السحرالعجيب لجلب الحبيب
زائرنا الكريم للتتمكن من الإستمتاع بكافة ما يوفره لك هذا المنتدى قم بتسجيل لتتاح لك فرصة قراءة المواضيع

انضم إلى المنتدى ، فالأمر سريع وسهل

السحرالعجيب لجلب الحبيب
زائرنا الكريم للتتمكن من الإستمتاع بكافة ما يوفره لك هذا المنتدى قم بتسجيل لتتاح لك فرصة قراءة المواضيع
السحرالعجيب لجلب الحبيب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

جبت لكم واحد الحجاية زوينة ديال واحد البنت اسمها وريقة الحنة

3 مشترك

اذهب الى الأسفل

جبت لكم واحد الحجاية زوينة ديال واحد البنت اسمها وريقة الحنة  Empty جبت لكم واحد الحجاية زوينة ديال واحد البنت اسمها وريقة الحنة

مُساهمة من طرف yasmina الأحد 12 أبريل 2015 - 15:18

البنات جبت لكم واحد الحجاية زوينة ديال واحد البنت اسمها وريقة الحنة
سميتي وريقة الحنة فعمري 26 عام ..الستة ديال الصباح انا فقت ولبست حوايجي.ومشيت لخدمتي لي سمع خدمتي يقول هادي خدامة طبيبة ولا بيلوطا اودي كترت الهم كضحك وكتجيب الهيستيريا ديال الضحك وصلت للخدمة مع 6 ونص بدلت حوايجي ولبست التوني ديال لخدمة مع ختكم ظابط ممتاز فتحضير المسمن والملوي في قهوة العراقي لي كاينة قاع المدينة عجنت وبديت تبرد سمي فديك لعجينة نخبط ونبوني فيها وندلك ونخبط وتفتف عليها بحالي هي زهري وميموني لعوج الي حلف لا تقاد ولا ضحك ليا ناس عندهم الزهر وانا جد بويا عندي الواد.
عجنت لمسمن وطيبتو وصلات الحداش ديال الصباح جمعت قلوعي وسرحت مع الطريق رجعت للدار.20 درهم باش خدامة في النهار دزت للسويقة شريت خضيرة ودزت من حدا الجزار وبقيت مبرقة عينيا كانشوف في اللحم كاتشهي.وافيقي احنينتي من القلبة وسيري رآه بحالك ماكايعرف اش ناهيا اللحم.اش خصك العريان اللحم امولاي.كملت طريقي دخلت للدار فين ساكنة قصر السي التهامي هههههههههههههههه وبا هو السي التهامي كان خدام بناي مع واحد المقاول.كان مسكين خدام مابيه ماعليه حتا وقع ليه حادث عمل طاح من فوق السرير وتشلل وبقيت انا خدامة عليه وعلى راسي اما الوالدة الله يتولاها برحمة الله ماتت في كسيدة ضربها واحد مسخوط الوالدين وهرب وبطيحتها بموتها.ماخدينا منه لا حق ولا باطل وما عرفنا حتى كمارته كيف دايرة.الله يرحمها ويوسع عليها في هذا النهار.تغديت انا وسي التهامي كلينا واحد الطاجين مبرع عامر خضرة داير بحال قوس قزح وبيني وبينك طاجن قوس قزح هوا غدانا كل نهار اما عشانا شوية ديال الشعرية جارية بلا حليب بطبيعة الحال
