جلب الجواد

كتعمري يا لالة واحد البراد ديال أتاي بنية أنك غادي تعمريه للجواد ضيافة ليهم باش يجيبو ليك السيد الي نتي باغاه
عمريه من ورا العشا وحطي البراد في الصينية داير ب 7 الكيسان
وحطي يا لالة حداك واحد المجمر لوحي فيه شوية القزبر والجاوي
وهزي الرجل اليمنى وحطيها فوق الكرسي واليسرى خليها فوق الأرض
وبداي تعمري في الكيسان ونتي كتقولي :
ضايفتك يا مذهب يا و تاج المنور بحق أمك الشمس
ضايفتك يا ميرة يا بنت الغالية الكبيرة يا المنورة بنت الكمرة المدورة
ضايفتك يا عود اللوز والخيزران يا الحمر الساحر بزينة الرجال والنسوان
ضايفتك يا الميمة عايشة يا الكريمة يا الفاهمة يا الحكيمة
ضايفتك يا رقية بنت الفقيه شمهروش حضري عندنا برضاة الوالدين
ضايفتك يا زينة النسوان مليكة بنت البيض الفتان نزلي داري
ضايفتك يا ميمون الكناوي يا اللي حدك في الأرض مالو حدود جاوبني وحضر ضيافتي
جاوبونا يا السبع ملوك هذا أتاي المعسل المقطر ما تكملوه حتى تملوا غرضي وتجيبو لي سعدي ومورادي
من ورا سبع بحور تجروه وعقلو تلبوه ما يفيق إلا وهو في في حضني مليوح مستوه
ونتي كتقرا العزيمة كتخيلي السيد الي نتي باغاه
كتضمري عليه في خاطرك
وتخرجي بحالك حتال الصباح وتجي تحيدي داك أتاي خرجيه برة سقي بيه شي جردة ولا محابق ولا شي حاجة خضرة
بالتوفيق

بارك الله فيك شامة

شكرا ليك حبيبة على الموضوع