زيارة رجال مكناس

غادي تمشي للهادي بن عيسى هو الأول وعلى فكرة راه هو المقام الكبير ديال الباشا حمو الي عندك
غادي تزوريه هو الأول وغادي تهدي ليه الشمع والزهر ودوري مع الشرفة تما يديرو ليك الفاتحة
وغادي تنزلي للحفرة ديال عايشة غادي تهبطي معاك الشمع والزهر غادي ترشي الزهر تما وتشعلي شميعاتك ونوي داك الشي الي باغا وغسلي إيديك ووجهك من الروبيني الي تما وطلعي بحالك
وديريكت غادي تشدي طاكسي لسيدي علي من تما غادي تطلعي لسيدي أحمد الدغوغي هو الأول غادي تاخذس طبق ديال السودانية وتهديه ليها غا شريه من تما راه كيكون مصايب المهم هو النية وصافي هدي الطبق ودوري مع المقدم تما وخرجي بحالك وهلي هبطي لسيدي علي سيدي زوري سيدي علي تاهو وهلي غادي تدوزي التبييتة ديالك وتغطيها بغطا بيض لأنك هديتي الغطا الكحل للسودانية في الأول ومن الأحسن تدوزي دبيحتك تما كيما شفتيها اللهم تدوزي ذبيحتك وتسالي شغلك وتنوضي نايضة ولا تبقى واقفة ليك تما
الميمة راه حنينة بزاف ولكن إلى مشات تا ناضت وعكسات لشي واحد غا الله يحفظ مع الله يستر
صافي ملي غادي تهدي طبقك وتدوزي على ذبيحتك غادي تهبطي لعين كبير غادي تشري قرعة ديال الزهر وشميعات وتدخلي تغسلي خوي القرعة ديال الزهر في السطل وعومي بيها وشعلي قبل ذلك شميعات ولوحي الملابس الداخلية في الكرمة الي كاينة تما وهلي من تما غادي تشدي طاكسي وتطلعي لمولاي إدريس زرهون غادي تزوري وتأدي الواجب من شمع وزهر وتدوار مع الشرفة تما باش ما سخاك الله وشري الباروك من تما الحلوة ديال مولاي إدريس زوينة وتميرات رجعيهم معاك لدارك وهلي غادي تشدي طاكسي لمكناس ومن مكناس غادي تسولي على الطاكسيات الي كيدو لسيدي سليمان مول الكيفان عنداك يدوكم لمدينة سيدي سليمان قولو ليهم بحال هكا سيدي سليمان مول الكيفان أنا براسي واحد النهار كنت غادي نتقولب ويدوني لمدينة سيدي سليمان ملي غادي توصلي لسيدي سليمان غادي تهبطي للحفرة كاين تما واحد الجو رهيب غادي تهبطي معاك الزهر والشمع خوي زهرك وشعلي شميعاتك ونوي داك الشي الي باغا وراه سيدي سليمان مول الكيفان هو المحكمة ديال السودانية وهلي غادي تهبطي للساريج غادي تغسلي وطلعي بحالك وهنا كملات الزيارة
والله يجعلها زيارة موفقة مقبولة
أهم شيئ هو النية الخالصة سيري غا بنيتك تربحي

شكون بغات تمشي معايا انا الاربعاء انشاء الله هابطة لمكناس توحشتوو موووووووت امكناس يالحبيبة