تيفكر فيها ..معرفش علاش بغاها من اول نظرة ..معرفش علاش تسحر بجمالها وبراءتها..تمناها تكون ديالوو.. ولكن خايف من المجتمع من الناس... غمض عينيه وهو تيحلم بحبيبته نهاد...
طلعات نهاد لبيتها وهي تتفكر فالمفاجأة لي موجد ليها كريم ...مبغاش النعاس يجيها..ولكن بصعوبة قدرات تنعس.. طلع النهار فاقت نهاد ..غسلات ..لبسات نفس الجينز والبودي لي عطاتها صابرينة..ونزلات ... لقاتوا تيتسناها لابس كوستيم رمادي و قميجة بيضة تيحمق ..شدها من يديها وخرجو مشاو طوموبيل ركبات حداه ومشا.. حسات باحساس غريب ..وهي حداه شمات ريحته وغمضات عينيها..هو شاف فيها وتبسم.. حبس وطلب منها تنزل..لقات راسها قدام كليه الطب والصيدلة ..مفهمات والو سولاته شنو جينا نديرو هنا قاليها الفوق اتعرفي.. طلعوا فدروج..وقفوا قدام واحد المكتب ..مكتوب فيه مكتب العميد ...دق كريم الباب ودخلوا السيد استقبل كريم بحفاوة باينة فيه تيعرفوا مزيان العميد:هدي هي خطيبتك ..تبارك الله عليك اسيدي عندك الذوق (وهو تيضحك) نهاد تصدمات شاف فيها كريم غمزها وقال للعميد:هي هدي وجبتها باش تشكرك حقاش قبلتي وراقها باش تدرس الطب.. وشاف فنهاد بحنان وتيضحك نهاد تصدمات حسات بالشلل فرجليها..هادشي كثر من طاقتها ..كبفاش تدرس طب..هي مكانتش حتى تحلم تكمل قرايتها ..كلية الطب مرة وحدة العميد:اسيدي بلا متشكرني حيت خطيبتك تستاهل واخا فات الوقت ديال تسجال لكن النتائج ديالها هما لي رشحوها باش تتقبل نهاد مع راسها :كيفاش خطيبته شنو هاد القصة عاوتاني!!؟؟ كريم تيشوف فيها وهي تتخبط فالافكار وتيضحك... ودعوا المدير لي عطاهم لائحة ديال الحوايج لي غاديا تحتاجهم نهاد خرجت..وهي مرفوعة ..ركبوا فالطوموبيل ومزالة مصدومة قاليها:نمشيوا شي بلاصة نفطروا..عاد نمشيوا نشريوا داكشي لي غادي تحتاجي نهاد الف سؤال فعقلها مافهمات والو... وقررات غير يمشيو يفطروا تسولوا على كلشي
دخلات نهاد وكريم لواحد كافي فايف ستار..جبد ليها الكرسي باش تجلس بحال شي اميرة..فاش قرب ليها بقات تترعد.. جا النادل ..طلبوا كريم يجيب ليهم الفطور... نهاد جالسة ومزال مصدومة ومفاهمة والو ..هو قرا التساؤلات ديالها كاملين.. كريم :سمعي نهاد..فاش شفت نتائجك ومستواك ..قلت هاد النتائج متستاهل غير كلية الطب ..وانتي صراحة طبيبة تجي معاك ...حيت شفت تعاملك مع عفاف..مشيت عند العميد لي هو فالاصل صديق عمي ..وقلت ليه خطيبتي كانت عندها ظروف ..مقدراتش تدفع فالاول ..وياريت تساعدها ..قلت ليه خطيبتي باش ميترددش ويعرفك مهمة بزاااف عندي..فالاول قالي الامر صعيب ..ولكن لحيت عليه ..وقالي ..خلي لي شوي الوقت نشوف شنو ندير...والبارح اتصل بيا ..وقالي طلبك مقبول..كنت انقولها ليك البارح ..ولكن لقيتك مشغولة مع حسام(بغضب) نهاد تتشوف فيه ومازالها مصدومة:علاش انا واش بقيت فيك ..تتشفق عليا..كريم سد ليها فمها بصبعو.. كريم:انت تستاهلي دوك النظرات ديالك لي عامرين بالامل والتحدي محتاجين ..فرصة وانا عطيتك غير الفرصة..والباقي عليك نهاد:نزلوا دموعها معرفاتش تفرح ولا تبكي تشكرو او تعنقو تخلطوا عليها المشاعر نهاد:ولكن الى عرفنا كذبنا وانا ماشي خطيبتك هو ضحك وقاليها:شكون قالك كذبنا(وهو تيضحك) مسح ليها دموعها..وقاليها يالله عندنا منديرو كريم:نسيت مقلتش ليك راه غاديا تقراي غير صباح ..العشية تقابلي خدمتك واش تقدري توفقي؟؟ نهاد حركات راسها بالايجاب وهي فرحانة خرجات هي وياه مشاوا دخلوا واحد المتجر ديال الملابس . كريم: شري كاع الحوايج لي بغيتي ومتخافيش انقطعهم ليك من المانضة..وهو مبتسم نهاد دخلات ..فرحانة تتقيس هدي وهدي شرات بزاف الحوايج وصبابط وصيكان.. شرات حوايج يتلائموا مع كليه الطب... هو مقابلها وتيضحك دايرة بحال شي طفلة تتنقز خرجوا كملوا لي خاصهم شرات طابليات وكتب ..وكانت غاديا طير بالفرحة عمرها شعرات بهاد الفرحة... مشاوا للدار ..طلعوا الخدامات الميكات لبيت نهاد وهوما مشاو يتغذاو مع الحاجة. ..لي تتسناهم فالجردة قبل ميوصلوا عندها دارت نهاد عند كريم وفعينيها الدموع نهاد:معرفتش كيفاش نشكرك..لو نجلس حياتي كاملة نشكرك على هاد شي..مخلهاش تكمل جرها عندو عنقها وباسها بوسه طويلة..
