نصائح ماغاتندميش عليها ابدا

منين نبغيو نديرو الشعرية فالحريرة مانخليوهاش حتى الاخير نديروها قبل الطحين و1 البوطة تكون مجهدة و ما نحركوهاش عاد نديرو الطحين موراها و ندورو الحريرة هكذا الشعرية ما كتعجنش
2/اواني ديال لينوكس او المول ديال الكيك و البيتزا و الطورطات باش يصبرو لينا مدة طويلة و مايتصداوش غير نساليو منهم و يبردو نزولو الطحين اللي لاصق فالجناب بشيتة ناشفة ثم نغسلوهم عادي بالصابون و نديروهم فالفران سخون حتى ينشفو مزيان
3/ كنور نديروها فزلافة و ندوبوها مع شوية الماء سخون عاد نضيفوها للاكل
4/منين نبغيو نطيبو القطاني بالنسبة للعدس من الاول نديرو الملح و التوابل و نسدو عليه الكوكوت و لكن اللوبيا و الحمص مانديروش ليهم الملح من الاول لانها كتعطلهم فالطياب و كيقصاحو نديرو التوابل و نخليو الملح حتى يدخلهم الطياب مزيان عاد نزيدوها
5/ الى عرفنا الحليب خاسر مانفيضوهش كله و لكن نديرو غير شوية في ملعقة و نديروه فوق البوطة و نجربوه واش غدي يفيض او لا

/باش يخرج الخاتم و يدخل بسهولة فاليد كندهنو الاصبع ديالنا بشامبوان و نزولو الخاتم بسهولة
/باش مايلصقش الحليب فالكسرونة منين نفيضوه كنزيدو معاه ملعقة ديال الماء
* الا لصقات لينا الكولة فاليد كنديرو الماء يغلي و كنعرضو يدينا للبخار و كنحكو باليد و كتزول الكولة
/لتبييض الاسنان كنحكوهم مزيان بطريف ديال الفاخر بلا ما نقيسو اللحم ديال السنان ثم كنغسلوهم
/باش نعرفو الفروج البلدي واش صغير او كبير فالعمر كنشوفو الصبع اللي كيكون عندو فالرجل الفوق شوية مفرق على الاصابع الاخرى كلما كان هاد الصبع طويل يعني ان الفروج كبير فالسن و العكس صحيح
/باش نعرفو البيض واش خاسر او باقي مزيان كنهزو البيضة و نحركوها بيدينا الا حسينا بها كتحرك و كتميل غير بشوية راه باقية مزيانة اما الا كانت كتحرك بحال الماء منين كيكون فشي قرعة و كنحركوها راها خاسرة
الا تشقق لينا الطجين و بدى كيسيل منه المرق كندهنوه من الداخل مزيان باصفر البيض مكان الشقوق و نخليوه حتى ييبس ثم نغسلوه و نستعملوه عادي البيض كيدخل و سط الشقوق و كيسدهم
* وصفة للكحة
نحمرو زريعة الكتان في مقلة فوق نار مهيلة بلا ما نحرقوها ثم نطحنوها مزيان و نديروها في قرعة و في الليل قبل النوم نفيضو كاس ديال الحليب و نخلطو معاه ملعقة صغيرة من زريعة الكتان و نشربوه و نتغطاو و ننعسو
* احذية الدان الا تغبرات كنرشوها مزيان بمعطر الجو كينظف و يعطي اللمعان
* اللي كيتهرسو ليها الاظافر تاخد ملعقة من خل التفاح و تخلطها مع ملعقة من زيت الزيتون و تدهن بها الاظافر منين تكون مسالية و تخليها اطول مدة ممكنة ثم تغسل تستعمل الوصفة يوميا
* اللي عندو الشعر خفيف او بدات تظهر ليه الصلعة يخلط مقدار من زيت الخروع مع مقدار من زيت الافوكا و يديرو على الشعر كله و خصوصا مكان الصلعة و يخليه ثم يغسل و قبل ما نديرو الزيوت خاص الشعر يكون نقي
بالنسبة للحلوة اللي كتكون مفكعة من الفوق خصنا نطيبوها في فران يكون سخون و نقصو عليها العافية مزيان و نديروها تطيب من الوجه ديالها و تتشقق عاد نطيبوها من التحت
* الا ضاعت لينا صفارة الكوكوت يمكن نعوضوها بخيزو كناخدو طريف ديال خيزو و نحاولو نصايبوه بحال الصفارة يكون فارغ من الوسط و نديرو جوج ثقيبات من الجناب و نديروه بلاصة الصفارة و خصنا نتاكدو بان الهواء كيخرج من الثقيبات و منين يذبال خيزو نعوضوه بطريف اخر
* باش نصاوبو لاشابلير بلا مانحمرو الخبز كناخدو الخبز اللي شاط و نزولو ليه الجناب القاصحين نخليو غير اللبابة و نديروه فالمجمد و منين نحتاجو لاشابلير نجبدو الخبز من المجمد و نحكوه مباشرة و نستعملوه بلا ما يتحمر
* بالنسبة للجنجلان او اللوز ايفيلي منين كنزينو بيهم البريوش كيطيحو باش يبقاو ثابتين كندهنو بالبيض و نديروهم و نعاودو ندهنو مرة اخرى غدي يبقاو لاصقين
* لتنسيم البيض اللي كندهنو بيه الحلويات او الخبز كنزيدو معاه فاني او قطيرة الخل او شوية القرفة او قهوة سريعة الذوبان
* سكر الليم (سنيدة حامضة) يمكن نعوضوه بعصير الحامض
* باش مايجيش الدجاج زفر بعدما ننظفوه مزيان نطيبوه بالسمن و الزعفران حر و نديرو معاه الاعشاب المنسمة و يطيب على نار مهيلة
المايونيز باش تجي ثقيلة و عاقدة مانديروش الخل او الحامض فالاول نخليوها حتى تطلع عاد نزيدو الخل او الحامض
* لتفادي الطياب ديال الرجلين بالماء خصوصا بين الاصابع خصنا نديرو فوطة خاصة بالارجل و ننشفوهم بعد كل وضوء او تعرض للماء
*الا طيبنا العسل فالدار و قصاح لينا كنسخنوه و نزيدو عليه الماء طايب و نحركو ثم نزولوه و الا رجع لينا العسل سنيدة كنزيدو عليه عصير الحامض و نردوه