دانيت ديال الدار ساهل ورخيص وكبصدق

طريقة دانيت فيه نصف لتر حليب 18 قطعة ديال الشكلاط السوداء 2 معالق كبار بودرة الكاكاو واحد البيضة واحد معلقة كبيرة ونصف نشا و2معلق كبار سنيدة او اكثر حسب الذوق كتديري الحليب والشكلاط مربعات فالكاسرونة فوق النار باش يغلى وفي اناء اخر طربي البيضة مع النشا وسنيدة طربيهم مزيان وردي بالك متبقاش شيء كركوية ديال النشا وغادي يكون الحليب والشكولاط سخنوا وداب الشكلاط وهزيهم صبيهم على المكونات الاخرى وانت كتحركي ورجعيه للكاسرونة فوق النار وزديهم الشكلاط غبرة وحركيهم مزيان حتى تدوب الشكلاط وبقاي تحركي حتى يعقاد الخليط والنار تكون مهيلة وملي يعقاد الخليط صبيه فالزلايف وخليه يبرد وزوقيه حسب الموجود انا زوقته بالكوك واليسطاش مهرمش

زووووووين بزاف
شكرا حبيبة
شهتنييني نديرو

صفاء كتب:زووووووين بزاف
شكرا حبيبة
شهتنييني نديرو

بصحة زين غير جربيه ديما الحاجة ديال دار حسن