مشاو عند الحاجة..لي استقبلاتهم بواحد الابتسامة..سلموا عليها وحكا ليها كريم ..على نهاد ودراستها.. فرحات ليها بزااف ودعات معاها بالتوفيق بورتابل كريم صونا كريم:ألو خولة...كانت عندي شي خدمة...انا جاي.. سلم عليهم وناض..نهاد تقلقات ووجها حمار...محملاتش راسها ..علاش كذب على خولة وقاليها كانت عندي خدمة.. الحاجة حسات بيها .ابتاسمات استأذنات نهاد من الحاجة ..تمشي ترتاح شوي حيت وقيتة ديال عفاف قربات طلعات نهاد لبيتها..دوشات ..لبسات كسوة فالرمادي قصيرة وبالسميطات اختارها ليها كريم.. ديك الكسوة بينات الانوتة الطاغية ديالها ..لي ميقدرش يقاوها حتى واحد رتبات ملابسها فالبلاكار ..وقادات الكتب فالصاك..مشات المراية حطات غلوز وطلقات شعرها ... هبطات باش تمشي لجناح عفاف..ولقات كريم لتحت هو وحسام.. استقبلها حسام تحت الدروج بواحد التحية بحال ديال لايدي وباس ليها يديها.. ملامح كريم تغيرو وبدا تيغلي كريم:خلي عليك البنت باراك من البسالة نهاد حسات بيه تيغير عليها وضحكات حسام:واش اصاحبي الواحد يشوف االجمال الطبيعي الرباني ويبقى ساكت.. كريم لنهادوهو تيغوت:واش انتي عجبك تسمعي هاد الكلام..سيري لخدمتك نهاد محملاتش راسها حسات بيه تيعاملها بحال شي خدامة شافت فيه واحد الشوفة ومشات حسام:زدتي فيه اصاحبي مالك تتعامل البنت هكدا..ياكما تتبغيها وجاتك الغيرة كريم حس براسه غلط فحقها ..وقال مع راسه ..نشوفها نعتدر ليها هي مشات لبيت عفاف وعينيها عامرين دموع...
..قبل ما تدخل عند عفاف مسحات دموعها ..مبغاتهاش تشوفها هكداك..حيت ولات متأكدة ان عفاف تتحس بيها.. دخلات لقاتها فايقة وجالسة فالكرسي الهزاز ..بحال الى تتسناها..قربات عندها ..وباستها على خدها..وبقات تتهضر معاها ..هاد النهار عفاف كانت متغيرة مكانتش مغيبة كيف العادة ...بالعكس كانت تتشوف فنهاد بحال الى تتسمع ليها ..بقات نهاد تتعاود لعفاف على كاع داكشي لي جرا ليها عاودات ليها على المفاجاة لي دار ليها كريم ..عاودات ليها على الكلية وعلى الحوايج لسي شرا ليها وحتى على البوسة..وعاودات ليها كيفاش دار فيها وغوت عليها قدام حسام..ونزلوا دموعها وهنا وقعات المفاجأة عفاف هزات يديها وحطاتهم على نهاد نهاد فرحات وتصدمات وخرجات تتجري عند الحاجة جات نهاد والحاجة لي عاودات ليها نهاد شنو وقع قربات الام من بنتها وحطات يديها على وجها وعفاف حركات وجهها وقاست يد امها الحاجة عنقات بنتها وتتبكي ..اخيرا بنتي ولات حاسة بالعالم الخارجي قربات الحاجة من نهاد وعنقاتها قالت ليها بنتي الفضل تيرجع ليك حتى تحسنات عفاف قالت ليها الحاجة الى تعافات بنتي راه نعطيك نصف التروة ديالي نهاد:التروة ديالي ابحاجة هي نشوف فعينيكم البسمة وانا هاد الاحتواء لي احتويتيني هو اغلى ما عندي...وانا اندير جهدي باش عفاف تبرى وصلات وقيتة ديال نعاس عفاف داتها لناموسيتها وبدات تقرا ليها قصة وحتى داها النعاس ولثاني يوم تتنعس عفاف بلا منوم...

