وصفة ساهلة مجربة للى باغا تزيل السمورية نتاع الشمس من الجسم

السلام عليكم
كيدايرن الاخو ات كنتمنا تكونو بالف خير
هادى واحد الوصفة ساهلة للى تبرونزات هههه او الى عندها سموريى نتاع الشمس تصلاح للجسم كولو ونتيجة ديالها مزيانة وسريعة ومجربة منى شخصيا
الوصفة فيها بطاطا مقشرة ومقطعة قطع صغيرة وتعملى عليها شوية الما غير باش تطحن ليكط فمولينيكس ومنبعد خلطيها فمولينيكس منبعد صفيها خودى داك العصير نتاع البطاطا وخلطى معاه عصير حامظة وتاخدى الى عندك رشاشة احسن ديريه فيها و ديريها لحمك كو لو بداى ترشى ولا دهنى بيه الى معندكش ديك الرشاشة وبقاى حتا انشف ولبسى حوايجك راه عادى تتمصو البشرة عمليها اسبوع وردى عليا راه والله الى كتحيد السمورية انا ملى درتها المرة الاولى ستغربت حيت كنت مازال مدرت الحجاب ومشيت البحر وتبرونزيت هههه وقلت لش غندير ودرتها صبحت نقصات ديك صمورية واسبوع رجع لونى كيف كان .
ونزيدكم حتا البشرة راه البطاطا كتصفيها اتشدى بطاطا وتحكيها فحكاكة نتاع مطيشة وديريها البشرة نتاعك الى كنتى نظفتيها من فبل وتستارحى يعنى ملى ديريها نعسى وغمظر عينيك خليها نص ساعة حتا ساعة وماتكوليش صعيبة ولا بزاف راه والله الى كتصفى الوجة وكتحيد ديك الكحوليه الى كتكون تحت العينين .اى سوال وقنما دخلت نجاوبكم .