وصلات وقت الجوع الهيمري بدأ كاينخر فيا وافيا الجوع يا عباد الله.ومليت من الشعرية كل ليلة نفحات لية مصراني وطيبات ليا معدتي وكرهاتني في حياتي واكواك أعباد الله ولات الشعرية بحال مرت ب ولات هي عقدة حياتي. دق دق!!! شكون؟؟؟هادي انا جارتكم لا حليمة.ايخ هاد الفراعة جات عاوتاني.اهلا خالتي حليمة كيف دايرة لابأس عليك كيف داير السي ميلود ومليكة كلشي بيخير.لابأس الحمد لله.ايوا دخلي. لا لا مانصيبشاي عندي بزاف مانقضي جيت عندك غير باش نقوليكي دوزي عندي غداً مع 11 عاونيني جايين عندنا شي ضياف ومالقيت إلى يوقف معايا من غيرك.ايه اخالتي هيا إلى مايتعاود غدا نكون عندك مع 11 كوني هانية.يالله ايوا هاكي هاد القطيبات درنا شي شوية ديال الشوا وقلت نعطيكم دوقو انت سي التهامي يالله دوزي بخير.سيرى لهلا يردك قطيبات،ديال اللحم احسن من كمارتك أوجه الويل.وتحقق حلمي وتعشيت باللحم يا حليلي فيقت ب وعطيتو يأكل هوا كايدعي معاهم وانا كاندعي عليهم.ولكن ضرني راسي شكون هاذ الضياف إلى عندهم وذبحو على ودهم شي قضية هادي تم غذا نعرف اش كاين ونفهم اش واقعرجعت من الخدمة ودزت لدار إلحاح ميلود دار واشمن دار دار ديال تاجر كبير في المدينة عنده منك يا عمارات ومنك يا هرييات ومنك يا بازارات.المهم شعبان لعاقة وشبعان طاسة هههههههههههههههه كل ليلة كايجي للحومة مقطوع pilla دايخ بالشراب استغفر الله العظيم بحال هادو هوما إلى كايكون عندهم الزهر والميمون مكعد.دخلت لدار ميلود تسالمت مع مرتو وانا نبدأ الخدمة دربتها بتسييقة فاعلة تاركة للدار جمعت الصالونات بجوج بخرتهم ودخلت عاونتهم في الكوزينة.شمنك يا بساطل وشمنك يا خرفان مشويين وشمنك يا لحم بالبرقوق وشمنك ياديسير وحلاوي حليت فمي في داك خير ربي وتبهرت وعينيا ولاو كايبريو بذاك المنظر الخلاب إلى كانشوف قدامي.من كلامهم فهمت بالي هاذ الضياف شي واحد لابأس عليه خدام في الخاريج جا يخطب ديك البايرة ديال بنتهم مليكة ايخخخخخ شحال تنكرها حاسة برأسها وشايفة رأسها هيا ملكة عصرها وزمانها ايوا علاه مالها إلى ماتنفخ عطاتها الوقت عندها الزهر كايهرس الحجر تزادت وفي فمها ملعقة من ذهب.فلوس ومال وجاه وحسب ونسب بحالي انا وجه الفقر والويل.ولكن بيني وبينكم اللهم الفقر وتامارة وعندي ب التهامي كايصلي صلاته وعارف طريق الله ولا يكون موبيا هو ميلود السكايري الخاسر الداسر..هاهوما الناس داخلين الصلاة والسلام على رسول إلا الجاه إلا جاه سيدنا محمد الله معا الجاه العالي.يويويؤيؤيئ.اتيكا اتيكاوا اتيكا اتيكاوا وانا كانشطح في الكوزينة وكاندرك على سعدي وزهري العوج هههههههههههههههه عاونتهم في التسربيا وماعرفتش شكون هوا العريس كاع هاد الرجال إلى كايننين زوينين ولابسين الكومبليات.ومفركسين شكون هوا العريس الله أعلم.