حملة يلاه نعتنيو ببشرتنا (متجدد)

[img([ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم عزييييييييييييييييزاتي كيف حالكن
يارب تكوو بخير المهم باراكا من العجز
ويلاه تحزمو ونعتنيو بجمالناااااااااااا

يلاه باراك من النعاس واجي معانا
فحملة يلاه نعتنيو ببشرتنااااااااااا

علاش حتى حنى منشطوش
ونستافدو واش فيها شي عيب لالالالالالالالالا
ههههههه المهم الهدف
هو اننا نفعو بعضياتنا بالوصفات والمنتجات
اللي جربناها وعطات نتائج اجابية
وفنفس الوقت اي وحدة فينا عندها مشكل فبشرتها
تطرحو لينا واحنايا غنعاونوها هنايا
وايلا نجح لينا هاد التجمع غيكونو تجمعات
واجزاء اخرى ان شاءالله متعكزوش
كنت موظفة او ربة بيت او طالبة او او او
المهم فالاخير انك انثى ولازمك عناية
لبشرتك وجسمك وعدة امور اخرى
المهم انا فانتظار ردوركم
في امان الله

شكرا بسمة

موضوع زوين او بغينا نستافدوا من وصفات لكيديرو لبنات
مهم غنبدا بوصفتي دانون مسوس او نيدو وصفة روعة لوجه

وانا كنستعمل هاد الوصفات لوجهي والله روعة
الحلبة مطحونة ومح بيضة بلدية انا كنت تحرقت فوجهي من الجهة اليسرى كلها
تهرس المجمر وزلقت وطحت وسط الرماد باقي سخون ومشيت عند الطبيب ودرت الدواء ومع ذلك كنت كلما تعرضت للشمس كيضهرو فوجهي بقع سوداء ونصحاتني بها واحد السيدة الله يرحم ليها الوالدين ودابا لي شافني ما كيقولش محروقة
كتاخدي الحلبة مطحونة من عند العطار وملي تبغي تستعمليها عاودي غربليها بشي صفاية ديال القهوة باش ما تبقاش حرشة وديريها ماسك لوجهك مع مح البيضة وخليه حتى ينشف وديري بيه بحال كواج عاد غسليه عادي وملي تنشفي وجهك دهنيه بماء ورد باش ما تبقاش فيك ريحة الحلبة
ومن بعد ان شاء الله غادي نكتب ليكم وصفات اخرى مجربة
شكرا بسمة

شكرااااااااا يالغالياااااااااااااااااااااااات على التفااعل

*****************************************
*****************************************
*****************************************

اتمنى ان تشارك البنااات لتعم الفائدة

بسم الله والحمد لله

-
-
-
-
-
-
-

الى ما عندك وقت للماسكات وجدي هاد التركيبة فالثلاجة

صابون بلدي + تفل القهوة ميبّس + وجهك يكون مبلل

خلطيهم وعملي حركات دائرية للوجه

غسليهم بعد وقت قصير او لعدة دقائق اللي بغيتي

النتيجة ؟

-
-
-
-
-
-
-
-
-
-
-
-

عنداكي تبقاي حالّة فمك وتنسايني بشي دعيوة ديال الخير هههههههههه

-
-
-
-
-
-
-
-
بسمة امل

ماسك جميل بزاف كيبيض البشرة فالحين و كيصلح حتى للبشرة الحساسة
وهو عبارة على بطاطة محكوكة+دانون مسوس+ملعقة ديال النشا
تخلطيهم و ديريهم لوجهك تخلي الخلطة ربع الى نصف ساعة و تغسلي وجهك و شوفي النتيجة
الى درتيه كل نهار راه يفتحلك لون البشرة و من بعد بقاي ديريه غير للاماكن الغامقة فوجهك و شوفي الفرق

✿

صباح النووووووور على الغزالات ديال المنتدى

كي صبحتوو

لاباس عليكم ؟؟

❀❀

حبيت اليوم نعطيكم 2 وصفات سحرية لتصفية الوجه فمدة قليلة
علاش قلت سحرية لان مفعولهم زوين بزاااف و مضمون باذن الله

البقدونس – او المعدنوس
شدي واحد الربطة نقيها مزياااان و غسليها مزياااان و غليها مع 2 كسيان العنبة دالماء معدني. و مللي يطبخ مزيان صفيه و عمليه فقريعة نقية ديال الزاج فالثلاجة.
و هاهو tonic واجد و فيه فيتامينات ياما و خصوصا فيتاميت E المعروف بخاصية التفتيح
بقاي كل يوم تدهني وجهك بقطينة و بلا ماتغسليه غير حكيه مزيااان بديك القطينة فيها شوية من التونيك
ومع المداومة غادي يصفى الوجه و يولي مشرق و منور

ماء الورد مع الحامض
خودي ماء الورد النوع المزيان و قليل من عصير الحامض- citron -مركز و خلطيهم و دهني وجهك بيهم يوم اه و يوم لا و خليه 30 دقيقة و غسلي وجهك
كينقي و يصفي الوجه من البقع
و انا فاين ما نغسل وجهي مللي نبغي ننعس, نغمس قطن بماء الورد و ندعكه مزياااان مع وجهي و من بعد ننعس
كيصبح و جهي منور و الله

زيدك هاد المعلومة. ايلا فيك الحبوب. و السبب خارجي يعني. يعني مايكونوش بسبب هرمونات او مشكل داخلي
المهم تاخدي اوراق النعناع و تغسليهم مزيان و تحاولي تمعكيهم باش تخرجي ديك الماء اللي فيه و من بعد دهني بيه دوك الحبوب اللي فيك و خليه و من بعد غسليه بماء بارد و مسحي بشوية ديال ماء الورد و الحامض. باذن الله و مع المدة راه يقلالوا و يزولوا

تصفية البشرة

رسالة جديدة من طرف حبر العيون اليوم في 1:08 pm
هذه الوصفة كتبييض لوجه و المفعول ديالها كيبان من اول استعمال . كنستعملوها مرة في الاسبوع .

كنجيبوا نيدو كنخلطوه مع ماء الورد حيث نحصل على خليط خفيف نوعا ما .

كنيزيدو عليه ملعقة من العسل (اختياري لتسريع تغلغل الخليط في البشرة ) ، و كنزيدو ايضا ملعقة من النخالة ،كنخلطوا مزيان و كنديروه على وجهنا لمدة ٢٥ دقيقة . من بعد ما نكونوا غسلنا وجهنا و قشرناه (بسكر و الليمون ) . من بعد ما نحيدوه ندوزو على وجهنا قطعة ماء ورد مثلجة

طريقه رائعه لتصفية البشره

المكونات:
1-عصير ليمون
2-بياض البيض
الطريقة:نخلط المكونات و نضعها ماسك للوجه و نزيلها بالماء بعد ان تجف

من طرف موجة الخميس 8 مايو 2014 - 17:15

مشكوووورات اخواتي على الوصفات

بالنسبة ماسكي المفضل نيدو و فرماجة و قليل من الدقيق باش يجمع شوية الخليط تخليه حتى ينشف و تحيديه بحال الكوماج روعة

شكرا اختي موجة على الوصفة

ana kan3mel gommage b formage kandhan biha wejhi kankhalih yenchef chwiya onbda nhek wejhi mni yzol kamel ghesli belma mn ba3d dehni b ma ward kayna9i okaysafi lewjeeh