نعسات ..عفاف وبقات نهاد كتشوف فيها ..ولات كتحس بعفاف قريبة منها..بحال الى جزء من روحها... تفتح الباب ..تلفتات نهاد ..لقاتو هو كريم... حنات راسها وتفكرات شنو دار ليها قبيلة... كريم:عاودات لي الحاجة شنو وقع مع عفاف ..ايوا شفتي راكي طبيبة وتتداوي حتى الارواح...عندي الحق اختاريت ليك الطب... نهاد:لا انا نستاهل غير خدامة ولي جا يمسح فيا رجليه قرب ليها كريم وقال ليها ف وذنيها:نتي ماشي خدامة نتي راه سندريلا ديالي ..وديالي بوحدي....ومشا خارج وقبل ما يخرج قاليها:نسيت ماقلتش ليك جاتك الكسوة غزالة.... نهاد بقات مصدومة ومرفوعة وحسات بالدنيا تدور بيها..معرفاتش سر هاد التصرفات ديالو ...مرة حنين ...مرة قاسي ...مرة تتحس بيه قريب من قلبها..مرة كيبعد عليها ...وعجباتها بزاف كلمة سندريلا مشات نهاد لبيتها ترتاح ..شوية سمعات الباب تيدق فتحات ملقات حتى واحد ... شافت فالارض لقات وردة حمراء لاصقة فيها ورقة صغيرة..مكتوب فيها: السنديانة تتسول عليك... عرفاتو كاين كاين فالجردة..وبقات حايرة واش تمشي عندو أو لا ..عقلها تيقوليها ركزي وكوني قوية...قلبها تيقوليها تبعيني ... وبقات تتخبط بين ناريين حتى لقات راسها طلقات رجليها للريح وتبعات هوى قلبها للجردة....هبطات نهاد تتجري للجردة .. كان الجو سخون بقات غير بكسوتها دخلات للجردة تتقلب عليه مكاينش ليه الاثر..شويه سمعات حركة فالببسين قربات لقاتو تيعوم.. قربات منه تتشوف فيه ..هو شاف فيها وابتسم عجبها منظر ديالو وهو كيسبح ..كان خفيف ورشيق ..وتمنات حتى هي تتعلم شي نهار تعوم هو بحال الى كان كيسمع لمتمنياتها.. كريم :نهاد ممكن تعطيني الفوطة هزات نهاد الفوطة وعطاتها ليه..هو جرها لعنده ولقات راسها فالبيسين بدات تتغوت :راني متنعرفش نعوم كريم:متخافيش انا معاك وغادي نعلمك نهاد كلها تترعد..ولكن ماشي من برودية الما تترعد وهي بين يديه صدره عريان وشعره فازك جرها لعندو عنقها وتخشا هو وياها فالما بدا كيعوم بيها وهي لاصقة فيه..شوية بدا تيعلمها ..حتى حسات بر اسها ولات تتعرف شوية خرجوا من البيسين..نشفوا حالتهم ..هو لبس تيشورت فوق شورت السباحة ..جرها من يديها و مشاو تيتساروا وسط اشجار السنديان...وقفها حدا واحد الشجرة كريم:نهاد بغيت نعرف شنو درتي ليا..منين شفتك أول مرة وأنا تنشوفك فالمنام وتنشوفك فاليقضة اشمن جاذبية عندك لي تتخليني ..نبغي ناخدك فحضني فأي وقيتة نشوفك فيها ...سكت .. وقاليها:نهاد تنبغيك ...وجرها عنده عنقها نهاد تسحرات وترفعات ولات تتحس انها هي وياه فدنيا اخرى نهاد:كريم حتى انا تنبغيك ومن أول نهار شفتك ..بغيتك وانت حنين ...بغيتك وانت قاسي ..وغانبقا نبغيك حتى نموووت جرها عندو وعنقها بعنف ..طلعات نهاد لبيتها...نعسات وهي تتحلم بكريم.. فاقت الصباح عامرة بالعزيمة والنشاط ..لبسات سروال كلاس وفيست فالكحل.. هزات شعرها على شكل حصان..حطات غلوز فالغوز وهبطات ..لقات الحاجة وكريم تيفطروا هبطات ..كريم غادي ياكلها بعينيه... الحاجة:بنتي الله يوفقك ويعاونك ويسهل دربك... باستها نهاد على راسها وخرجات هي وكريم كريم:صباح الخير سندريلا..الزين ديالي جا تيحمق اليوم نهاد:صباح نور حبيبي..حتى انت جا معاك الكحل.. ركبوا فالطومبيل باش يوصلها..جبد واحد الكرتونة عطاها ليها..فتحاتها لقاتها ايفون.. شافت فيه وعينيها تيسولوه كريم:هذا بورطابل احبيبة ..باش نبقى معاك على اتصال راه سجلت ليك فيه رقمي ورقمك عندي..درت ليك اشتراك الانترنيت نهاد فرحات هادشي بزاف عليها .. باسه على خده نهاد:شكرا بزاف وصلها للكلية ..تمنى ليها التوفيق ومشا وخلاها نهاد حسات بقلبها غادي يسكت كيفاش غاديا تتأقلم..وكيفاش غيتقبلوها الطلبة وكيفاش وكيفاش..