تفرتكا الجوقة جمعنا الروينة ومشيت رجعت فحالي لدارنا عشيت ب من الشياطة ديال الغنادر لقيتو مسكين نعس بلا عشا فيقته وكلته وتلاحيت حداه كانحسب في عشر آلاف ريال.وتخلطو عليا المشاعر اول مرة في حياتي نشد شي مبلغ بحال هذا.درتهم تحت المخدة وتمركدت طحت طيحة وحدة حتال الصباح... مع الصباح العشرة وانا باقية ناعسة فقت مخلوعة الله ياربي الله مشا عليا الحال على الخدمة لبست عبايتي بالزربة مشيت كانجري لقيت مول القهوة محيح عليا كون لقا كون غززني بسنيناته.جرا عليا وقالي عمرني نشوف كمارتك.رجعت فحالي للدار انا ت وكانخمم الله يا ربي الله ماحدها غاديا وكاتكبر وكاتزمت في كمارتي الله يا ربي الله باش غادي نعيشو.انا وذاك المسكين ديال ب.رجعت للدار تفكرت عشرة آلاف ريال فرحت شوية ورجع ليا الأمل في الحياة كون ماكانت ديك عشرة آلاف رياي
دوزات ليا عشرة آلاف ريال عشرة أيام.النهار 11 مابقا عندي الريال اميمتي حنا طلي عليا اش غادي ناكلو وانا صباطي تشرك مسكين بكترت ماكاندور ونقلب على خدمة.خرجت وقلت إلى ليها ليها غادي نخرج نتسلكط وندبر على ماناكل ومانوكل بيه ب.وأنا خارجة تلاقيت مع حليمة الفراعة قالت ليا جابك الله قلت لها ياك لابأس وانا كانقول يا ربي تقولي اجي عاونيني راجلي بغا يتزوج ولا إلى كان.قالت ليا بنتي لا مليكة غادي تضرب الصداق غدا وبغيناك تعاونبنا وماتكون غير خاطرك بيني وبين نفسي قلت ههه أودي يا حلومة انت إلى ماتكون غير خاطرك المهم هوا نلقا مانحنجر انا وب.ومشيت معاها عاونتهم وورجعت فحالي والغذ ليه رجعت عندهم مع النبوري اصلا انا مولفا نفيق بكري ومولفا بتمارة .جا التريتور جاو السرباية بداو يحطو في الطبالي الصراحة مادرت والو داك النهار حينت التريتور تكلف بكلشي.بداو الناس كايجيو وبدأ الرياض كايعمر.بالناس الاليبا الناس المهمين الشخشيات ديال المدينة القديمة غير صحاب الشكارة العامرة ماصوات الشكاير العامرين بزريقات.احححح ازريقة الله.إلى عطاهم يعطينا جا الجوق وبداو الغناء ديك الأغنية ديال يا محمد صاحب الشفاعة وبعدها قلبها زدحة عاود دردك زيد دركدك.وبقيت انا واقفة كانتفرج والهوايش إلى فيا ماخلاونيش دخلت كانشطح ونحيح ونتحير.غادي تسولوني اش لبست.ويلي دخلتي لوسط الناس ب دوك الشراوط.لا يا الفراعات حلومة تفوبرات عليا وعطلتني واحد القفطان في الأحمر ومع انا بيضاء وشهبة شبهة امي شلحة من جبال الأطلس.عندي حقي من الزين خاصني غير التهلو دخلت وبقيت نشطح طيرت أمها ديك الخرقة إلى كنت دايرة فوق راسي وتلقت السالف الذهبي الطويل إلى خلاهم تالفين تحزمت ولويت على بذاك الشرويط إلى كنت دايرة راسي وعطيتها وعطيتها لشطيح 

