صيدلية البيت صحية و في المتناول

السلام عليكم جميعا
اكيد مع الوعي الصحياللي اصبحنا فيه جميع ولينا تنحاولو ما امكن الابتعاد عن كل ما هو صناعي و البحث الحثيث عن الطبيعة
لهدا قررت انني نجمع بعض الوصفات المجربة في البيت فهاد الموضوع لكي تعم الاستفادة
وهي عبارة عن صيدلية منزلية

الاسهال
كاس ماء مغلي+ملعقة صغيرة حبوب شاي+ملعقة صغيرة زعتر
هاد الوصفة كتحيد الاسهال و توقفه فالبلاصة و حتى الوجع المصاحب له ما كتخطانيش فحقيبة السفر او البيت

القبط
وماادراك ما القبط راه التاس تيتهاونو فيه بزاف و يقدر يتحول لا قدر الله لشرخ شرجي او حتى سرطان
الباربا
القرعة خضراء طويلة
نخالة محمرة+يوغورت
الحليب بارد على الريق
الماء بارد على الريق
النوم على الظهر و الضغط وسط البطن الى الداخل باش تيتحرك المصران

السعال
هده وصفة كنديرها اكثرية ملي تنكون حاملة لاني منقدرش نشرب الدوا
الحليب الساخن+عسل اسود فالليل و فالصباح المهم هو الحليب يكون سخووون

سعال الاطفال
ولفوا لاولادكم ملعقة صغيرة زيت زيتون دافئة قبل النوم دائما

الحمى
الاغتسال بالماء البارد و لو في عز البرد لا تخافوا منها فانا كنديرها لوليداتي من صغرهم

قشرة الزيادة
القشرة اللي كتكون فراس التربية ديريلها حليب البزولة سبحان الله كتطير

الحساسية من اي نوع
قنينة عامرة ماء عادي +ملعقة حبة حلاوة+طرف عرق السوس ديريها فالليل
الصباح تلقايها طلقات و الماء و لا اصفر بقاي تشربيها النهار كامل حطيها حداك فالعمل و لا فالكوزينة
تعطى للاطفال

تطويل و تكثيف الشعر
احسن وصفة و ارخصها و في متناول الجميع هي مساج لفروة الراس كل ليلة و انت امام التلفاز بحركات دائرية لانها كتعمل على تنشيط الدورة الدموية و عن تجربة

الحنيشات
فص ثوم نقيه و شويه فوق البوطة و غمسيه فزيت الزيتون و خليه يبرد شوي و ديريه قويلب
عنداك ديري فص كبير

الزكام
قبل ما تنعسي و انت فالفراش شي حد يدير ليك كسرونة فيها ماء و فليو بكثرة و تبخري بيه و استنشقي البخار و انت دايرة فوطة على راس
ملي ما يبقاش البخار لفي عليك الفوطة و بقاي ناعسة بيها ما تزوليهاش حتى للصباح تتنشف الانف

غازات البطن
تجربتي الخاصة تنشد زعتر+لويزة+حبة حلاوة+كمون+النافع شويا من الحاجة و تنطحنهم و من الليل لليل تناخد ملعقة صغيرة+ماء مغلي
كتحسي داك الغازات كتحيد و كتخفافي و المشروب راه حلو بلا ما تزيدي سكر

مشاكل الجلد
متنلقاش الصراحة احسن من الحناء+خل تفاح

الم الضرس
الله ينجيكم منها مضغي قرنفل و حطيه عليها تيهمدها خصوصا ملي تتنوض عليك فالليل

الام اللثة
ماء مغلي+زعتر+اوراق الزيتون و شلي فمك

الشوك الى دخل للعين
حب الرشاد كتحطيه فعينك و تينزل معاه الشوكة

الم احمرار حكة فالعين
شويا صعيبة و لكن فالبلاصة كنديرها حتى لبناتي صغار
فص ثوم جرحيه و كحلي بيه
غادي تبكي و لكن صبري

القميش فالوجه
الى كانت القمشة جديدة عليك بحليب الاطفال عمريها مزيان
او الى الوليدات تيلعبوا و شي حد ضرب الاخر فوجهه راه عن تجربة

التيشيمة
ملي كتخلطي الماكلة و كتحسي بالريحة خايبة تتطلع من فمك
عليك بالزعتر

وصفة للصحة العامة
ملعقة عسل+ملعقة قرفة +ماء دافي على الريق

بوشنتوف
الصراحة تنديرليه الصباغة ديال الاظافر

الحرق
كوقاية فيما تبغي تشعلي البوطة و جعليها عادة من عاداتك قولي دايما الله اكبر سبحان الله النار كتهرب منك

كزيما بين الاصابع
انا نتعملها رشاشة بيفاريل ماكتخطانيش كتعمل 70 درهم فالصيدلية
وصفة امي كبريت مطحون+قطرة واحد قطران+شحمة الكلاوي
دوبي كل شي حتى يولي بحال الكريم و دهني بالشفاء العاجل

اصفرار الاسنان
ملعقة فحم مطحون اتركيها في فمك مدة مثلا الى كنت فالبيت خليها حتى تكملي الشقا مدة اسبوع متتالية و سترين الفرق قالها لي مدير مسشفى للاسنان سوري

حبوب الوجه
ملعقة عسل+قرفة تعمل على الوجه 20دقيقة ثم تغسل بماء دافئ ثم بماء بارد ينشف الوجه ثم يدهن بزيت الزيتون مدة اسبوع
او حليب البزولة للمرضعات

اكزيما وراء الادن
جاتني واحد النهار و كلاتني و انا تنرضع و درت حليب البزولة طارت ما صبحت

المهم الى تفكرت شي حاجة دابا نزيدها ان شاء الله و على فكرة هاد الوصفات كلها جربتها انا شخصيا و هي اللي تندير فبيتي
نتمنى نكون افدتكم و مانكونش ثقيلة عليكم