دخلات للكلية لقات تما جو اخر ودنيا اخرى ناس متقفين..واعين .. كلشي بغا يساعدها بأي طريقة..لي كيعطيها المحاضرات لي فاتوها..لي كيعطيها البرنامج .. عجبها الحال ..وحسات أول مرة بطعم الصداقة..وفديك اللحظة تفكرات صابرينة ..وقررات باش تتصل بيها كملات دراستها ...واتصل بها كريم قاليها بانه تيتسناها بره.. خرجات تتجري عندو ...عنقاتو...ومشاوا ..لقاوا الحاجة تتسناهم بالغداء ..تغداو وسولاتها الحاجة على نهارها كيف داز. . طلبات منهم طلع لبيتها ترتاح حيت.. عفاف تتسناها مشات دوشات ..وتكات ترتاح شوية... شوية حسات بشي حاجة كتمشى على وجها..حلات عينيها لقات كريم ..هاز وردة حمرا وتيلعب بيها على وجهها... ناضت نهاد عنده خدات الوردة لقات فيها واحد البواطة فتحاتها لقات فيها خاتم جميل بقات مصدومة وتتشوف فيه قرب منها كريم شد ليها فيديها:نهاد تتزوجي بيا..الى قبلتي انكون اسعد واحد فهاد الدنيا ونخليك اسعد مرة فهاد العالم.. نهاد لي مصدومة ودموعها تيهبطوا بالفرحة:اه اه قابلة وهدا اسعد نهار فحياتي.. تعانقوا بزوج وتخلطات الدوموع بالفرحة وكان هدا اسعد نهار فحياتهم

مشات نهاد عن عفاف ..وهي غاديا تطير بالفرحة..لقاتها هازا الدمية ...غير دخلات نهاد رماتها من يديها ..مشات عندها نهاد باستها وعنقاتها..وحتى عفاف بقات تتزير عليهانهاد فرحات حيت عفاف تتجاوب معاها..بقات تتعاود عليها على شنو وقع..الاحداث كاملين ..الجامعة ..والبيسين واخيرا فاش بغا يتزوج بيها...وعفاف كتسمع ليها وكتبتسم..دخلات الحاجة وقربات من نهاد عنقاتهاالحاجة:مبروك ابنتي..والله شحال تمنيتك لكريم..راه من هنا يومين انديروا ليكم الخطوبة..ايوا وجدي راسك ..باش نخرجوا نتقداوا وتشري كسوة ديال الخطبة..نهاد غير حشمانة وساكتة..قربات الحاجة من عفاف..حطات يديها ..على راسهاالحاجة:اه ابنتي شحتل تمنيتك ..تكوني جنبي..تعمري لي كتافي..كتعزي عليا ونتيا تايهة معرفتك فين هايمة ولا فاش تتفكري...شوية دموع عفاف بداو ينزلوا وبقات تقول ..ماما ماما ماما..تصدموا بزوج شافوا فيها مشات عنقاتها الحاجة..ونتشوف فيها ..لكنها رجعات كيف الهايمة من جديد...داتها نهاد لبلاصتها ..نعساتها وهبطات هي والحاجة باش يخرجوا يشريوا لي غايحتاجوا...خرجات الحاجة هي و نهاد مشاو عند التريتور وصاتوا الحاجة على كلشي شوية مشاو عند واحد المصممة باش تختار نهاد لبسة ديال الخطبة كانت ديك المصممة معروفة فالبلاد..احسن التواب والخياطات تلقايهم عندها ..كيلبسوا من عندها غير الفنانات وسيدات المجتمع.. دخلوا للمحل وتبهروا بلي فيه..حارت نهاد واش تختار.. لكن الخياطة خديجة وفرات عليها هاديك الحيرة جبدات ليها واحد التكشيطة فالفضي ..كلها مرصعة بالحجار الكريمة ..وقالت ليها هدي سميتها لبسة السندريلا... نهاد غير سمعات السمية تفكرات حبيبها تيقوليها سندريلا.. وهي تطلب تقيصها لبساتها نهاد ومنقوليكمش ...كانت اميرة من الاميرات ..سندريلا ديال بصاح..ومع هي طويلة ..بانت كيف القمر.. اختارت نهاد ديك اللبسة دسندريلا شراوها ومشاو.. دازوا عند الكوافورة حددوا معاها موعد مشاو شراوا اي حاجة ممكن يحتاجوها..وحتى النقاشة منساوهاش ...ة مشاو واحد واحد كافي شربو عصير ومشاو للدار.. طلعوا الخدامات الحوايج لي شراوا لبين نهاد الجديد ..هو فالصراحة ماشي بيت راه جناح..وكان حدا بيت كريم فرحات نهاد بالبيت خصوصا انه حدا بيت حبيبها..دخلات فرحانة لقات الناموسية عامرة بالورد والنفاخات لي مطتوب فيهم احبك نهاد عرفاتوا حبيبها داير ليها مفاجأة ..دار لقاتوا حداها وعنقها كريم:توحشتك بزاااااف نهاد:حتى انا حبيبا عاودات ليه شنو داروا هي والحاجة.. وحتى هو قاليها راه عرض على الناس..وطلب منها تعرض علامن مابغات..قالت ليه بحزن انا معندي حد من غير مي زهرة .. مشا وخلاها..تفكرات صابرينة ..جبدات نمرتها واتصلات بيها..وعرضات عليها للخطبة صابرينة فرحات بزاف بزاف وقالت ليها غاديا تجي هي وخطيبها.. سهات نهاد وتتفكر فشنو هادشي لي تيجرى ليها..وهي ممتيقاش..
