نصائح نصائح نصائح نصائح نصائح نصائح نصائح نصائح 'نصائح منزلية

[  نصائح نصائح نصائح نصائح نصائح نصائح نصائح نصائح
 
ابيض البيض باش
يطلع مزيان نضربوه مع قبصة ملح
 
الحريرة باش
مديرتش الطبقة ديال الختورة ندير ليها شوي ديال الزبدة
 
الشابلير: نشدو
الخبز ونحكوه وندوزوه فالمقلة بلا زيت حتى يقصاح
وندوزوه فالغربال ونستعملوه بلا منيبسو الخبز وياخذ لينا وقت
 
 
 
 
العشوب الاربعة :
الازير + الزعيترة + الزعتر + ورقة موسى
 
 
لتنظيف الفضة ناخد مسحوق الغسيل ونخلطه مع الارنج
وندهن به اواني الفضة ونخليوه حتى ينشفو ونغسلهم
ونمسحهم ونحكهم بالنخالة تم بمنديل ناشف.
 
 
لازالة الوسخ من القاع ديال القراعي ناخد الخل
والحامض والملح ونصب عليهم ماء سخون ونخليوهم مدة من بعد
نغسلهم
 
لتنظيف المصلوح
ندهنه بمعجون الاسنان ونخليه ينشف ونشعله يدفى شوية ونحكه ببونجة
حرشة
 
 
لتنظيف المصلوح وتنقيته من الداخل نعمرو الخزان
بالخل ونسخنوه ونرش به هكدا كيتنظف
 
 
القصرية الى شريناها جديدة كنغسلها ونخلط شوية
الزيت والصابون البلدي ونخلطوهم مزيان بحال بوماد وندهن به
القصرية ونخليوها تبات به ونغسلوها بالمسحوق
 
 
الى بغينا نظفو طنجرة الضغط كناخد حامظة ونقسموها
على زوج ونغمسوها في جافيل ونحكو بها الكوكوط كتولي كتلمع مع
استعمال القفازات.
 
لتنظيف البراد كنعمل فيه طريفات الارنج والماء
ونخليوه يغلي كتزول الكحولية اللي في الداخل
 
الحوايج الغامقين بش ميكشفوش
نخد الحوايج الجداد مقلوبين نرقدهم ندير إطرو
ماء
فكاس خل + ربع كاس ملح ليلة كاملة ثم نغسلهم كيف العادة ننشرهم
فالضل ينشف نصلحهم.
 
حوايج القطن
نغسلهم ينشف فالضل انسخن الفران نطف هحتى يدفى نسرح فيه
الحوايج هكا يبقى لونهم
 
 
 
 
حوايج الصوف
انصبنهم مقلوبين مشي باليد ونعملوهم فزيف انعملهم يقطروا فالضل
منبعدنشرهم
 
 
 
 
الحوايج البويض الى
رجعو صوفر
انصبنهم عادي انرقدهم فالماء طايب وجافيل والصابون حجرة محكوك
منبعد نشلهم انشرهم فالضل أنصلحهم
إلى كان المداد فالحوايج اندهنهم بالصابون البلدي والمسحوق
انغلو الرقعة انحكها غتزول إلى التوب ديال الدجين بش
ميكشفش
 
الفقاص مزيان بحال ديال الباتيسري ناخد اللوز صحيح و نغطيه بماء الزهر و
نخليه ليلة كاملة باش يتنفخ ثم يستعمل في الفقاص و ملي
يطيب شوية يبرد
ضروري نقطعه بموس ماضي باش ما يتفرتتش
تجرحو الاطفال عند اللعب تندهنو ليهم بالعكر ديال 24 ساعة
 
الطرموس ديال القهوة : منين كنجيو
نشربها كنلقو المداق
مبدل منين يخوانكب فيه الما طايب مزيان ثم نخووه اندر فيه حبات قرنفل
أوعود قرفة انسدوه حتى نبغيو نستعملوه.
 
الطرموس ديال الحليب
: نفس الطريقة أنعمل كموسة فيها شوية ديال
الفورص انسدوه حتى نبغيو نخدموه.
 
 
القهوة بالحليب سريعة
: نخد العصارة ديال القهوة انكب الحليب
مكان الماء أنالقهوة فالمكان ديالها منين توجد نحصل علا قهوة حليب
سريعة.
التفاح إلى كان مكمش
 
في 2بانيوات واحد فيه الماء طايب والثاني بارد
مثلج
 
 
نعمل
التفاح فالماء الطايب مباشرة ندخله فالماء المثلج.
 
 
 
 
هكا
نحصل على تفاح الجلدة ديالومجبدة
بحال إلا شريناه
طري
 
باش نعطر الدار نشدو صابون الريحة نختار لون واحد
ونحكه فالحكاكة ونديرو كميشات بالثوب ديال
 
لموسلين ونعقدوها بشي سينتة ونعلقوها
في ارجاء المنزل
 
 
باش نعطر المضارب ناخد ابرة ونعمروها
بالريحة الي بغينا ونغرسوها فالمضارب ......
 
