فسرولي حلمي الله يجازيكم بخير

حلمت خير و سلام اني مشيت فواحد القسارية فيها الحوانت بزاف و وقفت عند مول السوارت لقيتو الاب ديال واحد السيد مرتبطة معاه( مع العلم ان الاب دياله متقاعد و جالس فدار) و انا كنت كنقلب على المحل ديال هاد السيد الى كنعرف لقيت بنت صغيرة عرفتني و جاتني فالحلم انها خته( معندوش خت صغيرة و لكن بنت خته) و هي الي داتني المحل دياله وقفت عليه فرحانة و قلت ليه عطيني 4 ديال زيت الياسمين و هو يضحك و عرفني و فرح بشوفتي (مع العلم هو مكيبيع الزيوت) شوية لقيت راسي كنسوق طوموبيل انا و هاديك البنت الصغيرة و صاحبتي غادين جهة البحر و البنت الي كتورنا طريق دزنا من واحد زنقة لقينا فيها الرمل و الملح و راجل شاد البلا و كيحيدهوم عن طريق و اما نقول البنت طريق واقيلا مسدودة و هي تقول لا و ان نكمل و فعلا خرجنا جهة البحر قبل من وصلو ليه لقينا راجل كيبيع سكان ديال الجلد واحد فيه قفل و الاخرين عادين خدات صاحبتي واحد و انا بقيت حايرة و خديت واحد و قلت لراجل واخا مكيعجبنيش اللون قهوي و من بعد لقينا راسنا فالبحر و مامات هداك السيد كاينة و خالته و هو و كان الجو بارد شوية جلست حداهم و عطيتهم سندويتشات و نظت كنتمشى حدا البحر و عمت انا و هاد السيد فيه . و فقت من نعاس فرحانة و هانية
عارفة اني طولت و لكن هادي هيا الحلمة مازدت حاجة نتمنى تفسروهالي و تفرحو لي قلبي فهاد العواشر الله يفرح قلبكم كاملين و ينولكم الي فخاطركم

 

شكرا اختي و نتمنى انها ما تنسانيش

[باقي حتى حد ما بغا يفسر ليا الحلمة ديالي

ايوا رجا فالله، شكرا ليكم