لي بغات تغلاض و تصحاح, تدخل و تدعي معايا

للمهم بغيت نفيدكم : كلوا شكلاط نيتيلا راه كيغلض, فطرو به مع الخبز او ديروه فالعشية, و كاين لي كيخلط معاه اللوز و الكركاع و الجنجلان محمرين و مطحونين و كياكلو بالمعلقة. 

و ديرو التقاوت بقاو تاكلوها فالصباح: لوز, كركاع, جلجلان, كاوكاو, صوجا, حمص, فول, شعير او البلبولة ديالو  و حبوب القمح, زريعة الدلاح, ايلان.. هادشي ديرو منو نصف زلافة من كل حاجة, الا الفول و الحمص ديرو نصف زلافة مخلطة, الشعير و القمح ديرو مني جوج زلايف.
هادشي حمروه فالمقلة وخلطوه وديروه فواحد الخنشة و زيدو معه شوية سكين جبير و شوية الفوة و شوية خودنجال و طحنوه فالطاحونة , جيبوه و غربلوه , داكشي لي غادي يبقاى عاودو طحنيه غير فالدار, و بقاو تغربلو, من بعد ديرو زيت الزيتون و العسل يكون مزيان بحال: زمزمي راه بحال الحر, و بقاو تاكلو بصحتكم, منها البنة ومنها الصحة و منها الفائدة و الغلض, يلا جاكم مسوس زيدو سكر كلاصي.

هادشي راه احسن من داك السم لي كيهلك الجسم, ديروه و ردو علي الخبار, انا شخصيا هادوك التقاوت كنديرهم من رمضان لرمدان و كيبقاو لي حتى يدور العام

هذا راه كيشبع و كيغلض , و ادعيو معايا يحقق لي الله ما تميت و ييسر اموري و يحن عليّ.

شكرا لك لابيلا واش زريعة ديال الدلاح كتغلض تاهيا نو تيلا معرفتهاش ممكن صورة

راه كتدار مع التقاوت يلا بغيتيها ديريها يلا ما بغيتيهاش بلاش, انا ماكنديرهاش ديما

اممممم متشهي شكرا زين

ديري هاد جوج وصفات و شوفي كيفاش غادية تولي ان شاء الله, و بدون اضرار.

اه عندك الحق هاد وصفات كيغلضو.وزيدي عليهم المعجنات والبطاطس مسلوقة

islam princesse كتب:اه عندك الحق هاد وصفات كيغلضو.وزيدي عليهم المعجنات والبطاطس مسلوقة

oui c vrai , merci khti islam

العفو اختي

جومانة الا عندك البشرة دهنية مشيتي فيها هههههه

شامة كتب:جومانة الا عندك البشرة دهنية مشيتي فيها هههههه

صحيح ان العناصر الموجودة هنا ذهنية لكن ما منهاش خوف لانها طبيعية, و على العموم كاينين وصفات لتقليل ذهون البشرة, ابسطها صابونة الكف او الطاوس عندهم مفعول رهييب لتصفية البشرة من الشوائب و البثور. و ممكن تديري ماسك ديال الطين الاخضر مرة او اثنين في الاسبوع على الاكثر, اذا كانت البشرة عادية زيدي معه قطرة ديال ريت الزيتون او الاركان, و اذا كانت دهنية بلاش, و خلطيه بماء ورد و خليه ينشف شو ية و اعملي بحال كوماج, من بعد اغسلي وجهك بالماء العادي و مسحيه بماء ورد و ردي علي الخبار

الذهون حالها ساهل ماشي بحال الزغب لي ناض ليها 

وي بصح كاينة مي كل واحد او فاش كيرتاح على العموم الله اغلض كل واحدة بغات الغلض او اضعف اللي بغات ترقاق هههههههههههه ايوا قولو امين

آميييييييييييييييييييييين اختي شامة هههههههه, انا نيت بغيت نرقاق .

ايوا الله ارققك هههه

طيبة القلب كتب:

 عندك صح لابيلا دابا شهرين كنديروهم متابعين والله كيصححو وكيفتحو حتى الشهيه يعني حاجه طبيعيه ماضرك 

الله اكبر, لقد ظهر الحق و زهق الباطل لههههههههههه, و اخيييييييرا شي وحدة متافقة معايا هههه.
راه جاوني البنات بحال يلا تقلقوا مني, و انا والله نصحتهم من صميم معرفتي و التجارب لي دازو من قدامي.
شكرا طيبة على مرورة الطيب.