عريس مشى يعرض على ناس في عرسو

للِّي بْغا يْجِي ما يْتْعطلش..

و للي ما بْغاش يْجِي يمشي يْتْلاَحْ...

البْراهْشْ نعسوهم فالدار..

للِّي جاب بورطابل كاميرا نْقْلع لْو العينين..

العْشَا مَكَانْش !! سْرْطُو فديُورْكُم عَاد أجِيوْ , بَراكَة غير الفلوس للي حطيتهم فهاد المصيبة ديال العروس..

للِّي مَدْ يْدُّه للطُّورْطا نقطعها لْو..

الشْطِيحْ ممنووووع ... الضحك بصوت وْلاَّ بْلاَ صوت ممنووووع.. جْلس في القْنْتْ و احتارم راسك...

تَهْضر مع للِّي حداك نْهَرَّسْ لْيك السْنان..

هاديك الهضرة ديال " العروسة حْسَن من العريس" مَنْسْمَعْهَاش نهاااائيا وْلاَّ غادي نعْرضْكم المرة الجاية للْرَّبْعِينْ.. ها هي

بنتكم و دَبَّر راسكم !!

و لكن عرفتو شنو؟ الغلط فيَّ أنا للِّي رَاني نَعْرضكم ماشي فيكم !! حيت نْتوما نَاس ما تحْشم ما تَسْتَحيا !!

ما كان لا عرس لا وَالُو يالله بَاشْ نْوَرِّيكُم الشغل كِيدَايْر!! يالله فْرْقُو عْلِيَّا هاد الجُّوقَة