ﻃﻠﻊ ﺍﻟﻨﻬﺎﺭ ...ﻓﺎﻗﺖ ﻧﻬﺎﺩ ﻓﺮﺣﺎﻧﺔ.. ﻫﺎﺩ ﺍﻟﻨﻬﺎﺭ ﻣﻬﻢ ﻣﻦ ﺣﻴﺎﺗﻬﺎ..ﻫﺎﺩ ﺍﻟﻨﻬﺎﺭ ﻏﺎﺩﻱ ﻳﺨﻄﺒﻬﺎ ﻛﺮﻳﻢ..ﻫﺎﺩ ﺍﻟﻨﻬﺎﺭ ﻏﺎﺩﻱ ﻳﺘﻮﺣﺪ ﺣﺒﻬﻢ... ﻃﻠﻌﺎﺕ ﻋﻨﺪﻫﺎ ﺍﻟﺤﺎﺟﺔ ﻭﺍﻟﺨﺪﺍﻣﺎﺕ ..ﻭﻫﻮ ﺗﻴﺼﻠﻴﻮ ﻋﻨﺒﻲ ﻭﻳﺰﻏﺮﺩﻭ.. ﺩﺧﻠﻮﺍ ﺍﻟﺨﺪﺍﻣﺎﺕ ﻧﻬﺎﺩ ﻟﻠﺤﻤﺎﻡ ...ﺩﻭﺷﻮﺍ ﻟﻴﻬﺎ ..ﻭﺧﺮﺟﻮﻫﺎ..ﺑﺎﻟﺰﻋﺎﺭﻳﺪ ﺍﻟﺤﺎﺟﺔ:ﻭﺟﺪﻱ ﺭﺍﺳﻚ ﺍﺑﻨﺘﻲ ﺑﺎﺵ ﺗﻤﺸﻲ ﻟﻠﺼﺎﻟﻮﻥ ﻟﺒﺴﺎﺕ ﻧﻬﺎﺩ ﻋﺒﺎﻳﺔ ﻛﺤﻠﺔ..ﻭﻫﺰﻭﺍ ﻟﻴﻬﺎ ﺍﻟﺨﺪﺍﻣﺎﺕ ﺍﻟﺤﻮﺍﻳﺞ ﻭﺍﻻﻛﺴﺴﻮﺍﺭﺍﺕ ﻭﻫﺒﻄﺎﺕ ﻟﻘﺎﺕ ﺍﻟﺸﻴﻔﻮﺭ ﺗﻴﺘﺴﻨﺎﻫﺎ .. ﻧﻬﺎﺩ ﺗﻔﻜﺮﺍﺕ ﻛﺮﻳﻢ ﻟﻲ ﻣﺘﺨﻔﻲ ﻫﺎﺩ ﺍﻟﻨﻬﺎﺭ ..ﻗﺎﻟﺖ ﻣﻊ ﺭﺍﺳﻮ ..ﺣﺘﻰ ﻫﻮ ﺍﻛﻴﺪ ﻣﺸﻐﻮﻝ ﻣﻊ ﺭﺍﺳﻪ ﺗﻼﻗﺎﻫﺎ ﺣﺴﺎﻡ ﺣﺪﺍ ﺍﻟﺒﺎﺏ ﺳﻠﻢ ﻋﻠﻴﻬﺎ ﺣﺴﺎﻡ:ﻛﺮﻳﻢ ﺩﻳﻤﺎ ﻛﻴﺴﺒﻘﻨﺎ ﻟﻠﻬﻤﺰﺍﺕ)ﻭﺗﻴﻀﺤﻚ( ﻧﻬﺎﺩ ﻟﻲ ﻣﻌﺠﺒﻬﺎﺵ ﺍﺳﻠﻮﺑﻮ ﺿﺤﻜﺎﺕ ﻟﻴﻪ ﺿﺤﻜﺔ ﺻﻔﺮﺍ ﺣﺴﺎﻡ :ﺍﻳﻮ ﻣﺒﺮﻭﻙ ﺍﻟﻠﻪ ﻳﺘﻤﻤﻬﺎ ﻋﻠﻰ ﺧﻴﺮ ﻧﻬﺎﺩ:ﺍﻣﻴﻦ ﻋﻘﺒﺎﻟﻚ ﻭﻣﺸﺎﺕ ﻭﺧﻼﺗﻮﺍ ﻃﻠﻌﺎﺕ ﻣﻊ ﺍﻟﺸﻴﻔﻮﺭ ﻫﻲ ﻭﻭﺣﺪﺓ ﻣﻦ ﺍﻟﺨﺪﺍﻣﺎﺕ ﻭﻣﺸﺎﺕ ﻟﻠﺼﺎﻟﻮﻥ... ﺍﻟﻘﺼﺮ ﻣﻘﻠﻮﺏ ﻫﺎﺩ ﺍﻟﻠﺤﻈﺔ ..ﺍﻟﺘﺮﻳﺘﻮﺭ ﻣﺮﺍﻗﺐ ﻛﻠﺸﻲ ...ﻣﺮﺍﻗﺐ ﺍﻻﺷﻐﺎﻝ ﻓﺎﻟﺠﺮﺩﺓ..ﺍﻟﻜﺮﺍﺱﻱ ﻭﺍﻟﻄﻮﺍﺑﻞ.. ﻭﻣﺮﺍﻗﺐ ﺍﻟﻄﺒﺎﺧﺎﺕ ..ﻭﻣﺮﺍﻗﺐ ﺍﻟﺴﺮﺑﺎﻳﺔ ..ﻛﻞ ﺣﺎﺟﺔ ﻛﺘﻮﺟﺪ ﺑﺎﺗﻘﺎﻥ.. ﺍﻟﺤﺎﺟﺔ ﻣﻊ ﺣﺴﺎﻡ ﻟﻲ ﺟﺎ ﻋﻨﺪ ﻛﺮﻳﻢ ﻭﻣﻠﻘﺎﻫﺶ.. ﻟﻲ ﻣﻌﺮﻓﻨﺎﻫﺶ ﻫﻮ ﻓﻴﻦ ﻣﺸﺎ ﻛﺮﻳﻢ ﻧﻬﺎﺩ ﻭﺻﻼﺕ ﻟﻠﺼﺎﻟﻮﻥ ..ﺩﺍﺭﻭ ﺑﻴﻬﺎ ﺍﻟﻜﻮﺍﻓﻮﺭﺍﺕ ﻭﺳﺘﻴﺴﻴﺎﻧﺎﺕ..ﺩﺍﺭﻭﺍ ﻟﻴﻬﺎ ﺳﻮﺍﻥ ﺩﻭ ﻓﻴﺰﺍﺝ..ﻗﺎﺩﻭ ﻟﻴﻬﺎ ﺑﻴﺪﻳﻜﻴﺮ..ﻋﻤﻠﻮﺍ ﻟﻴﻬﺎ ﻟﻴﻤﻴﺶ ﻟﻠﺸﻌﺮ .. ﻭﺍﺧﻴﺮﺍ ﺑﺪﺍﻭ ﻳﻌﻤﻠﻮﺍ ﺍﻟﻤﺎﻧﻴﻜﻴﺮ..ﺩﺍﺯ ﺍﻟﻨﻬﺎﺭ ﺑﺰﺭﺑﺔ ..ﻭﻧﻬﺎﺩ ﻗﺮﺑﺎﺕ ﺗﻜﻤﻞ ﻭﻛﺮﻳﻢ ﻣﺰﺍﻝ ﻣﻮﺻﻞ