 
الرخام او سيراميك بعد مانكمل من التنضيف
ديالو نشد واحد اناء نديرو فيه ماء + زيت معطر او رائحة الي بغينا ونمسح
بيه
 
 
 
 
الى شاط لينا الابيض البيض او الاصفر
نسلقوه فالماء ونحكوه ف الحكاكة ويستعمل في الشلاظة
 
 
 
الجبن الى كان كثير نشدو شوي د الماء
ونسخنه ونخليه حتى يبرد ملي يبرد نزيدو ليه الخل + شوي زيت
+ الجبن +ونديروه فشي سوبيرة
ونغطيوها بغطاء محكم ونحطوه ف الثلاجة
 
للحصول على الثوم القصبي نشدو 3 ثومت
ونغرسوهم ف التراب ونسقيوهم يوميا لمدة 4 ايام ومن بعد 4 ايام نسقيوهم يوم
بعد يوم غير شوي
 
الى بغينا اللوز او الكركاع نبيتوه فالماء
ليلة كاملة فالصباح كيتقسم على 2 بكل سهولة
 
القشرة دالكركاعة نشدو العجينة ونغلفو
الكركاعة من برا وندخلوها لفران ملي طيب نزولوها ونعمروها
 
الى بغينا نحيدو بقع الفريز والرمان ف الحوايج
اوفشي بلاصة نديرو ليهم عصير حامض + الخل الابيض ونفركو
الحوايج خصهم يكونو ناشفين من قبل عاد نصبنوهم
 
 
 
 
عظم
الزيتون =نجمعهم ونغسلهم ونتركهم حتى يبسوا ويقسم الى مجموعات تم يصبغ
بصباغة الماء وتترك حتى تنشف فى الشمس ونعمرو بيه
الفاز
 
 
 
 
 
الفراش اللى كنحطوا عليه البراد =
كنخدوا التوب كنخيطوه ونعمروه بالخزامة مكان القطن مللى نحطوا البراد على
التوب الدائرى كيعطى ريحة
 
 
 
باش نسقيو نباتات الظل
=2معالق قهوة في لتر ماء+2بصلات محكوكين نمخضهم ونسقي بها الغرس على 5ايام
في الصيف نسقيه 3او4 مرات وشتاء اسبوع
 
 
 
خزين البيض خارج التلاجة
ناخد سطل فيه البلبولة او السميدة يخزن فيه البيض او التبن طبقة من
التبن وطبقة البيض تم التبن وهكدا
المانطات الى بغيتي ملى تصبنيهم ما يتحببوش
ويبقاو بحال الى جداد في التشليلة الأخيرة اضيفى الى الماء ملين الشعر
 
 
 
البراد ملي يكحال من الداخل ديري فيه الماء
مع خميرة الحلوى وخليه يتبخ ثم حكيه
 
 
يتم طرد العناكب او
العنكبوت من دخول المنزل ناخد الشبة مع الماء و نمسحو بها الشراجم و
الاماكن لي تتكون فيها
 
 
الحمص يرطابلك في ظرف نصف ساعة : ديري
ماء غليان والحمص في طرموسة القهوة وسدى عليها
 
 
لمحاربة الذباب
 
حامضة تقسم على 4 و تتك فوسط الحامضة باعواد القرنفل
 
و نفس قطع الحامض ممكن اعادة استعماله بدهن الاحدية او تعيدي المسح
بزيف و نعيد مسحه بالفازلين و ممكن مسح الصيكان
 
 
 
الارنج ممكن نغسلوا بيه
الدجاج بدل الحامض
 
 
تحضير المربى و
الاحتفاظ به مدة سنة خارج الثلاجة
 
نعقمو القراعي في الماء فوق البوطة 10
دقائق وغير نطفيو عليهم العافية نديرو فيهم المربى وهما سخان و نسدو مزيان
القراعي و نقلبوهم ونخليوهم مدة 24 ساعة ثم نحتافظو بيهم
حتى لعام خارج الثلاجة ولكن غير نحلو القرعة نديروها في الثلاجة
 
 
البيض الى تخوى على الزبية نخوي عليه
الملحة ونخليها عليه ربع ساعة ونمسحها بزيف فيه منظف
 
الشمع المعطر باش يدوم مدة طويلة نوضعوه في اناء ونخوي في جنبوا الملحة
 
 
سفرجل الى بغينا نحتفظوا به في
الكونجيلاطور كنطيبوه ونعسلوه ومن نبغيوه نجبدوه
 
باش نقشر الكركاع نرقدوه واحد نصف ساعة في الماء
 
لشابلير نضيف ليه الخميرة الكيميائية باش يج مقرمش
 
الشيفلور ملي نصلقوه نضيف له شوية الحليب باش يحافض على لونه
 
-ندير مكعب سكر مع البسكوي او الفقاص باش يبق مكرمل
 
 
البصلة
إلى بغيناها متنوضش كنديروها حدا الثلاجة الجهة للي فيها السخونية (مابين
الثلاجة والحايط) و تبقى حتى شهر
 
 
الى
بغينا نعاودو نستعمل الصوف المخدومة كناخدو التريكوات للي قدام ديال الصوف
كيتحلو ..كيرجعو خيط كيباتو فالفريكو ليلة كاملة فالصباح
كيتفورو وكيتخدم بيهم طاقية ولا تقيشرات ولا كاش كو ديال الوليدات فحال
جديدة كتولي.
 
 
لمعان
الخشب كناخد حبوب اتاي و نخوي عليه الماء طايب مل يبرد نمسح
به الخشب
الزرابي
اللي بهاتت, نطحن اتاي و ندردروه على الزربية و
نخليه 5 دقايق و نشطبوها
مل
يتسد رشاش الحمام كناخد نصف لتر ماء+ كاس خل نديروه يغلى و نحط فيه
الرشاشة 5 دقايق
 
اواني
الاليمينيوم ناخد كيس ديال الحمام قديم نفزكوه بالماء و الصابون البلدي و
الخميرة ديال الخبز و نحكوها
 
ريحة
الصباغة: ناخد بصلة بقشورها نقطعوها و نديروها في
الماء بارد و نحطوه وسط المكان
الي فيه الصباغة

 

صراحة مخليتيا منقول العز والنصر على الاستفادة

الله يحفضك