الى عجباتكم نكمل ياالله الى عجباتها تحيح  ههههههههههه
yasmina
yasmina
مراقبة عامة
مراقبة عامة

انثى عدد المساهمات : 3348
تاريخ التسجيل : 09/06/2014

الرجوع الى أعلى الصفحة اذهب الى الأسفل

جبت لكم واحد الحجاية زوينة ديال واحد البنت اسمها وريقة الحنة  Empty رد: جبت لكم واحد الحجاية زوينة ديال واحد البنت اسمها وريقة الحنة

مُساهمة من طرف maria0123 الإثنين 13 أبريل 2015 - 22:27

كملييي عفاك
maria0123
maria0123
عضو فضي
عضو فضي

الجوزاء عدد المساهمات : 528
تاريخ التسجيل : 26/11/2014
العمر : 29

الرجوع الى أعلى الصفحة اذهب الى الأسفل

جبت لكم واحد الحجاية زوينة ديال واحد البنت اسمها وريقة الحنة  Empty رد: جبت لكم واحد الحجاية زوينة ديال واحد البنت اسمها وريقة الحنة

مُساهمة من طرف yasmina الثلاثاء 14 أبريل 2015 - 0:59

شطحت وبردت هوايشي،والناس كلشي كايشوف فيا.والعريس ماحيدش عينيه عليا.جاو العدول وجات العروسة من الكوافورة واخا مسكينة تقادات وتصاوبات وجلخات كمارتها بالألوان بحال الطعريجة جات بحال لمنيكا.دخلو العدول و بداو إجراءات الزواج.جا ميلود سكران مقطع وبداو يسولو العروسة واش قابلة قالت ليهم قابلة بطبيعة الحال.العرايسات كايكونو كايحشمو وكايمركو على عرضهم هاذي مساليا رأسها هه شبهات باها ميلود السكايري الخاسر الداسر الغندور.كملو العدول والناس كلشي كايتفرجو وكايتسناو العدول يكملوا باش يبدأ الجوق وتنوض الحيحة تاني ويحنجرو إلا كاين مايتحنجر حينت ديك الحلوة والعصير إلى علفو ليهم في الأول غير هروهم مساكن.ايوا النكافات كايهيهو الصلاة والسلام وهوا يبان ليا ميلود كايدخل ويرجع في الهضرة ماتفاهموش على الصداق ولايني هاد ميلود طماع طلب منه يعطيه 100 مليون في الصداق هاي هاي هاي.واصدقتي طميميع ا ميلودي تاضت الكيرة في الرياض لا عطيني ولا ماعاطيكش ها بنتك خليها ليك خلعها رآه ماتسوا حتا جوج فرانك.وناض وجا جهتي انا تخلعت قلت ناري هذا بغا يبرد فيا سمو.تخلعت وحنيت راسي.قالي انت اشنو اسميتك قلت ليه وريقة الحنة أسيدي.قالي متزوجة قلت ليه لا أسيدي انا رآه مادرت والو والله ماعندي علاقة بهاد الشي إلى طرأ ها العار رآه عندي ب مشلول شاد الركنة.ها العار وتحدرت على رجليه بغيت نبوسهم ليه كان لابس واحد الصباط داير بحال المراية وجهي بأن ليا فيههههه هههههههههههههههه.المهم نكمل ليكم.جرني وقالي عندك لاكارط قلت ليه عندي قالي اريها دغيا جبدتها من صدري وعطيتها ليه الناس كلهم كايتفرجو ومافهمين والو وانا رجليا فشلو بالخلعة وماعرفتش اشنو ندير.جرني من يدي وداني حدا العدول وقالهم زوجوني بهادي وغادي نعطيها 4مليون في الصداق.وريقة الحنة فيقي أويلي واش انا كانحلم أولا مت وطلعت للجنة ها العار شي حد يفهمني اش واقع.قيدو العدول سينيت وصدقت انا مولاة العرس مرت مولاي محمد المرابط إلى خدام طبيب فى فرنسا وخرجت من الفقر وقلت الشي ضحكات ليا الدنيا في وجهي وأخيرا.تبرعت وبرعت معايا ب التهامي.ولدت جوج بنيات شهبات بحالي.وهاني عايشة في فرنسا ومشات حجايتي من واد لواد وبقيت انا في فرنسا مع أولاد الجواد
yasmina
yasmina
مراقبة عامة
مراقبة عامة

انثى عدد المساهمات : 3348
تاريخ التسجيل : 09/06/2014

الرجوع الى أعلى الصفحة اذهب الى الأسفل

جبت لكم واحد الحجاية زوينة ديال واحد البنت اسمها وريقة الحنة  Empty رد: جبت لكم واحد الحجاية زوينة ديال واحد البنت اسمها وريقة الحنة

مُساهمة من طرف فراشة الوادي الثلاثاء 14 أبريل 2015 - 1:01

كيعجبوني بحال الحجيات شكرا ازين

فراشة الوادي
مراقبة عامة
مراقبة عامة

الثور عدد المساهمات : 2267
تاريخ التسجيل : 06/01/2015
العمر : 23

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى