بشوووية عليك امامات

طليت من البلكون لقيت شتا مجهدة و البرد بزااااف.خديت تلفون من صاكي و دورت ليه
ألو حبيبي فين تعطلتي قاليا هاني جاي احياتي لبسي مزيان لبرد بزاف هاد لعشية ساعة و نكون عندك قلت ليه واخا بالسلامة تانبغيك قطعت دخلت لبيتي وتكيت تغطييت مزيان كيف قاليا راجلي و بقيت كانساين فوقاش يدخل
شوية تلفوني صونا هزيتو كاتبان ليا "راجلي حبيبي" قلت هذا باقي غير تايتصل مازال مابغا يدخل الهم جاوبت
حبيبة لبسي وهبطي عندي أنا لتحت
علااااش اش واقع نظت كانجري طليت كاتبالي طوموبيل ديالو سولتو اش كاين قاليا حبيبة دغياااا وقطع
لبست مونطو فوق بيجامتي وهزيت صاكي وخرجت عندو سلم عليا و قاليا ركبي وانا باقا مصدومة واااه اش واقع؟؟ قاليا نهارك كيف داز؟؟ فوقاش دخلتي من خدمة!!؟ تانجابو وانا زربانة باغيا نعرف اش كاين..
قلت ليه فين غاديين عند ماماك !!؟ عند أختك !؟ ماما وقعات ليها شي حاجة !!؟ شافيا وضحك و قاليا حبيبة فاش فكرك هدا الجو !!؟ قلت ليه فوالو هههه قاليا تفكررررري قلت ليه فحتى حاجة فين غاديين عصبتيني من بعد ساعة ديال الانتظار هبطنا حدا سناك ههههه أحسن بلاصة كليت فيها لوبيا سولني شحال ليوم فالشهر قلت لي 28 قاليا شهر ؟؟ قلت ليه 11 علاش ههههه !!؟
تماك تفكرت بلي هذا التاريخ هو فاش تعارفنا وكان نفس الجو سبحان الله ههههه تفكرنا بجوج دوك الذكريات وقاليا "ليوما سالات 5سنين باش تعارفنا و ليوما سالا عام على زواجنا وعنقني واحد تعنيقة نساتني فديك شتا و فداك البرد ههههه قاليا حياتي نتعشاو هنا الا بغيتي مابغيتيش أختاري ريسترون لي تعجبك بديت تانضحك وشديت فيدو ودخلنا شفت فيه و قلت لبلاصة لي عرفتك فيها أحسن من اي ريستو فالعالم تعشينا بحال ايام زمان و خديت الكادو ديالي واعتدرت حينت نسيت اهم تاريخ بيناتنا هادشي ماكيعنيش بلي ماجبتش كادو بالعكس الكادو ديالي كان حسن بزااااااف فرحتي بالحمل ديالي يمكن هي لي نساتني تاريخ زواجنا ايوااا باش حتى انا قلت ليه حياتي غانوليو تلاتة فالدار قاليا كيفاش ؟؟ شي ضيف هذا .. صافي فهمت شي وحدة من صحباتك تاني بغات دوز الشتوة عندك قلت ليه حشومة عليك مالك ديما زربان ماتخفنيش زعما نتشكا لولدنا ولا بنتنا و يتقلقوا على باباهم قاليا حياتي الا قلتي حاملة ماعرفتش اشنو نقدر ندير من فرحتي درت براسي "اه" ناض الحمق عنقني وشد بيدي وقالي بشوووية عليك امامات ولاادي ناااري أحسن حاجة سمعت ليوم
دوماج فيقاتني ماما قبل مانشوفو اش غايدير