تجربة احدى الاخوات لزيادة الوزن

الوصفة كما كتبتها الاخت

انا فرحانة اليوم عبرت راسي ولقيت فيا 53 كيلو من 45 فمدة شهر كنت ضعيفة بزاف مع الحمل والرضاعة كملت عليا واصلا قبل هادشي كنت ضعيفة ومخليت مجربت وحتى حاجة منفعتني والله العظيم مكيناش شي وحدة تكون بحالي فالتجارب ههههههه حتى وليت نحشم نلبس شي حاجة حتى حاجة مكانت تجي معايا ولكن الحمد الله ماما سيفتتلي شي عشوب كيغلضه كالتلي جربيهم حيت بنت صاحبتها جربتاهم وبانت فيها النتيجة غلاضت واخا هيا بحالي كنا ب 2 كنعانيوا ايوى وبديتهم واخا كنت عارفة النتيجة مسبقا غير بغيت ندير لماما خاطرها وفاش بديتهم والله العظيم وليت ناكل وكضربني الفيقة فنص الليل ونوض نقلب مناكل وحتى ايلا ملقيت والو كناخد خبز هكاك مافيه والو وراجلي لاحظ الفرق كالي غلاضيتي وتاكدت فاش عبرت راسي

البنات يلاه وجدوا ورقة وستيلو
كتاخده كاس من كل حاجة يعني المقادير اللي غادي نكتب وخلطوهم وبقاو تاخده 3 معالق فالنهار قبل الاكل ولا اي وقيته بغيته
حلبة-النافع - زنجلان-ايلان-كروية-زريعة القزبور-نخالة-
غير زعموا البنات وجربوها وكنتمنى اي وحدة استفدت من الخلطة ترجع وتكتب الرد ديالها امانة عليكم باش يبقى الموضوع مثبت ويستافده منه بنات بزاف واي وحدة قرات موضوعي بغيت منها غير دعيوة ديال الخير واخا غير بينها وبين خاطرها دعي معايا ربي يسهل اموري ويحفظلي بنتي وراجلي ويرزقنا بالحلال

كطحني كل حاجة بوحدها عاد تخلطيهم و تاخدي معلقة قبل الاكل مع الماء

ثلاث مرات في اليوم

الله غلض كل واحدة على قد النفع     

شكرا للافادة عزيزتي.