ﻛﻤﻼﺕ ﻧﻬﺎﺩ..ﻭﻟﺒﺴﻮﻫﺎ ﺣﻮﺍﻳﺠﻬﺎ ..ﻭﻏﻄﺎﻭﺍ ﻟﻴﻬﺎ ﻭﺟﻬﻬﺎ ﺑﻮﺍﺣﺪ ﺍﻟﻔﻮﺍﻝ ﺧﻔﻴﻒ ﻋﻠﻰ ﻭﺟﻬﻬﺎ..ﻭﺗﻴﺘﺴﻨﺎﻭ ﺧﻄﻴﺒﻬﺎ ﻳﺠﻲ ﻳﺪﻳﻬﺎ.. ﻛﺮﻳﻢ ﺗﻌﻄﻞ ..ﻧﻬﺎﺩ ﺑﺪﺍﺕ ﺗﺘﺨﻠﻊ ﻭﻗﻠﺒﻬﺎ ﺗﻴﻀﺮﺏ..ﺧﺎﻓﺖ ﻓﺮﺣﺘﻬﺎ ﻣﺘﻜﻤﻠﺶ..ﺑﺪﺍﺕ ﺗﺘﻮﻗﻊ ﻏﻴﺮ ﺍﻷﺳﻮﺀ .. ﺷﻮﻳﺔ ﺑﺪﺍﺕ ﺗﺘﺴﻤﻊ ﺍﻟﺰﻏﺎﺭﻳﺪ ﻭﺍﻟﺼﻠﻰ ﻋﻨﺒﻲ..ﻋﺮﻓﺎﺕ ﺣﺒﻴﺒﻬﺎ ﻭﺻﻞ.. ﻗﻠﺒﻬﺎ ﻛﺎﻧﺖ ﻏﺎﻳﺴﻜﺖ ﻭﺭﺟﻌﺎﺕ ﻟﻴﻪ ﺍﻟﺮﻭﺡ ﻭﺻﻞ ﻛﺮﻳﻢ ﻛﺎﻥ ﻻﺑﺲ ﻛﻮﺳﺘﻴﻢ ﻛﺤﻞ ..ﻭﻋﺎﻣﻞ ﻭﺍﺣﺪ ﺑﺎﺑﻴﻮ ..ﺟﺎﻳﺐ ﻓﻴﺪﻳﻪ ﺑﻮﻛﻲ ﺩﻳﺎﻝ ﺍﻟﻮﺭﺩ ﻟﺤﺒﻴﺒﺘﻮﻭ.. ﺑﻘﺎﺕ ﺣﺎﻟﺔ ﻓﻴﻪ ﻓﻤﻬﺎ ..ﻭﺍﻭ ﺷﺤﺎﻝ ﻛﻴﺤﻤﻖ ..ﻋﻄﺎﻫﺎ ﺍﻟﻮﺭﺩ..ﻭﺷﺪ ﻟﻴﻬﺎ ﻓﻴﺪﻳﻬﺎ ﻫﺒﻄﻮﺍ ﻃﻠﻌﻮﺍ ﻣﻊ ﺍﻟﺸﻴﻔﻮﺭ ﻓﻮﺍﺣﺪ ﺍﻟﻠﻴﻤﻮﺯﻳﻦ ﺟﺎﺑﻬﺎ ﻟﻴﻬﺎ ﻛﺮﻳﻢ ﻣﺨﺼﻮﺹ ﻗﺮﺏ ﻟﻴﻬﺎ ﻟﻮﺩﻧﻴﻬﺎ ﻭﻗﺎﻟﻴﻬﺎ:ﻋﻨﺪﻱ ﻟﻴﻚ ﺟﻮﺝ ﻣﻔﺎﺟﺎﺕ.. ﺑﻘﺎﺕ ﻧﻬﺎﺩ ﻧﺘﻔﻜﺮ ﻓﺸﻨﻮﻫﻮﻣﺎ ﻫﺎﺩ ﺍﻟﻤﻔﺎﺟﺎﺕ ﻭﻟﻜﻦ ﻣﻘﺪﺭﺕ ﺗﻌﺮﻑ ﺣﺘﻰ ﺣﺎﺟﺔ ..ﻫﻲ ﻣﻔﺎﺟﺎﺕ ﺩﻳﺎﻭﻟﻮ ﻛﺜﺮ ﻣﻦ ﺍﻟﻤﺨﻴﻠﺔ ﺩﻳﺎﻟﻬﺎ ﻭﺻﻼﺕ ﻟﻠﻘﺼﺮ ﺍﻟﻀﻮﺍﻭ ﺷﺎﻋﻠﻴﻦ ﺑﺠﻤﻴﻊ ﺍﻻﻟﻮﺍﻥ ﺍﻟﻮﺭﻭﺩ ﻣﻨﺘﻮﺭﺓ ﻓﺎﻻﺭﺽ ﺍﻟﻤﻮﺳﻴﻘﻲ ﻋﺎﻟﻴﺔ ﺑﺤﺎﻝ ﺷﻲ ﻣﻬﺮﺟﺎﻥ..ﺍﺳﺘﻘﺒﻠﻮﻫﻢ ﺑﺎﻟﺘﻤﺮ ﻭﺍﻟﺤﻠﻴﺐ ..ﻭﺍﻟﺰﻏﺎﺭﻳﺪ ﺍﻟﻌﺎﻟﻴﺔ..ﻭﻣﺸﺎﻭﺍ ﺩﺍﺧﻠﻴﻴﻦ ﻟﻠﺠﺮﺩﺓ ﺩﻳﺎﻝ ﺍﻟﻘﺼﺮ ﺣﻴﺖ ﺗﻤﺎ ﻛﺎﻳﻨﺔ ﺍﻟﺤﻔﻠﺔ

ﺩﺧﻠﻮﺍ ﻟﻠﺠﺮﺩﺓ ﺑﺎﻟﺰﻏﺎﺭﻳﺪ ..ﻭﺍﻟﻤﻐﻨﻲ ﻛﻴﻐﻨﻲ..ﻫﺎﻫﻲ ﺟﺎﺕ ﻻﻟﺔ ﺍﻟﻌﺮﻭﺳﺔ.. ﻛﻠﺸﻲ ﺗﻴﺸﻮﻑ ﻓﻴﻬﻢ ..ﻭﻣﺒﻬﻮﺭ ﺑﻴﻬﻢ .. ﻫﺰ ﻟﻴﻬﺎ ﻛﺮﻳﻢ ﺍﻟﻔﻮﺍﻝ ﻋﻠﻰ ﻭﺟﻬﻬﺎ ..ﻭﺗﻔﺘﻦ ﺑﺠﻤﺎﻟﻬﺎ ..ﺟﺎﺕ ﺗﺘﺤﻤﻖ..ﺷﺎﻓﻬﺎ ﺗﻠﻒ ﻭﺩﺍﺥ ..ﺍﻣﺎ ﺍﻟﻤﺪﻋﻮﻳﻦ ﻛﻠﺸﻲ ﺑﺪﺍ ﻳﺸﻮﻑ ﻓﻴﻬﺎ ﻭ ﻣﺒﻬﻮﺭ ﺑﺎﻟﺠﻤﺎﻝ ﺩﻳﺎﻟﻬﺎ.. ﺑﺪﺍﻭ ﺍﻟﻨﺎﺱ ﻳﺴﺘﻤﺘﻌﻮﺍ ﺑﺎﻟﺤﻔﻞ ..ﻭﻳﻨﺴﺎﺟﻤﻮﺍ ﻣﻊ ﺍﻟﻤﻮﺳﻴﻘﻲ..ﺍﻟﺴﺮﺏﺍﻳﺎ ﺩﺍﻳﺮﻳﻦ ﺑﺎﻟﻌﺼﺎﺋﺮ ﻭ ﺍﻟﻤﻤﻠﺤﺎﺕ ... ﻛﻠﺸﻲ ﻓﺮﺣﺎﻥ ﻭﻧﺎﺷﻂ.. ﺷﻮﻳﺔ ﻭﺻﻼﺕ ﺻﺎﺑﺮﻳﻨﺔ ﻭﺧﻄﻴﺒﻬﺎ..ﻋﻨﻘﺎﺕ ﻧﻬﺎﺩ ﻭﻓﺮﺣﺎﺕ ﻟﻴﻬﺎ..ﻭﺑﺎﺭﻛﺎﺕ ﻟﻜﺮﻳﻢ ﺟﺎﺕ..ﺧﻮﻟﺔ ﻭﻣﻼﻣﺤﻬﺎ ﻋﺎﻣﺮﻳﻦ ﺑﺎﻟﻌﻴﺮﺓ ﻭﺍﻟﺤﺴﺪﻗﺎﻟﺖ ﻟﻴﻬﻢ ﻣﺒﺮﻭﻙ ﻏﻴﺮ ﻣﻦ ﻓﻮﻕ ﺍﻟﻨﻔﺲ ﻭﻣﺸﺎﺕ ﻭﺧﻼﺗﻬﻢ ﻭﺍﺣﺪ ﺍﻟﺸﻮﻳﺔ ﺟﺎﻳﺔ ﺍﻟﺤﺎﺟﺔ ﻣﻌﺎﻫﺎ ﻭﺍﺣﺪ ﺍﻟﻤﺮﺓ ﻛﺒﻴﺮﺓ ﻓﺎﻟﺴﻦ..ﻏﻴﺮ ﺷﺎﻓﺘﻬﺎ ﻧﻬﺎﺩ ﻭﻫﻲ ﺗﻮﻗﻒ

