الفتاة المغربية

الفتاة المغربية هي هاديك لي عشقت كريم لي فالقراءة ديال التحضيري من أول نظرة و قبل منُّو كانت مُُعجبة بكونان و الكابتن ماجد والنمر الموقناع، و عجبها أيمن ولد الموعليمة و بغات إلياس من قال ليها واش عندك ستيلو ازرق زايد و تزعطات فولد جيرانهم حيت كان موشتاهيد و ديما يجي الأول فالقسم، هي لي طاحت فغرام تامر حسني من طلعات للإعدادي و فجأة نساتو من بدا المسلسل التركي ديال مهنّد ونسات مهنّد من بدا مسلسل كريم التركي كذلك وبدات دير التصاور ديالو فالبروفيل وتفكرات يامات كريم ديال التحضيري، هي لي ديما كايعجبها كاظم الساهر و فكل نسخة من ستار اكاديمي كاتزعط فواحد من المشاركين وكاتبقا متبعاه غي هو، ومن بعد كاتنساه من يبدا عرب آيدول و كاتزعط فواحد من المشاركين فالبرنامج عاوتاني بلا مانهضرو على حسن الشافعي هاداك كايبقا ثابت فكل المواسم، هي لي فـ 2004 عشقت الزايري والشماخ فخطرة وحدة و من بعد نساتهم و تزعطت فاسامة السعيدي بلا مانهضرو على رونالدو و نيمار ... إلخ . الفتاة المغربية هي هاديك لي نسات كلشي هادو لي ذكرت الأسماء ديالهم من بدا ماستر شاف "المغرب" وتزعطات فعادل، الواليدة ديالها كايحساب ليها بنتها كاتفرج فالبرنامج باش تعلم الطياب ولكن هي متبعة عادل، و بدات تكتب عليه فالفيسبوك و دير تصاورو حقا ما حقا كايعرف يطيّْب آه تيْقتك انا تيْقتك .. علاش ماتزعطيش فالشاف موحى ياك هو شااااااف ماشي غي مشارك، فجأة من تقصى عادل السيدة مابقاش كايعجبها البرنامج سبحان الله، نعم يا سادة هاد شي عاد غي لي تفكرتو انا وغي باختصار, و زيدو سامي يوسف و ماهر زين و أحمد الشقيري من قوة الإيمان ... هذه هي الفتاة المغربية لي دارت هاد شي كاااااااامل و كاتجي للاخر انضار احترام القانون تبدا تغبّْن وتكتب بكل براءة : " الرجال مافيهمش ثقة وعينيهم زايغة وماكايسواوش "
ماكنهضرش على كلشي بطبيعة الحال ولكن هذه هي الحقيقة هههههههههههه

ههههههههههههههههههههههههه مسخوطة

اوا كيف جاوكم القصص دياولي
باقا نوبت بو زنطيط نقاد المورال

ههههههههههههههههههههههههههههههههههههههههههههههه

ههههههههههههههههه

ههههههههههههههههههههههههههههههههههه