وقفات نهاد شافت الحاجة جاية عندهموكانت جاية معاها مي زهرة..عنقاتها نهاد ..وجاتها البكية شافت فكريمكريم:هدي هي المفاحأة الاولىنهاد معرفات ماتقول فرحات منين جات عندها مي زهرة باش تشاركها فرحتها..مي زهرة :مبروك ابنيتي ..تمنيت ديما نشوفك عروسة ..ونهز وليداتكالحاجة تتضحك:ايوا باركي حتى لولدي مي زهرة:ولدك؟؟؟!!هنا مي زهرة تبدلوا فيها الالوان ..تصدمات وبدات تتلعتم..وكانت غطيحهوما ما فهموا والو.. وداتها الحاجة ترتاح فواحد الكرسينهاد:حبيبي تنشكرك بزاف حيت فرحتيني..وخليتي مي زهرة تشاركني فرحتيمي زهرة كانت فوادها بوحدها ..ورجعاتها داكرتها لقصة قديمة عمرها 20 عامكريم:المفاجأة الاولى شفتيها ..المفاجأة التانية فالمكتب..استأذنوا يدخلوا للقصر ..الحاجة تبعاتهم حيت عارفاهم فين ماشيين وهي تتضحكوقفاتها مي زهرة:فين ماشيين؟؟الحاجة :تبعيني

دخلات نهاد وكريم للمكتب ..لقاوا تماكين العدول..نهاد شافت فيه مافهمات والوكريم:حبيبتي انا راه منقدر نصبر نبعد عليك حتى نهار ..راه بغيتك من هاد النهار ديالي وليا حبيبتي وعمرينهاد:بزاف عليا حبيبي هادشي راه قلبي ميتحملش هادشي كامل..كريم:نهاد حبيبتي تتزوجيني؟نهاد :هدا أسعد نهار فحياتي هو نحمل اسم ديالكعنقها..وجرها للكرسيكريم للعدول:يالله اسيدي بداو خدمتكم...فهاد اللحظة دخلات مي زهرة ..وقالت ليهم :هاد الزواج حرام..مخاسوكش يكمل...كلشي تصدم ودار يشوف فيها...
مي زهرة:جا النهار لي خصكم تعرفوا السر لي هازاه هدي 20عام..السر لي كنت عارفاه غبير انا والحاج..دارت عند كريم:باك.....كثر من عشرين سنة ..انا كنت خدامة عندكم فالمزرعة..واحد النهار جاني الحاج..وجاب معاه عفاف لي كانت حاملة فشهرها السابع..قاليا تهلاي فيها حتى تولد..بقيت مع عفاف كانت حنينة ..وقلبها صافي كيف الحليب ..خوات عليا قلبها..وكانت حزينة على راجلها لي مات وخلاها....بقيت معاها حتى لواحد النهار شدها الوجع..بقيت معاها..اليل كامل ..حتى ولدات بنية كيف القمر..عطيتها ليها عنقاتها ..ورضعاتها..اتصلت بالحاج ..نبشره..وهو يجي بأقسى سرعة...زول البنت لعفاف من حضنها..وبقات هي مسكينة تتغوت وتتبكي..حتى فقدات تلعقل ديالها..قاليا هاد البنت غادي نديها للملجأ ولي سولك قولي هي ولدات ومات ليها...ترجيت الحاج يخلي ليا البنت انا نربيها ونرعاها..لكن رفض..وواخيرا طلبتوا يخليني نمشي معاها للملجأ نرعاها ونرد ليها البال..خفت عليها..حيت بغيتها كيف ما بغيت مها...وبدات مي زهرة تتغوت:هاد البنت هي نهاد..وهاد الزواج ميمكنش حيت انت خالها....كلشي تصدم ومقدر يقول والو ونهاد سخفات ..وهزها كريم لبيتها

طلعوا كاملين لبيت نهاد..كريم تيفيق فيها الحاجة مصدومةالحاجة:دابا نهاد بنت بنتي حفيدتي؟؟مي زهرة:راه جيت فالوقت المناسب اما كانت اطرت مصيبة بهاد الزواجالحاجة:ولكن كريم ماشي ولدي ولد خو الحاج وانا ربيتوا بحال ولدي ..هاد الزواج راه حلالمي زهرة فرحانة:دابا غنفرح ببنيتيكريم مصدوم وخايف على حبيبتو..فيقوها غير بزز:غير حلات عينيها قالت ليهم:بغيت ماماالناس لتحت محيحين وتيشطحوا وحتى حد معالم بشنو تيجرى فالقصر...مشاو كاملين لبيت عفاف

هبطوا كاملين..من بعد ما تقادوا..عفاف لبسوها تكشيطة ...وقادوا ليها مشطة وجات تتحمق.. دخلوا للمكتب ..كتبوا عقد الزواج..وخرجوا للحفلة...والزغاريد والموسيقى تابعاهم... كلشي نيشطح ويدردك..عفاف قليل لي انتبه ليها حينتاش الناس كانوا مشغوليين... ونوضوا لعروسة والعريس يرقصوا على انغام اغنية ع بالي حبيبي .... عنقها ..وعنقاتو..وكانوا فعالمهم بوحدهم عفاف والحاجة ومي زهرة تيشوفوا فيهم بنظرة حب وحنان.. كملوا الرقصة وجلسوا ياخدوا الصور..كلشي تصور مع العريس والعروسة..وكلشي فرحان ودازت الحفلة كيف الاحلام.. كمل العرس ..مشاو المدعويين .. مي زهرة قرروا باش تبقى معاهم فالقصر ..مشات لبيتها ترتاح...عفاف قررات هاد النهار تنعس حدا ماماها لي توحشاتها.. كريم هز عروسته..بين يديه..وطلعها فالدروج ودخلوا لبيتهم..لي لقاتو كلوا وروود كريم :حبيبتي فين بغيتي ندوزوا شهر العسل نهاد:اي بلاصة معاك حبيبي جنة وايامي معاك كلها شهر عسل..ولكني نفضل ندوزوه غير هنا بغيت نبقى مع ماما.. كريم وافق من بعد ما واعدها برحلة خرافية فاش تشبع من ماماها... كريم عنق نهاد وباسها بوسة كبيرة خلاتها كلها تترجف... نهاد:كريم حبيبي معاك تحققات لي كل متمنياتي ..تمنيتك تكون ليا..وتنمنيت ماما تكون معايا والله حقق لي كلشي... عاونها تحيد لبستها..دخلات للدوش غسلات ...ولبسات شوميز كحل قصير..خرحات لقاتو لبس بيجامته شافها بقى ساهي...وقرب ليها .. عنقها وقاليها:ياك قلت ليك منقدرش نزيد نصبر على بعدك حتى دقيقة وباسها بوسة طويلة........... ........... النهاية

قصة زوينة بزاف شكرا يسمينة